نيساان ... وقصتي مع ابو رواش وصيانه 50 الف

**morsi** · 24-09-2011 07:54 AM

د.محمد
ربنا يكون فى العون وان شاء الله العربية تتصلح وكل شيء يبقى تمام. معلش انا لى سؤال بعيد شوية عن الموضوع...... حضرتك بتقول عمرك 22 سنة وبرضه بتقول كان فيه مريضة قريبتك المفروض انك كنت هاتعملها عملية.اعتقد ان لو عمرك 22 سنة يبقى انت على اقصى تقدير طالب فى سنة خامسة وبالتالى مش ممكن تقدر تعمل اى عملية لأى مريض. ياريت حضرتك تصححلى لو انا غلطان.

**HOSSAM_GABRE** · 24-09-2011 08:09 AM

الهدوء والصبر فقط لا غير
انما الزعيق وعلو الصوت مش حيجيب نتيجة
ربنا يكرمك ومشكلتك تتحل

**togo** · 24-09-2011 11:07 AM

المشاركة الأصلية كتبت بواسطة morsi

د.محمد
ربنا يكون فى العون وان شاء الله العربية تتصلح وكل شيء يبقى تمام. معلش انا لى سؤال بعيد شوية عن الموضوع...... حضرتك بتقول عمرك 22 سنة وبرضه بتقول كان فيه مريضة قريبتك المفروض انك كنت هاتعملها عملية.اعتقد ان لو عمرك 22 سنة يبقى انت على اقصى تقدير طالب فى سنة خامسة وبالتالى مش ممكن تقدر تعمل اى عملية لأى مريض. ياريت حضرتك تصححلى لو انا غلطان.

+1111111111111111111111

**Dr.M.Mowafy** · 24-09-2011 11:54 AM

جزاكم الله خيرا جميعا وفعلا انا بفكر اروح السبع لاني جبت اخري من التوكيل ابو رواش وربنا يقدم الخير
اما بالنسبه لموضوع النرفزه وكده فممم ده يارتني اقدر اتخلص منه لاني فعلا عصبي جدا والي بيجي عليا تقريبا بتتقلب الدنيا بالنسبالي عليه وده لاسباب احب احتفظ بيها بس عمتنا يعني يعني عايش بمبدا واحد وواحد يساوي اتنين
يعني مثلا في مهندس في التوكيل ومسؤل كبير وبدون ذكر اسماء قالي هو ايه احنا مروناش غيرك وكان ردي بكل هدوء يعني انا يافندم الي مورياش غيرك
بعيد عن اي حاجه دي مش كلمه تتقال يمكن يقصد تهريج بس بالنسبالي علي الاقل بردوا مش تهريج
المهم
صحيح بالنسبه لموضوع اني 22 سنه وبخش عمليات
انا دارس طب برا مش هنا في كاليفورنيا وكان فاضلي اخر سنه واطريت اني انزل مصر لظروف تعب والدي فالمفروض اني اخد سنه سادسه من هنا ولما قدمت طلب اني اخد سنه سادسه من مصر قالولي لازم تاخد خامسه تاني وفعلا ختها السنه الي فاتت واديني منتظر اخد سنه سادسه
بس في كلتا الاحوال انا شغال عادي مجرد بس اخلص موضوع الشهاده
وبالنسبه اني كوني اعمل عمليه وكده ده بس مش لاي حد دي لناس معينه وبتبقي سوكيتي كده
متفضحوناش بقي

**Ahmed_selmy** · 24-09-2011 03:53 PM

الحمدلله الذى لا يحمدعلى مكروه سواه
يا دكتور ربنا يكون فى العون ويصبرك على التوكيل
ويوفقك فى دراستك
قادر ياكريم

**EhabVet** · 24-09-2011 04:00 PM

إيه يا دكتره الفيلم الهندي اللي بيحصل معاك ده
دا انت تعمل مسلسل باللي بيحصلك يضرب المسلسل بتاعي
بجد ربنا يعينك ويحل مشاكلك على خير .. ويرزقك الحلم والصبر
بس أكتر حاجة مستغربلها حكاية الرقم السريع بتاع نيسان اللي بيسألك عمرك كام وبعدين يقفل السكة في وشك
أكيد في حاجة غريبة .. أو إن في حاجات انت ماحكيتهاش

**Ahmed.TV** · 24-09-2011 05:22 PM

طبعا انت عارف انك غالى عندى جدا .. وان متعاطف معاك من بداية الموضوع ولاخره
ومقدر اللى حصل معاك من اخطاء كبيرة حصلت معاك هناك .. وعشان كدا مسكتش ابدا
وفعلا فيه بعض السلبيات هناك .. و باذن الله ناوى اقعد معاهم عشان اعرض عليهم السلبيات اللى وقعوا فيها مع العملاء .. عشان يكون لصالح الجميع سواء للعملاء اولا وللمركز ثانيا
لاننا هنا فى نايل موتورز اصبح لينا دور كبير مع مراكز الخدمة والعملاء .. اننا نعرض المشكلة او نحل مشكلة العميل فى نايل مع مراكز الخدمة ونساعد العميل فى الاول ونلفت اى مركز خدمة بيتعامل مع نيسان فى اخطائه اللى ممكن يقعوا فيها .. والحمد لله اغلب المراكز بتتقلب منا النقد البناء واى طلبات لينا فى حل مشاكل الاعضاء .. ودى حاجة كويسة قدرنا نوصل ليها مع مراكز الخدمة .. وكمان حاجة كويسة ان المراكز دى تكون معترفة بالخطاء ويتداركوه

لكن انت عارف ياما اتكلمت معاك كتير فى موضوع العصبية دى يا محمد .. لان قولتلك ببساطة انت فى الضمان ومعاك حق .. ونقدر نثبت حقنا بمليون طريقة طريقة .. لكن العصبية الزايدة عن الحد ده لازم عليها كنترول فى حياتك عشان شغلك وحياتك العملية طبيعى .. وخصوصا انك انسان فى غاية الاحترام والذوق .. وبحبك شخصيا فى الله بجد .. وانت عارف ده كويس جدا ..
فازى ما قالك الاعضاء اخد الحق حرفنة .. وبهدوء .. وخصوصا انك مش رايح لحد فى الشارع ممكن يضيع حقك فلازم حتتعامل كدا معاه .. لان ده توكيل واكيد بيخاف على سمعته وعارف ان العميل لو متحلتش مشكلته حيقلب الدنيا ويعمل شكاوى

وعلى فكرة يا جماعة هى ميزة ان نيسان ليها مراكز خدمة كثيرة مش ليها مركز صيانة بتعها على طول زى كيا وغبور مثلا
ليه بقا ..
لان كدا المراكز بتنافس بعض اولا .. وثانيا بيهتموا بالشكاوى العملاء عشان نيسان متسحبش التوكيل منهم .. زى ما حصل مع ابو غالى

فعشان كدا ده وكمان عشان عارف انك عندك حق فى مشكلتك من الاصل بغض النظر عن عصيبتك فلازم الدنيا تتقلب وتقوم ..

وبعض ما صلحوا وغيروا ولسه فى حاجاات لو عايز يعملوها حنفضل معاهم لغاية ما تاخد حقك بالكامل .. لانهم عارفين ده وعايز يعملوا ده .. بس انا عايزك متقفلش من ناحية العربية
لانك مهما قفلت وتعبت نفسيا من العربية ولو روحت اى مركز خدمة اخر .. مهما عملوا فى العربية حتكون تعبان نفسيا وحتحس بردوا ان فيها حاجة ولسه مش مظبوطة

واللى انت عايزه سواء هنا او هنا او هنا انا معاك ووراك وجنبك وفى دهرك يا حبى .. ولو مزعلاك الصنى خالص سيبك منها بقا وهاتلك تيدا .. وانت بتحب الجرى اصلا والتيدا روهوانة بسم الله ماشاء الله وعلمت كمان على التويوتا كورلا الشكل القديم والجديد

وصحيح بخصوص الجرى .. ياريت تهدى اللعب فى الجرى والحرق .. لان واضح انك بتحب تحرق جامد وتجرى بالعربية سرعات وده عرفته من كلامك وحكايتك ومن كتابتك .. فده بياثر بردوا على الاستهلاك خالى بالك ..

وباذن الله انا حقابلك الاسبوع الجديد اللى احنا فيه .. وحاخد عربيتك بنفسى واسوقها وحجربها .. وحروح بيها مودرن وحظبطلك الدنيا عشان نشوف ايه اللى ناقص

وروق .. وكفاية علىا لصنى كدا اصلا .. واتجدعن بقا وهاتلك تيدا زى ما قولتلك .. ومتغلاش عليك عربيتى يا حبى

اخوك فى الله
احمد مصطفى