تجربتى اليوم مع الانوس فى سوق السيارات

**aslam555** · 25-09-2011 02:04 PM

المشاركة الأصلية كتبت بواسطة vantroy

بالنسبة للاسعار فانا مش عارفلها سبب ... فى اللى بيقول علشان الثورة والاستيراد وقف والجديد بقى اغلى فالمستعمل بيعلى
واللى بيقول علشان الصيف.... وكله بيقلد كله....المهم فاصل ودوحر ولطم الراجل لغاية ما يقولك خد العربية وكلب لولو هدية معاها

بالنسبة للمواقع فدى كتير ... لعل افضلها - ودا اللى جبت من خلاله عربيتى - هو كار كونتاكت

وبالتوفيق

انا متشكر جداااا وربنا يكرم هشوف الموقع كده

**aslam555** · 25-09-2011 02:07 PM

المشاركة الأصلية كتبت بواسطة maka

متزعلوش منى الكلام ده مش مظبوط اوى انا اشتريت من السوق كذا عربية اخرهم لانوس اتوماتيك انا وواحد صاحبى و كانت عربية بيتى

الوحش كتيير و الحلو مش باين منه لكن 1: - لازم تتعب و تدور و تجرد السوق 2- تبقى واخد معاك صنايعى بيفهم و صبور 3- تبقى عارف توب العربية اللى هتشتريها علشان تعرف تحدد السعر صح

اخيرا التوكل على الله و الاستخارة قبل الشراء و طالما الواحد اتوكل على ربه مفيش عبد هيخدعه باذن الله

ياعم ربنا ما يجيب زعل ابدااا فعلا الوحش كتير جداااااااا بس نادر لما تلاقى حاجه نظيفه ولو لقيت بيبقى سعرها غير طبيعى
الله المستعان و الى لينا نصيب فيه هنشوفه

**aslam555** · 25-09-2011 02:11 PM

المشاركة الأصلية كتبت بواسطة tananybasha

الكلام ده فى اللانوس
اومال الغلابة اللى معاهم فيكترا زى حالاتى
يسمعوا كام 20000

الكلام ده كان على عربيات زباله وما تنساش ان اغلبهم تجار لاكن عربيه حضرتك على حسب موديلها وحالتها لو محافظ عليها اكيد هتجبلك سعر كويس
نورت الموضوع

**mamdouhedrees** · 27-09-2011 05:17 PM

الأسعار المستعمل بالفعل مرتفعه.

**mido51eg** · 27-09-2011 05:46 PM

ياجماعة تابعوا اهرام السيارات يوم الجمعة. الأعلانات بيبقى عاملها ناس جادة بتبيع عربياتها ومش بيفرق معاهم ثمن الأعلان بعكس التجار اللي بيحسبوها بالسحتوت ، غير اللي بيعملوا اعلانات على النت علشان بتبقى مجانية. ممكن العربيات المعلن عنها في الأهرام تبقى قليلة علشان مش كتير بيحب يدفع انما غالبا هتلاقي الحالة كويسة جدا فبيدفعوا ثمن الأعلان علشان عارفين ان ربنا هيكرمهم ويبيعوا العربية بسرعة.

**shaddadfalcon1** · 27-09-2011 06:00 PM

المشاركة الأصلية كتبت بواسطة sikonsadek

دانا معايا لانوس 1 موديل 2000 رشة حزام فبريكة دواخل وزجاج كهرباء وتكيف وسنتر وطالب 45 والناس بيقوللى غالية دة انا على كدة غلبان

عمرها ماتجيب السعر ده
انا معايا اخت عربيتك بس في شوية برومه ومتسعره 38 من الموضوع بتاع تسعير العربيات اللي في المنتدي
يعني عربيتك اعتقد لو ماشي كتيير هتبقي بتلعب في ال 40 او 41

**aslam555** · 27-09-2011 11:08 PM

المشاركة الأصلية كتبت بواسطة mido51eg

ياجماعة تابعوا اهرام السيارات يوم الجمعة. الأعلانات بيبقى عاملها ناس جادة بتبيع عربياتها ومش بيفرق معاهم ثمن الأعلان بعكس التجار اللي بيحسبوها بالسحتوت ، غير اللي بيعملوا اعلانات على النت علشان بتبقى مجانية. ممكن العربيات المعلن عنها في الأهرام تبقى قليلة علشان مش كتير بيحب يدفع انما غالبا هتلاقي الحالة كويسة جدا فبيدفعوا ثمن الأعلان علشان عارفين ان ربنا هيكرمهم ويبيعوا العربية بسرعة.

+1111111111111

**aslam555** · 27-09-2011 11:14 PM

فعلا انا سمعت كلام بعض الزملاء ودخلت على احد المواقع كان اسمه كونتكت لقيت عربيه لانوس ومصورها موديل 2007 فبريكه بره وجوه بس مش زى الى اخونا بتوع السوق بيقولو عليها المهم اتصلت عليهم مشغول فتره كبيره
واخيراااااا رد عليا الووو حضرتك عارض عربيه للبيع قلى انا من الصبح كل واحد يقولى عارض عربيه انا معنديش عربيه ده واحد حط رقمى وانا معرفوووش ؟؟؟ هو فى هزار كده
المهم انا هجرب الطريقه بتاعه جريده الاهرام ادعولنا