خير ياميدو ؟
عرض للطباعة
مفيش يا فيلكس حاجة بسيطة كدة الناس هناك حبوا يخدموا بزيادة شالولى ترموستات الكوعة من غير ما يقولولى وفهمونى انهم اخدوا هوا من دورة التبريد بس ومعرفتش القصة الا لما روحت لقيت العداد بينزل كلمت المهندس اول حاجة بيقولهالى مش العربية مظبوطة خلاص مدام مسخنتش
والله التوكيل برقبتة على الاقل محصليش موقف سخيف زى دة هناك لا والادهى ان المهندس عارف انى من اخر الدنيا وجى اجرب المركز فكانت المكافاة انة يشيل الترموستات والمبرر انة كان بيعلق علشان كدة المروحة مكانتش بتفصل كلام جميل!!!
طب شيلتة مركبتش واحد جديد لية ؟ قالى معلش تلاقى الفنى استسهل و المفروض مهندس الاستهبال (اللى كانت وظيفتة طول الوقت انة يهشنا من تحت ويقعدنا فوق ) هوة اللى يبلغك ودة محصلش واحنا اسفين وبتاع (المعاملة وطريقة الكلام محترمة لا خلاف لكن بصراحة متلزمنيش انا عايز شغل مش عايز زواق فى الكلام وتثبيت)
عموما الواحد مبيتعلمش ببلاش لكن الدروس المستفادة كالاتى
1-نفس المواقف اللى بتحصل فى التوكيل حصلت فى عصام صفا
2-الاقرب روحلة وانت وحظك
3-متسمعش لمطبلتية كتير لانى بجد كنت متخيل من كتر الكلام اللى سمعتة انى حلاقى ساحر واقف بيخرج التعابين من الكبوت
4-التوكيل فية كل ما سبق ذكرة عمر ما حد عاملنى بقلة احترام او قلة زوق وبالتالى زية زى عصام فى المعاملة اما الشغل الاتنين واحد بردة بدليل ان عصام شالى الترموستات والتوكيل كان شالو لمحمود راؤل بردة من غير ما يقولة والمحصلة لما الزبون يكتشف (تعالى نركبلك واحد جديد ) الله طب ما لما فى واحد جديد مركبش لية لما بتاعى كان معلق ؟؟؟
علشان كدة قلت الاقرب روحلة مش فارقة سينا من سونيا كلة همة الاول يقلب الزبون فى قرشين ومش مهم لما يزعل من اى حاجة تعالى واحنا تحت امرك وعادى باة احرق فى بنزين علشان كلمتين حلوين اتثبت بيهم يا برنس :_Alshmokh08[1]:
فعلا موقف رخم ملوش اي 30 لازمة
متزعلش نفسك انا بصراحة مشفتش منهم حاجة وحشة والا كنت هقول علطول بأستثناء موقف هناك مع صنايعي وده مخلنيش اغير رايي فيهم بصراحة
بس لو الحركة دي تمت بدون علم المهندس عصام يبقى لازم تقوله علشان لو هو نفس الصنايعي يبقى يشوف صرفة معاه
مممم معلش يا ميدو حركة مش كويسة منهم !
يبقي صيانة العشريين بتاعتي في العجوزة lol واقعد علي القهوة جنبهم والمنطقة هناك كويسة :)
لو رجعت لحكايتي من البداية حتلاقيني قاصد ان اللي،كلمتة في الموبيل هوة المهندس عصام بس انا موضحتش دة
عموما هي مش فارقة كتير فعلا حصل خير اللي دايقني اني وكاني بنادي باستقلال فلسطين لوحدي انا حاسس ان اللي بطلبة دة مستحيل فعلا
كل اللي بطلبة من التوكيل او العجوزة او عصام او اي حد انة يبلغ العميل المالك الاصيل للعربية هوة عمل او حيعمل اية في عربيتة بس مش اكتر من كدة انا بحس لما يقولك حلينا المشكلة وجيت سالت كان في اية باة من باب العلم بالشئ تحس انة سر حربي
mido_soliman
معلش يا ميدو موقف بايخ فعلاً، بس أفتكر اننا لازم نكلم عصام على الموضوع ده ، علشان يفهم اننا ايد واحدة مع بعض ، و لو ابتدى يفقد جودته مع واحد فينا ، كلنا حنقف و و نفهمه اننا بنروحله علشان جودته مش علشان شهرة و خلاص ، ايه رأيكم؟