ظهر عندي صوت زنه في كومبريسور التكيف و بتبان اوي في الحر و مع المشاوير الطويله و بتبان اوي من عند العجله اليمين و انت واقف اودام العربيه و تبتدي تزيد من اول الكومبريسور ما يشتغل لحد اما يفصل هل الصوت ده طبيعي ولا الكومبريسور هايشيع
عرض للطباعة
ظهر عندي صوت زنه في كومبريسور التكيف و بتبان اوي في الحر و مع المشاوير الطويله و بتبان اوي من عند العجله اليمين و انت واقف اودام العربيه و تبتدي تزيد من اول الكومبريسور ما يشتغل لحد اما يفصل هل الصوت ده طبيعي ولا الكومبريسور هايشيع
عندى الزنه اول ما اشغله لثانية واحدة و بتروح و الحمد لله
بص يابشمهندس ده شي اتكتب عليك ومش هيتصلح :d
صدقني ده الي اتوصلتله مع التوكيل ابو رواش لانهم عايزين يقنعوني ان الزنه دي طبيعيه ودي بتاعت الكومريسور وانا الي بيتهيالي
اتمني بجد انها تتحل ليك وتستريح وانا كمان معاك لاني نفسي الزنه دي تروح وترجع العربيه زي الاول
بس بجد ده كلامي بعد معاناه مع التوكيل شهر كامل وماذالت المعاناه مستمره
طيب وايه رأيك فى زنة الدركسيون عند الركن ؟
إيه المنتدى اتملى زن ليه يا صقور .....هههههههههههه
تقريبا الزنة وانت بتركن يا دكتور بسبب الصوت اللي جاي من مكنة الباور .... كانت بتحصل معايا ومسموعة جدا لما كنت باكسر الدريكسيون ع الآخر في الــ بيجو 505 اللي كنت باسوقها قبل النيسان ولما حصلت معايا في النيسان سألت المهندس في التوكيل قالي ده صوت مكنة الباور بتاع الدريكسيون .....
زنة التكييف دي لما تحصل معايا ابقى أسال عليها في أي صيانة ... المهم التكييف شغاااااااااااااال .....
الزنه دي ياعم احمد بقالها عندي مثلا سنه و نص علي الاقل و عادي جدا الدنيا بيييييييييس مافيش اي مشاكل فيها دانا حتي بقيت اليوم اللي مش بسمع صوتها بحس ان في حاجه ناقصه في العربيه ياراجل :majd(4):
ياحمد انا من راي انت تاخد حسين معاك و تبيع العربيه علشان انت من ساعة ماجيبت العربيه و انا نفسيا تعبان من علامة نيسان اصلا و تروح تجيبلك اي حاجه بعيده عن نيسان علشان تخلع من القسم بتاعنا ياخي القسم قبل مانت تيجي كان رايق و زي الفل :36_6_3[1]:
حيت انت عامل مشاكل علطول في المنتدي لا و الغريب في العدوي بقي :36_1_31:
عملت موضوع بتاع التكييف بعدها بكام يوم لاقيت حسين بيكلمني بيقولي الحق التكييف كذا كذا كذا بقوله انا قريت الكلام ده فين ياسحس قبل كده
و اهو قولت الزنه طلع في كام عضو عندهم الزنه :01964E~163:
ياخي ارحم من في الارض (منتدي نايل موتورز - قسم نيسان) يرحمك من في السماء ياجدع :120105~352:
:w6266d:w6266d:w6266d انا بخير الحمد لله يا رجالة
بس قولت امسى لما لقيت فى موضوع عن الزن
قولت ما ازن انا كمان ههههههههه
صوت الباور لما اكسر للاخر ده عارفه
انما الصوت اللى عندى واتعودت عليه خلاص هو تزييق فى عمود الدركسيون لما الف عادى عند الركن وكان اتشحم عند 40 الف ورجع تانى من كام يوم
انا عربيتى 2011 و عندى الزنة دى بردو بتبان اوى فعلا و انت برة العربية عند العجلة اليمين لكن وانت جوه بتبقى مش مسموعة و مش عارف ان كانت طبيعية ولا لا ؟
عندى فى التيدا صوت زنة فى التكييف لما التكيف بيشتغل وبيقوم .. وطبيعية عندى
ولو فى زنة فى التككيف فى اى عربية بتيجى مرة وبتروح خلاص والتكيف شغال يبقا مالهاش لزمة نفكر فيها
اما لو زنة بتروح وبتيجى طول ما التكيف شغال .. يبقا دى لازم يتكشف على مروحة البلور فى الصالون
استحالة افتح الكابوت واسمع الزنة دى ابدا .. لان لو فى مشكلة وحصلت فى الكمبروسيور حيبان جدا مع التكييف .. وليه اهسس واوجع دماغى .. وافك واشوف واعمل .. وممكن يكون دى حاجة طبيعة فى الكمبروسيور كدا .. ويبقا ما نبنى الا فك ولعب .. ومضمنش الحاجة تتقف تانى .. لا ياعم
لو فى زنة انا مبسوطططططططط منها اوى وعايزها تصفر كمان وتقولى بيب بيب اهلى ههههههههههههههه
وعامة لما تقابل الناس اللى معاهم الصنى او الكل خاليه يحط ودنه فى نفس المكان اللى قولت عليه
ولو الكل اجمع على كدا يبقا ده طبيعى .. ولو الكل قالك لا مفيش .. يبقا خلاص رةوح التوكيل وخاليهم يبصوا عليه
[b]الزنه دي مابنتش الا من بعد ما التكيف عمل تلج و قفل و بعد ما اتصلح الزنه مازالت موجوده و مبتبنش اما احط ودني دي بتبان من بره العربيه و موضوع الزنه دي العضو just4fun عمل بيها موضوع قبل اسمه زنه عكرت مزاجي
http://www.nilemotors.net/Nile/235911-a.html
و بعدين لما زهقت كشفت عليه بره في مركز خدمة تكيف و قالولي ان الكومبريسور اما يزن يبقى قرب يبوظ و انت عارف ان ضمان التكيف في الصني 12 شهر بس و ده مكتوب في كتيب الضمان يعني مش هافضل مبسووووووط كتير و انا مش عاوز البس كومبريسور بعد الضمان[/b]
يعني انا مش اول واحد يشتكي منها
انا عربيتي 2008 ماشية 35000 كيلو , عمري ما سمعت زنة من الباور او من التكيييف او من اي حتة في العربية , هو مره التكييف علق شوية ومكانش عايز يشتغل لاني كنت سايب زرار الكمبريسور مفتوح علي طول مع تدوير العربية وده غلط , غير كده مفيش اي حاجة بنزيق في العربية غير الحاجات اللي انا سايبها في الدرج