المشاركة الأصلية كتبت بواسطة أحمد كمال
أغراق ايه بس هو حد بيمسكك بالعافية و يديك خط و يقول لك
لااااااااااااازم تشتري و لالالالاااااااااااازم تتكلم ؟؟؟؟؟؟؟
و طمع ايه ما الحكاية واضحة الارقام خلصت
و بعدين اسمح لي اشرح لك
مش كل الارقام متاحة في نفس الوقت
فيه ارقام متباعة و شغالة
و فيه ارقام في المخازن او في طريقها للبيع يعني مثلا عند تاجر في مخزنه او موزع او محل ....... و دي مش قليلة
و فيه ارقام اتسحبت من اصحابها بس منتظرة يتعمللها recycle و ده بياخد وقت
و فيه ارقام محجوزة لناس طفاسة و خلاص و بيشحنوها كل 90 يوم عشان الرقم عاجبهم
الخ الخ الخ
و كل شركة عندها 3 او اربع رينجات بس يعني بتتكلم في 30 او 40 مليون رقم فقط
و طبعا اليو اس بي مودم اللي انتشر مؤخرا برضه ليه ارقام .....
حضرتك الرقم مش هيتغير الكود بس اللي هيتغير و ده حصل في التليفونات الارضي من 4 سنين و حصل في دول كتير زي سوريا و قطر و دول اوروبية كمان و ده حاجة عادية جدا حضرتك لو رقم 011xxxxxxx بقى 0111xxxxxxx حضرتك متضرر في ايه خصوصا ان لمدة 3 شهور الرقمين بيقبلوا الاتصال بيهم !
مش فاهم ايه التهريج و ايه البظرميط
و على فكرة القرار قرار الحكومة و جهاز تنظيم مرفق الاتصالات ..... ممكن حضرتك تروح لهم القرية الذكية تشتكي .......
بالظبط ..... مستحيل 7 ارقام يكفوا 90 مليون مع اعتبار ان فيه ناس عندها كذا خط (على نفس الشبكة او شبكات متعددة) و فيه ناس عندها خط و يو اس بي مودم الخ الخ الخ و اعتبار برضه الارقام اللي في المخازن او جاري اعادة تدويرها