مشكله عند تشغيل التكييف

**newcar2011** · 23-09-2011 09:59 PM

الاربى ام بيوطى عند تشغيل التكييف وممكن العربيه تبطل نضفت الايدل والبوابه وما فيش تحسن نهائى ايه الحل يا رجاله المنتدى

**nadp370** · 23-09-2011 11:28 PM

بص ياباشا الموضوع عباره عن حلقات دائريت متصله ببعض
لو حصل خلل في حلقه من الحلقات هاتأثر عاللي جنبها ثم إللي جنبها وهكذا

طبعا لما الأر بي إم بيوطى العربيه بتتهز جامد وممكن تفصل منك عالأول الهادي
وأكيد بتكون مشغل التكييف

أنا حصل معايا الموقف ده مره والعربيه مش بطلت وبس
لأ وكمان مش عايزه تسحب بنزين وتمشي أبدا
غيرت فلتر البنزين والزيت وغيرت الزيت
وحاليا بجربها وبحطها في ظروف قاسيه وهاشوف

المهم لازم تغير فلتر البنزين كل 10000 كيلو
وفلتر الزيت يتستحن تغيره بعد كل 5000 كيلو وزيتك شيل أو توتال
وتشيك على كل السيور والبلي إللي بيمشي السيور
وطبعا الميا دي حاجه أساسايه تشوفها قبل أي مشوار ولو صغير
وطبعا بنزينك 92 أنضف حاجه من بنزينه نضيفه ومحترمه لأن ماشاء الله النصب بيجري في دمنا
والبنزين مكتوب عليه 92 وهو 80 وفيه بلاوي

إتأكد من كل الحاجات دي وخليك حنين على العربيه في النقل والغيار والسحب
بمعنى إنك تحس بيها وإنها بتتعب زيها زي البني أدم وليها طاقه وحدود لو حملتها فوق طاقتها ممكن تتعب وتقف

**newcar2011** · 24-09-2011 03:28 AM

دة انا مدلعها على الاخر فلتر زيت مع كل غيار والبنزين كل شهر بغيرة وبنزين 92 واحيانا والله 95 وفلتر الهوا بيكون انضف من الفوطه الى بنشف فيها وشى

**M.Alaa92** · 24-09-2011 06:28 AM

بس ف الغالب فى حساس اسمو حساس التكيف (صنايعى قالى كدة بس مش متاكد م الاسم هل هو ال air mass و لا ده حاجة و ده حاجة ) هو المسؤل عن انو يرفع الار بى ام انو لما التكيف بيشتغل فلما بيعطل الار بى ام م بيعلاش و بالتالى تبرجل