الموضوع: نيساان ... وقصتي مع ابو رواش وصيانه 50 الف

جزاكم الله جميعا كل خير
ومهندس احمد مصطفي الفكره مش فكره نرفزه انا زي ما قولت لحضرتك انا التوكيل بجد اقدر اعمل معاه الي مالا يعمل بس معنتش بحب استخدم اي حاجه تخصني بحب امشي زي ما كل الناس بتمشي وعلشان كده كلمتك انت وبسالك اعمل ايه لاني لو تدخلت ناس كتيره بجد في الي زكرت اسمها هتتاذي بسببي طيب وليه !!! وبرجع اندم وخلاص
لكن هما ناس بجد قمه في قله الادب وعدم الاحترام
وفي مسؤلين هناك في الي قابلتهم مفكر انه لما طلعلي عربيه بدل عربيتي بعد ما دخل عربيتي اكتر من 4 مرات كل مره اسبوع واتنين وفي الاخر عايز يدخلها خامس ويقولي مفيش عربيه يبقي في رد تاني مني
لانه كده بيهرج
فهو مفكر انه لما طلعلي عربيه بيمن عليا ... انا محدش بيمن عليا يا بشمهندس احمد وميفكرشي نفسه عملي حاجه شخصيه ده حقي وهخده ولو اي حد وقف قدام حقي ميزعلشي
لما حد اكون غلطت فيه واتاسفله اكتر من 4 او 5 مرات وبصفه شخصيه واعتزرله عن طريق يرجع ويكرر نفس الموقف ويقول اني عملت وسويت امال كان ايه لزمه الاعتزار ويقول ما انت عملت وانت غلطت اعزرني ده كده شغل .....
لما يجي اكبر مهندسين في الشركه دي وبدون ذكر اسماء ويقولي انت مقولتليش الي حصل ده لييييييييه هو مش المفروض بيوصله كل حاجه ولا هو مدير عما تفرج ان شاء الله
لما يجي مهندس ويقولي غير الكاوتش والبطاريا هم دول سبب استهلاك البنزين
البنزين عندي بيستهلك بالشكل ده حاليا في اللتر بيعمل 6 كيلو ع السريع
وفي البطئ بيعمل 5 كيلو
واروح اغير كل ده ب تلت تلاف يبقي حرام
لما يجي مهندس هو اسمه حسين مش عارف اذا كان هو ده الي بيتكلم عليه الاستاذ xil ولا لآ بس ده قالي النيسان عمرها متعدي ال 170 كسرعه وانا اقوله ياعم انا جبت بيها 200 وكنت هعدي كمان
يقولي لا انت كده بتهرج او العداد بتاعك بايظ كده
قولتله طيب خده صلحه سكت
ايه ده ده مهندس هو راخر بيهرج
لما مهندس يقولي عربيتك هتاخد تصليح مش اقل من 10 ايام اخش للمهندس محمد حمزاوي ويجي المهندس يقول قدامه انا قولتله 10 دقائق وهتطلع ده يبقي بنأدم كداب وبيهرج بردوا
لما مهندس اكلمه في التلفون يقولي انت قليل الادب ده يبقي ايه يبقي هو مترابش مع احترامي للي هيقرا الجمله الي فاتت دي
ولما ولما ولما تجارب بالهبل مع التوكيل مش عايز اقول غير محترم علشان المشاركه متتمسحشي بس اتمني يكون اتفهم الي عايز اقوله
والله مش عارف اقولكم ايه

بس اتمني محدش ياخد بكلامي ده ويقول مش هشتري العربيه دي بسبب تجربه محمد
لا متعملشي كده ومقدرشي اقولك اشتريها لاني قرفان من العربيه جدا
بس اتمني انك تحكم عقلك في الشراء بالذات

بالنسبه للاخ xil : المهندس الي قولتلي عليه ده انا اعرفه فعليا وفعلا شاف العربيه وقالي العربيه مفهاش غلطه وتاني يوم العربيه فصلت مني والمتور كان بيفوت وكمان بتتهز العربيه جامد وكمان كان في مشكله في بوابه المتور وكان فيه كم مشكله تانيه
وهو هو الي قالي النيسان مبتعديش ال 170
والنيسان بتعدي
:)
وشكرا لردك لانه من شخص بيحط نفسه في الموقف قبل ما يرد لان فعلا لو حد مكاني في الموقف ده وع فكره انا محكتشي كل حاجه عمر ما اعصابه هتكون هاديه

.................................................

اولا ربنا يكون في عونك بغض النظر عن كونك عصبي ولا لأ. ثانيا انت غلطان عشان لما قولتله ان سنك 22 سنة اول مرة وقفل السكة في وشك كنت تاني مرة قولت ان عمرك 45 سنة مش كده ولا ايه؟ ......طيب خلاص متتعصبش انا بهزر معاك يا دكتور . بالمناسبة توكيل مودرن فعلا مش محترم لانهم قفلوا السكة في وشي قبل كده عشان قولتلهم يبعتولي الصيانة المتحركة لتغيير سيور العربية في طريق العين السخنة لانها اتقطعت وهي عاملة 8000 كم مرضيوش وقالولي ابعتهالنا ولما قولتلهم هيونداي مبتعملش كده مع عملائها قفلوا السكة في وشى طاخ فعشان كده حاول تروح السبع لانهم فعلا محترمين جدا وربنا معاك وابقى طمنا.

معلش يادكتور وربنا يكون فى عونك بس نصيحه ياريت تعرف انك بتتعامل مع مصريين مش امريكان يعنى موضوع الالتزام بالمواعيد والكلمه الواحده والصراحه الامنتهيه والشفافيه دا صعب تلاقيه هنا وحاول تعود نفسك على كده وتفتح باب الصبر والا حتتعب جدا وبالذات مع الورش ومراكز الصيانه ولازم كمان الذكاء فى المعامله . يعنى موقف مشابه مع صديق فى ابورواش حصل معاه اكتر من 6 ساعات والعربيه مادخلتش الورشه وفى الانتظار سبحان الله وصلت هناك اتكلمت مع فنى بالراحه وحكيتله الظروف ساعه استلمت العربيه والمهندس صمم اجربها معاه وادانى رقم تليفونه وقالى اتصل بيه قبل ماتيجى . ماعلش حظك كده

معلش يا دكتور .. انا طبعا مقدر كل اللي حصل لك ده و طبعا انت كنت حكيتلي علي اللي حصل في المقابلة لكن فعلا للاسف الزعيق مش هيجيب نتيجة .. ربنا يعينك و كل حاجه بقي تمام ان شاء الله
و طمنا عليك كده اول بأول

يبقي انت اكيد في مصر