قرية الزهور ممتازة جدا و الخدمات تحفة ونظيفة جدا انا بفضلها عن مارينا
ياريت تقولى الشقة هناك بتعمل كام
عرض للطباعة
فى رنج 200 او ازيد شوية بس طبعا هدفع مقدم كويس و ااقسط
هو انا رجعت الاعلان تانى لقيت بيقول اشترى شاليه انت و 3 من اصحابك و المجمل ان كل واحد هيدفع 17 مقدم على قسط يبقى التوتال 70 الف بس برده مش منطقى لانه اقل كتيير من السعر الطبيعى
انا حاولت اكلمهم النهاردة مكنوش بيردوا
وهو ده المطلوب الهدوء و الخصوصية و جو مريح للاعصاب ....... الناس موجودة طول السنة مش هتخلص :w6266d
طاب ما تفدنا يا باشا وادينا معلومات اكتر عن جولف باى بورتو يعنى فى الكيلو كام مستوى الخدمات فى القرية ايه و فضلتها ليه عن غيرها و شاليه بحديقة و لا بروف
و عموما مليون و ربع على البحر رخيصة ....... الشروق كانوا بيتكلموا فى 7 مليون بس !
الاعلان نازل عن قرية اسمها الجوهرة بيتش فغالبا هتكون هى
طاب مستوى الاسعار هناك كام يا باشا و خطة البناء هتخلص فى قد ايه
و انطباعك ايه عن القرية او تقيمها بكام من 10
و قطع الارض الفاضية اكيد فى ظهر القرية بعيد عن البحر
و مستوى الخدمات ضعيف متوسط جيد و هل فيه مسجد و حمامات سباحة
و هل نويت تاخد فيها و لا مش عاجبك
معلش تقلت عليك لكن اللى شاف غير اللى مشفش
تحياتى
والله ناس كتير بتنصحني اني مجبش حاجه في الساحل وبالفلوس دي لو قعدت اصيف كل سنه بمبلغ مش هصرفهم بردوا ولو حاططتهم في البنك هيجيبوا مبلغ كل سنه اصيف بيه
انتوا ايه رايكم ؟
انا رأيى ذيهم ... كل سنة خدلك اسبوع فى حتة جديدة ساحل شرم عين سخنة غردقة كدة
لية ترمى فلوسك فى شالية مش حتروحة غير اسبوعين بالكتير فى السنة
كلامك صح انا بحب اصيف في الفنادق يعني كل سنه فندق اسبوع بالخدمه وتعيش ملك وتدفعلك 6 الف وتريح بالك بس هيا الفكره في المواسم زي الاعياد وشم النسيم مش بنعرف نروح فين وبيبقا كله مليان ولمه العيله
متابع باهتمام
نصيحة متشتريش شالية الا لما تروح تشوف القرية وتعينها كويس وتتاكد انها مش اتحاد ملاك وتتاكد من الخدمات وحط فى دماغك المقولة اللي بتقول الغالي تمنه فيه