الموضوع: استشارة فى شراء شاليه

قريه امارات هايتش دى حاجه تانيه وليها كلام كتيير لانى فكرت اصلا ابيع واشترى هناك
بس حسيت بعدم المصداقيه فى كلام مسؤل المبيعات خلانى اتراجع عن تفكيرى دا
انا رحت امارات هايتس السنه اللى فاتت شهر 9 يعنى من سنه تقريبا
ورحت القريه نفسها وانا راجع القاهره
دخلت
مكان مكيف وظريف
بيقدمولك حاجه تشربها لحد ما مسؤل المبيعات يجيلك
يشرحلك نظام القريه ومميزاتها ويوريك البروشور وبيدلك نسخه شيك جدا جدا جدا منه
بيعرفك على الوحدات المتاحه والاسعار اللى بيبيعوا بيها
مبدئيا القريه على الخدمات اللى " بيقولوا " هتتعمل فيها تعتبر رخيصه
يعنى هى كمان مميزه ان فيها diving لان فيها coral reef
وهى القريه الوحيده اللى فيها شعاب مرجانيه فى مصر على البحر الابيض المتوسط
هيتعمل فيها مول تجارى كبير
لسان فى الميه وميناء لليخوت
فندقين واحد 4 وواحد 5 نجوم
باركينج
حمامات سباحه تقريبا 30 !!
اغلى فيلا هناك بحمام سباحه خاص وتشطيب سوبر سوبر لوكس وحديقه ومساحتا كبيره بس انا مش فاكر " تقريبا البناء على 550 متر" تمنها 2 مليون و 700 الف وهى تعتبر ببلاش مقارنه بمارينا
الشقق بتتراوح اسعارها من 170 الف الى 350 الف
الشاليهات كانت خلصت على كلامهم
وكان الكلام ان الوحدات خلاص قربت تخلص ويا تلحق يا متلحق والكلام دا اللى كلكم عارفينه
لكن فوجئت السنه دى من شهر تقريبا بمسؤل المبيعات كلمنى لانهم خدوا رقمى
وبيقى فى شاليهات يا فندم
قلتله ازاى مش هى خلصت
قالى لا ما احنا غيرنا نظام القريه وعملنا عروض وتخفيضات وحركات يعنى
فحاسس ان مفيش بيع خالص وعاوزين يجذبوا النس
دا غير انهم قالوا ان التسليم 2011 فإزاى غيروا نظام القريبه

بخصوص قريه الجوهره
هى تبعد عن مارينا مسافه 100 كم
القريه الشاطىء عرضه على البحر 600 متر بعمق 700 متر والقريه على تبه عاليه فوحدات كتير بتشوف البحر من الدور الاول والتانى
القريه عدد الشاليهات فيها كبيييير تقريبا وصل 500 قطعه ارض ويمكن اكتر بس فيه منهم متبناش
لحد ما شركه دخلت وقالت هبنيهم انا فى مقابل اعمل دعايه للقريه واحسن الخدمات واعمل حمامات سباحه
والكلام دا مشفناش منه حاجه غير ان الشاليهات اتباع منها نسبه
وهقلكم ليه دا بيحصل
القريه ما يميزها انها عاااااااائليه لاقصى حد
يعنى تروح هناك تلاقى كل الناس عارفه بعضها والعائلات تتصل وتتفق يسافروا امتى مع بعض ولينا اصحاب منهم فى القاهره
القريه جوها هادى جدا يعنى لى بيدور على الاستجمام والراحه فهى مكان مناسب
البحر جميل وميه كريتال بس يعيبه ان بعض الاوقات بيبقى السحب مرتفع
يعيبها نقص الخدمات وان كان فيه حمامين سباحه واحد كبير وواحد للاطفال
مطعم مشويات على البحر
كافيه على البحر واسعارهم كويسه
فيه على البحر شاشه lcd مشغلينها دايما وعشان لو حد عاوز يلعب ps
سوبر ماركت فى نص القريه
مسجد
منطقه العاب اطفال الا ان الالعاب باظت السنتين اللى فاتو من قله الاستخدام
القريه معظم الشاليهات القديمه " اللى مش بنياها الشركه اياها"
بتبقى على مساحه من 250 الى 300 متر
المبنى على 100 متر والباقى جراج وجنينه
ولا يزيد ارتفاع المبنى عن دور ارضى + دور اول + رووف
الخدمات بره القريه كويسه يعنى على بعد 2 كم فيه 3 سوبر ماركت فيهم كل حاجه تقريبا
فراخ ولحوم وخضروات وفواكه ومعلبات ومياه
بتاع كاوتشوك
راس الحكمه وتبعد 10 كم فيها بنزينه وسوق كبييييير فيه كل حاجه عاوز تشتريها و فيها خدمات يعنى ميكانيكيه و نجارين و ....

الحاجه الى مبوظه القريه للاسف هم اتحاد الملاك
يعنى الناس اللى ماسكين القريه حسبى الله ونعم والوكيل فيهم مبيعملوش اى حاجه
كل سنه يشتروا كام حاجه هابله والفلوس اللى بتصرف متعرفش بيتجاب بيها ايه
الا ان الكلام دا باذن الله السنه اللى جايه هيتغير
نيجى بقى لاهم شىء
وهى الاسعار
انا معرفش اسعار الشركه
لكن لو هتشترى من حد بيبيع ممكن تاخد الشاليه بسعر ممتاز
يعنى شاليه 250 متر من غير تجهيزات داخليه او حديقه ولا وديعه مدفوعه فى مكان متوسط
ممكن سعره فى حدود ال 140 الف وانت وشطارتك يعنى حسب ما البائع مستعجل او مكان الشاليه ودرجه تشطيبه

المشاركة الأصلية كتبت بواسطة blazer

الموضوع دا كان فين :d
انا الحمد لله شارى شاليه فى قريه الجوهره
لو حد عنده اهتمام يسال وانا اجاوبه لانى ملاحظ ان صاحب الموضوع صرف نظر خلاص

طيب ايه تقيمك للمكان ؟؟

انا قيمت المكان فوق بس حضرتك مخدتش بالك من الرد :)

المشاركة الأصلية كتبت بواسطة blazer

انا قيمت المكان فوق بس حضرتك مخدتش بالك من الرد :)

المشاركة الأصلية كتبت بواسطة blazer

الحاجه الى مبوظه القريه للاسف هم اتحاد الملاك
يعنى الناس اللى ماسكين القريه حسبى الله ونعم والوكيل فيهم مبيعملوش اى حاجه
كل سنه يشتروا كام حاجه هابله والفلوس اللى بتصرف متعرفش بيتجاب بيها ايه
الا ان الكلام دا باذن الله السنه اللى جايه هيتغير

ازاى ؟؟ يعنى ايه اللى هيحصل ؟؟

أنا حجزت فى يوليو 2011فى قرية امارات هايتس ستوديو 50 م + حديقة 25 م ودفعت 27000 الف جنية مقدم والباقى على 3 سنين والاستلام قالولى بعد سنتين وتدفع 10% وديعة صيانة والاسعار دلوقتى زادت نفس الاستوديو بقى ب 315 . بس انا للامانة ما شفتش الموقع على الطبيعة .