العين صابتنى ورب العرش نجانى
الحمد لله رب العالمين انها جت على قد كده
انا لسه مغير الكاوتش جديد من اسبوع وعامل بيه 500 كم بس
كونتيننتال 195/65 ار 15 والنقشة ثلاثية عبارة عن ممر عريض جهة الخارج وتفريعات شجرية من الداخل
انتاج الاسبوع ال46 من 2010 وصنع فى فرنسا
النهاردة ماشى ع الزراعى كنت مسافر وحصل انى ما عرفتش افادى جسم غريب ع الطريق فقضى على العجلتين جهة اليمين وبالكشف عليهم القطع كان فى الجانب بالقرب من المداس يعنى مش نافعين تانى
اتصلت بواحد صاحبى جالى وفكيناهم وراح يصلحهم
طبعا ما نفعوش يبقوا تيوبلس تانى واحدة منهم مش نافعة خالص لأن القطع مع عصرة العجلة وهاتفتح فى اى وقت والتانية ركبتلها شامبر داخلى مؤقتا راكبة قدام والاستبن راكب ورا والمضروبة فى شنطة العربية
طبعا الحمد لله انهاجت على قد كده وقدر الله وماشاء فعل
بس اللى يقدر يدلنى على معارض كاوتش كونتننتال بالمواصفات دى واسعارهم يكون له جزيل الشكر