أكسنت rb 2012أم إلانترا الشكل القديم 2011

**ahmedamir78** · 24-09-2011 12:37 AM

انا كنت كاتب الموضوع ده في قسم المقارنات ومالقتش أي رد، فيارب ألاقي الرد هنا :)

محتار بين الأكسنتRB 2012 أول فئة أوتوماتيك وبين الإلانترا 2011 الشكل القديم أوتوماتيك برضه أول فئة
مع العلم بأن الإلنترا عليه خصم عشان موديل وشكل أقدم وسعرها تقريبا نفس سعر الأكسنت Rb أول فئة أوتوماتيك
وياريت تقولولي إذا فعلا في فرق من حيث:
1-الصاج ، يعني هل فعلا الصاج أصبح أثقل من قبل وأقوى
2- الموتور والتكنولوجيا هل تغيرت أم تقريبا واحدة
3- بالنسبة للصالون أنا جربت الRb وصالونها كويس جدا يعني مش ضيق زي الأكسنت القديمة، بالعكس ده في فرق كبير جدا
4- ما هي الكماليات التس قد تكون موجودة في الRB ومش موجودة في الالنترا
وياريت لو فيه أي معلومة ناقصاني أو تايهة عني توضحوهالي من فضلكم
وقبل ما تنصحني حط نفسك مكاني بجد، وشوف كنت هتتصرف إزاي

وشكراً جزيلاً وآسف على الإطالة

**hossam20102010** · 24-09-2011 01:50 AM

الالنترا احسن لانها فئة اعلى ...قاعدة عجلات اكبر فطبيعى انها اكتر ثبات من الاكسنت

وبالنسبة للموتور ... الالنترا الشكل القديم 121 حصان ... الاكسنت الجديدة تقريبا 126 حصان ... فالفرق مش كبير

يبقى الالنترا اوسع واثبت ... والاكسنت ميزتها عن الالنترا انها شكل احدث و جراية اكتر لانها خفيفة و موتور 126 حصان !!

بص انصحك تجيب عربية يكون فيها عالاقل واحد ايرباج ....هتبقى اغلى ب3 او 5 الاف تقريبا

**ahmedamir78** · 24-09-2011 07:00 AM

أشكرك يا أستاذ حسام، ولكن انا شايف ان الفرامل الabs أهم من الإير باج، ده بالنسبالي أنا
وبعدين امبارح بليل نزلت معرض أباظة اللي في سابا باشا على البحر وكان الاتنين معروضين هناك، بصراحة وبدون مبالغة اتأكدت من ان صاج الrb أثقل وأقوى من صاج الإلنترا ، وواضحة جداً في قفلة الأبواب
فربنا ييسر ان شاء الله وهصلي استخارة تاني وتالت وربنا يكرم

**bebo12125** · 24-09-2011 10:29 AM

على فكرة انا واخد اخر واحدة النترا اتوماتيك من التوكيل مشعارف هل فى عند الموزعين فى ولا ومفيهاش ايرباج ولا abs

**bakkarahmed** · 26-09-2011 04:49 AM

انا برده في نفس الحيره وخاصه ان الالنترا شكلها اتغير وبقت قديمه شويه والواحد مش هايحس بالتغيير بس في المقابل عربيه متجربه واسعار قطع غيارها رخيصه..اما الاكسنت في المقابل الواحد هايحس انه راكب حاجه جديده بس مشكله الصاج بتاعها انه مليان سوك يعني لاقدر الله الخبطه ماينفعش تترد زي الاصل الا علي السخن وعند واحد محترف وكمان العربيه تحت الاختبار في السوق وماينفعش الحكم عليها الابعد شهور يعني تعتبر دلوقتي شبه البطيخه المقفوله وكمان شكلها من جوه ومن بره ممتاز بس باحس انها صغيره وكان ناقصها رطوش صغيره وتبقي فخمه شويه