الموضوع: تجربتى اليوم مع الانوس فى سوق السيارات

اسعار السوق متغالى فيها جدا علشان الفصال
زود ان كل اللى هناك تسأله العربيه فيها ايه يقولك ولا الهوا واديك شوفت
انا بحب اشترى من على اى ويب عربيات مستعمله بتكون مضمونه اكتر
1/ انك هاتشوف العربيه اما عند بيت صاحبها او شغله ولو مش كده اديلوا ميعاد متأخر هايقابلك عند بيته وفى الحاله دى عايز ضمان ايه اكتر من بيته يعنى لو فيه حاجه هاتروقه عند بيته
3/ هو فعلا رفعها على النت علشان يبيع لانه مش هايعطل نفسه ويقبلك انت وغيرك وبعدين يطلع بيتمن العربيه زى السوق
2/ حاول قوى تجيب عربيه فابريكه جووبره هاتشترى وانت مطمن يعنى لاربع ولاحادث ولاحاجه وبعدين انت رشها لنفسك ولمزاجك لو محتاجه
دى تجاربى فى شراء عربيتين
وربنا يديك الأحسن

المشاركة الأصلية كتبت بواسطة aslam555

انا اخدت القرار وقلت خلاص انا نويت على الانوس قولت يبقى انزل النهارده السوق واتفرج صليت الجمعه وعلى طول على هناك اول مانزلت لقيت هيصه وناس رايحه وناس جايه وناس قاعدين تحت الشماسى ولابسين جلاليب حرير ومعاهم شنط كبيرة استنتجت انهم التجاااااااار المهم سميت الله ودخلت اتفرج بصراحه صوعقت من الاسعار تبقى الانوس موديل 2000 عداد عامل 180000
ثمنها 47500 ليه يعنى ان شاء الله ولانوس موديل 2002عداد 140000 ورشه وحالتها زى الزفت
48000 طب ده معقول المهم مشيت شويه لقيت واحده موديل 99 شكلها جميل دخلت بقلب بكام دى قلى 37000!!!!!!!!! بصراحه انا خبرتى ضعيفة بس استغربت قولتلو هى رشه قلى نظافه المهم واحد دخل وانا بتفرج بس فاهم شغل الماتور وقلب العربيه وفتح الباب ورفع الباب على ايده وقفل بعد كده مش فاهم معناها ايه بس شغااااال وفتح الشنطه وقعد يبص وبعد كده نده للراجل قله انت راشش قله نظافه والعربيه فبريكه اشهر كلمه سمعتها هناك المهم قله طب راشش القوايم ليه قله مع وش النظافه والعربيه سليمه المفااااجه الراجل قله دى مغيره ربع الراجل ضحك وقله ده من فترة ههههههه انا سمعت كده اخت بعضى ورجعت تانى وبصراحه مش هتتكرر تااانى بس الى لاحظته ان كان هناك فيرنا نظيفه وناااس اتشكرت فيها موديل 2004 وبنفس السعر
معلش انا طولت عليكم بس حبيت انقلكم تجربتى اليوم للافاده

الاسعار دى هبل..بس عايز اعرف مين اللى بيشترى بالاسعار دى؟؟؟؟

في ناس كتير بتشتري بالأسعار دي فعلا. لو حد مش فاهم ونفسه يركب عربية ومعاه فلوس ويقولك مش مشكلة الف ولا الفين جنيه ويشرب المقلب ويخسر فيها الوفات وهو بيبيعها.

انا مع الاراء السابقة - وعن تجارب شخصية - ابعد عن السوق والتجار والسماسرة .... كله هايلبسك فى حيطة ومن غير ما يلبسك الحزام كمان

عليك وعلى مواقع البيع وعلى اقل اقل من مهلك فى الشراء ... ودايما معاك واحد فاهم فيهم ... د

وبالنسبة للاسعار ففعلا الاسعار شدة اليومين دول ....لكن انت وشطارتك فى الشراء ممكن العربية سعرها يبقى عالى لكن تخلصها بسعر معقول ....

وربنا يوفقك وتلاقى عربية كويسة