حد عارف اذا كان ينفع نزود USB انا عندى Aux بس
عرض للطباعة
حد عارف اذا كان ينفع نزود USB انا عندى Aux بس
علي ما اظن لو مافيش في الكاسيت فتحة usb يبقي مش هينفع يركب واحد
بس الaux ممكن توصل بيه الموبايل او mp3 او ايبود مش لازم توصل فلاشة
ما انا عايز اقلب التراكات من الملتى :)
مايركبش يو اس بي
لكن ممكن تركب ال دي في دي بتاع العربية ودا فيه كل حاجة
شاشة 7 بوصة
يو اس بي
كارد ريدر
بلوتوث
وكل حاجة تتخيلها
انا فكرت فى الموضوع ده بس بغض النظر عن التكلفه هو صوته مش حلو للأسف
السماعات مش هتعمل حاجه لو الاشاره اللي جايالها اصلا وحشه
بس معلوماتي ان الجهاز اللي هيركب ممكن انت تختار حاجة نضيفة منه، لأن أنا سألت في التوكيل قالولي معندهمش الجهاز لكن هايتعاملو مع ماركة معينة يبدأوا يجيبوها لأنهم مكانوش بيجيبوا ال دي في دي قبل كدة والماركة دي اسمها يانكي تقريبا على ما اتذكر
لو كده نشوف بقى يعنى هما ناويين يركبوه عندهم ؟ انت سألت فين ؟
يا جماعه انا ناوى اشترى الكروز و محتار ناس كتير تقول قطع غيارها نار و محدش بيشتغل فيها غير التوكيل و ناس بتقول سحبها ضعيف جدا جدا انتم اكتر ناس تحكمو عليها لانكم بتتعملو معاها يعنى بجد ايه مميزاتها و ايه عيوبها و هى افضل و لا السيراتو
بص انا لسه بايع السيراتو من يومين واشترتها و مش ندمان انا اشترتها علشان العفشه اريح معنديش فكره عن اسعار قطع الغيار بس موتور اوبترا فا معتقدش هتبقى غاليه بالنسبه للسحب فا لو قارنتها بالسيراتو هتكون اكيد اقل بس هي مش ميته يعنى برده سحبها تقيل شويه
لو بتحب تجري و بتحرق بالعربيه مش هتنفعك....خالص
الموتور صوته واطي جدا في الكروز
الاوبشنز في السيراتو اكتر عن الكروز
الكروز احلي علي الطريق السريع و احلي في المطبات و مريحه انا المطبات كانت بتسمع في ضهري في السيراتو
استهلاك البنزين تقريبا قريب قوي من بعض بس انا السيراتو بتاعتي كانت ٤سرعات
لازم تجيب عربيه فيها ABS Airbags فا لو الفلوس مش مكمله معاك هات السيراتو هاي لاين
تقفيل السيراتو SX 2010 من جوه شايفو احسن من الكروز هاي لاين بس انا شوفت 2011 سيراتو و حاسس التقفيل اوحش انا عربيتي كانت تقريبا ٢٠١٠ مع ان ورقها كان ٢٠١١
انا عن تجربه ٤ سنين و نص مع منصور في الافيو و سنه توكيل كيا...شايف منصور احسن.
انا متشكر ليك جدا على الرد و الاهتمام
لكن انا فعلا ركبت السيراتو 2011 بجربها لقيت تقفيلها ميستهلش بجد يدفع فيها جنيه لكن الكروز اقيم و افضل بمراحل
انا كنت ناوى على الكروز هاى لاين بس للاسف انا بجرى كتير و بحب السرعات العاليه معرفش اركب عربيه سحبها بطئ لاكن الكروز عاجبانى بجد و للسبب ده انا قلقان عشان حدرتك عارف العربيه مش رخيصه و حرام ادفع المبلغ ده كله على عربيه مش هتدينى كل الى انا عايزه انا كان معايا لانسر 1600 اتوماتك و بدور على الافضل
اسف للاطاله لكن انتم ماشاء الله عليكم عندكم صبر
سألت في فرع الصحراوي وواحد اسمه أ. محمد زكي اداني رقم واحد اسمه م. فوزي فؤاد من اسكندرية وهو اللي هيورد للتوكيل
الجهاز 3200 بدون تركيب
كارت وعليه سوفت وير الجي بي اس 175
كاميرا خلفية تقريبا 200
سألت بردو السجان - شارع دمشق
الجهاز 3500 شامل كل حاجة بس بدون تركيب
كاميرا خلفية 175 - 225 حسب النوع
سألت واحد تاني في حي السفارات
الجهاز 3900 شامل كل حاجة وبالتركيب
الجهاز ماركته ايه ؟
any one have the pic of that yanky device ?!
أ. سامح هو أنا مش فاكر عنوانه ولا اسمه بصراحة بس انا عارف مكانه فين. لو حضرتك حابب أقولك هو فين بالظبط ممكن تكلمني بكرة الصبح وأنا أوصفلك هو فين. بس نصيحة من تجارب سابقة، لو عايز حد محترم وعنده ناس فاهمة في التركيب وتعامله كويس، يبقى تروح للسجان اللي في شارع دمشق
واعتبرني أخوك وتحت أمرك في أي مساعدة
م. إيهاب الشرقاوي
0161473333
اعتقد لو اتجمعنا مع بعض و جبنا ال dvd ممكن يدونا خصم
I'm in
كاسيت الكروز مفهوش من ورا فتحة usb
لكن فى حالة انك مش هتغير الجهاز فتشترى من راديو شاك واصلة بتركب فى ال aux و النهاية التانية بتكون usb
يعنى بالبلدى الدكر بيركب فى العربيةaux و الطرف التانى فى الفلاشة او اى جهاز usb
حضرتك متأكد انها موجودة في راديو شاك انا سألت عليها قاللولي مش موجودة
مفيش حاجه اسمها وصله usb / aux دى حاجه و دى حاجه
لازم يكون عندك جهاز يقرا الفلاشه و يطلع صوت على ال aux output
الجهاز ده موديلاتور او mp3 player مثلا
اولا ينفع انك تركب usb لكن بالتالى لازم تلغى مكان ال aux لان الوحده كبيرة.و لو حصل و ركبتها كاسيت الكروز ملوش فتحة لل usb.بخلاف كمان انتا محتاجها باور والا داتا لان الاتنين مختلفين فى توصيلهم,البور هتاخد واصلة من الولاعة أما الداتا فمن الكاسيت.
فالبديل انك تروح على راديو شاك هتلاقى عندهم وصلة usb من طرف و الطرف الاخر الدكر بتاع ال aux,يعنى سلك ليه usb بس بيركب فى فتحة ال aux.