اخر افتكاسة ..... ارتوك هرب بره مصر يا جدعاان
ازيكم يا شباب
كنت النهاردة رايح اتفرج على الفانتازيا ... فلاقيت معرض اسمهegy motors ولاقيت فانتازيا 2012 واقفة .... قولت ادخل ابص ... ركبتها لاقيت فتيس dsg فبقوله ده وكيل يا باشا ؟ .... قالى لا ده خليجى هاى لاين ب 199
قولتله يعنى انا اشترى عربية ب 200 والاقى فتيسها باظ منى على 30 الف كيلو ؟ ... قالى ياباشا ماهو انت مقدامكش غيرها ... مفيش توكيل دلوقتى خلاص اصل ارتوك هرب بره البلد علشان صاحبها كان بيتاجر فى السلاح مع مبارك :majd(4):
طبعا انا كان معايا الحاج ... واصلا انا غلبت علشان اقنعه بالفانتازيا يروح يتفرج عليها ... لاقيت الحاج وشه قلب كده وقاللى يعنى انت جاى تفرجنى على عربية ملهاش توكيل :_Alshmokh08[1]:
انا قولت يا واد فوت علشان متمسكش فى خناق الراجل ده ... ورحت ماشى انا والحاج ... وطول الطريق بقى بحاول اصلح اللى الراجل بوظه اللى يخرب بيته
ده احنا عندنا شوية ناس بتوع مبيعات عاوزين الحرق والله