الموضوع: لو مراتك سابت البيت واخدت الاولاد معاها بدون سبب يذكر تعمل ايه

ودي ميزة تاني للتعدد

الواحد لو متجوز اتنين عمره ما يتبهدل

اللي عاوزه تروح عند بيت أبوها تبقى فرصة الواحد يقضي شهر عثثل وفسح مع التانية وتبقى على نفسها جنت براقش

ده غير إن الست بتعمل ألف حساب لجوزها لحسن يميل للتانية

فعلا الستات دول صنف أعوج وما حدش يقولي دول اخواتك ولا حاجة من الكلام ده لأن اللي بنشوفه مش قليل خالثثث

المشاركة الأصلية كتبت بواسطة abouleila

اعتقد ان الموضوع ليه ابعاد تانيه غير اللى قلتها ..او ممكن تقول ان دى الاسباب المعلنة او التى قصمت ظهر البعير
يعنى ممكن تكون شايفة انك بتهتم بنفسك اكتر وبالتالى بتقول اشمعنى انا واحنا كمان لينا حقوق عليك
او نفس المشكلة دى اتكررت قبل كده وانت قلت هحلها ومحصلش جديد

ومعنى الاهل موفقين على موقفها ده ان فعلا الاسباب موجوده واكيد حصلت خلافات قبل كده وهما اتدخلو فيها .
لو انت شايف انك تتحمل جزء من المسؤلية فى الخلافات دى لا تتردد فى حل المشكلة حتى لو جيت على حساب نفسك من اجل بيتك واسرتك .( وده اللى انا شايفه )

اطلبها فى التليفون واتفقو تتقابلو خارج البيت وحاول تسمعها بقدر الامكان خليها تقول كل اللى فى نفسها خليها تخرج الشحنة اللى جواها لان مجرد الكلام هيخفف حدة الغضب فيما بعد وبعد كده رد على نقطه نقطة ولو عندك جزء من الخطا اعترف بيه لان ده هيشجعها انها كمان تعترف بأخطائها

خليك انت وهى بس بداخل الدائرة فقط والجميع من الخارج مجرد مشاهد وليس مشارك .

جماعة الخير من الاعضاء الغير متزوجين اللى بيقولو رئيهم فى الموضوع احب اقول كلمة ليهم علشان ادى نصيحة لاازم اكون مريت بها وخصوصا فى المواضيع اللى تتعلق بمصائر اطفال ليس لهم اى ذنب فيما يحدث

كلام حضرتك موزون

وانا بأعتذر وباعترف إني اتسرعت في تعلقي السابق وانفعلت مع الموضوع بتأثير عوامل مؤقتة عندي

يا ريت فعلا تستمع لنصيحة الأخ الغالية دي بس الأفضل إنك تحل المشاكل بطريقة جذرية بحيث تتعود انت وأهلك أن لا تسمحوا لأحد بالتدخل نهااااااااااائيا مهما حصل وتوصلها رسالة إنها لو وضحتلك انك على خطأ فأنت لن تتعالى وستعترف بخطأك وتعطيها كل حقوقها

المشاركة الأصلية كتبت بواسطة hussein

شكلك شرانى رغم انك قاعد فى سويسرا:))

لا والله بس انا الموقف دة حصل معايا كذا مرة وكنت باجى على نفسى كل مرة
مش عارف بقى دى طبيعة الستات ولا فى اية
هما لازم يعملوا مشاكل فى اى حاجة حتى لو الموضوع مش مستاهل
فى اخر مرة بقى عملت كدة وفهمتها انى خلاص زهقت وكذا واحدة من صاحباتها وصلولها الكلام دة
طبعا الغيرة اكلت قلبها وجابت العيال ورجعت على طول
ومن ساعتها الحياة وردى ومفيش مشاكل

المشاركة الأصلية كتبت بواسطة gamela

على فكرة ممكن لو وصل لها انه بيدور على عروسة البيت يخرب وتطلب الطلاق مش شرط انها حاتخاف و ترجع لان حضرتك بتقول انها عند اهلها من شهر واكتر يعنى مش محتاجة اهلها متكافلين بها وباولاد كمان
انا فى رايا وده من القران الكريم حكم من عندها ومن عند حضرتك قاعدة يعدوا فيها الناس الكبيرة من الاهالى يشوفوا ويحكموا علشان اولاد حضرتك حطهم قدام عينك مش علشان المدام اولادك اكيد نفسيتهم وحشة جدا وبيسمعوا كلام المفروض مايتسمعش عن ابوهم انه متخلى عنهم وسايبهم
المفروض الموضوع يتحل علشان الاولاد وهما حايشوفوا وحايحسوا بحكمة ابوهم لما يكبروا وانه حافظ على بيتهم وانه مش سايبهم وربنا يفعل اللى فيه الخير

اختلف معاكى
لو كانت عايزة تتطلق او من النوعية اللى بتفكر كدة ان لكل فعل رد فعل كانت طلبت الطلاق من زمان لان بقالها شهر سايبة البيت