هما المدرسين مش عايزين يفهمو ليه

هو في ايه

هي الناس معدش عندهم ضمير ليه؟

حتي المدرسين امال الجهله يعملوا ايه


وعمل يهددو ليه؟


هي الناي يتموت في البلد ليه؟

طب مش عايز احلف انا من ضمن الناس اللي شغالين في السياحه وانتو عارفين ان مافيش سياحه

ومافيش سياح ولا فلوس وبنحاول نمشي الحال مستنيين الامن وانتوعارفين يعني ايه الامن

ولو نزلنا وعملنا زي المدرسين هانقفل البلد انا يجي 6 مليون

واحنا مش بنخد من البلد حاجه بل بالعكس بندي

لكن هي الناس اتهبلت ليه حسبي الله ونعم الوكيل:::: ربنا بنتقم من كل منتقم

بيقطعوا في البلد

ومين اللي علي الجزيره مباشر دول؟ وايه الخيابه دي

انا عملت تقرير مشاركة سيئة
وبالبنسبة للي انت كاتبة لو كتبتة بطرية افضل
او بمعنى اصح بطريقة فيها محاوله للفهم
بدل اطلاق الاحكام بدون علم اوعي
كنت اجاوبك على كتير مما لم تحط به علما

اقتباس:

---

المشاركة الأصلية كتبت بواسطة mahmoudysf

انا عملت تقرير مشاركة سيئة
وبالبنسبة للي انت كاتبة لو كتبتة بطرية افضل
او بمعنى اصح بطريقة فيها محاوله للفهم
بدل اطلاق الاحكام بدون علم اوعي
كنت اجاوبك على كتير مما لم تحط به علما

---

هو حضرتك فهمت كلامي ازاي؟ طب ما انا مراتي مدرسه

فعلا ....العاملين بالسياحة بيدوا مصر و ما بياخدوش منها حاجة .......



الله يمسيك بالخير يا مصطفى يا كامل

على فكره 90% من المدرسين اللى عاملين اضراب هما مدرسين ابتدائى اللى بيدوا المجموعه ب 20 جينه وحاجات من كده وشويه من اللى مبيدوش دروس خصوصيه
وقال يقولك عايزن نجرم الدروس الخصوصيه لما تمنوعها الاول نبقى نشوف موضوع الزياده ده
وعمر ما مصلحه التعليم انك تعطله انت لو فعلا عايز تصلح التعليم كنت عملت الاضراب ده فى الاجازه وعرضت طالباتك
للعلم بس اقل مدرس فى ثانويه العامه دخله الشهرى لا يقل عن 10 الاف جينه
انا راى اللى مش عاجبه يشتغل يمشى ويسيب الفرصه للشباب اللى هيطورا التعليم صح

المشكله ان ما فيش واحد فيهم

من ضمن طلباته
1- تجريم الدروس الخصوصيه :: دول شافطين كل جيوب الناس ومافيش ضرايب ومش مهم الاسره

2-خفض اعداد التلاميذ من 114 عيل في الفصلل 30

3- تحسين التعليم واداء المدرس اللي للاسف العيال عندي بترجعمن المدرسه مش واخد ه حاجه

-4 ووالله البنت عندي بطنطق غلط من المدرس ::: للاسف ومش بيحاول يحسن من نفسه ودي مدرسه خاصه امال الحكوميه فيها ايه؟ اكيد بلاوي

اقول ايه والا ايه:::

صدقوني خريجي تريبه كتير وزي الفل يتكلوا علي الله بس هما

اقتباس:

---

المشاركة الأصلية كتبت بواسطة أحمد كمال

فعلا ....العاملين بالسياحة بيدوا مصر و ما بياخدوش منها حاجة .......



الله يمسيك بالخير يا مصطفى يا كامل

---

طب والله يا استاز احمد احنا ما بناخد حاجه

بندفع ضرايب ورسوم تجديد كل سنه ::ك:: انا مش عارف انت بتتكلم جد والا بتتريق

دا حتي فلوس التعويض اللي هي 2000 ج لعدد 20000 ةواحد فقط استخسروها

والزبون احنا اللي بنطلع نجيبه من بره

مع احترامي للجميع
اللي عايز عامل او موظف مرتبه مش كافي لمعيشته يضحي عشان البلد , يضحي هو و يروح يدي له مرتبه بصفة ملزمة و دائمة لحد ما الموظف ده الحكومة تدي له على الاقل ما يكفي لاساسيات الحياة

اللي مش هايعمل كده يدعم صاحب الحق لحد ما ياخد حقه

مات الكلام

اقتباس:

---

المشاركة الأصلية كتبت بواسطة تامر.محمد

مع احترامي للجميع
اللي عايز عامل او موظف مرتبه مش كافي لمعيشته يضحي عشان البلد , يضحي هو و يروح يدي له مرتبه بصفة ملزمة و دائمة لحد ما الموظف ده الحكومة تدي له على الاقل ما يكفي لاساسيات الحياة

اللي مش هايعمل كده يدعم صاحب الحق لحد ما ياخد حقه

مات الكلام

---

كلام مش منطقي :::: لانه مش اي حد تدعمه

يعني ماروحش ادعم واحد شغال في بنك وعامل اضراب

مدرس

مهندس

دكتور

امال العامل اللي علي باب الله نعمل له ايه

اهي دي اكتر فئه محدش حاسس بيها

يا تري حضرتك دورت علي كام اسره منهم عشان تساعدها

بيقولوا الحد الأدنى للمرتب للى لسه متعين يبقا 3000 جنيه معلش يعنى لما المدرس اللى لسه متعين يبقا بياخد 3000

يبقا حق بتاع هندسة اللى اتطحن فى الكلية 5 سنين ياخد 15000
وبتاع طب اللى اتهرس 7 سنين وبياخد 200 جنيه يبقا ياخدله 25000

اقتباس:

---

المشاركة الأصلية كتبت بواسطة aminibrahim

كلام مش منطقي :::: لانه مش اي حد تدعمه
يعني ماروحش ادعم واحد شغال في بنك وعامل اضراب
مدرس
مهندس
دكتور
امال العامل اللي علي باب الله نعمل له ايه
اهي دي اكتر فئه محدش حاسس بيها
يا تري حضرتك دورت علي كام اسره منهم عشان تساعدها

---

على فكرة المدرس و الدكتور و المهندس مرتباتهم في الحكومة تقارب مرتبات العمال تقريبا
مافيش اي فرق بين دول و دول

و كل دول تنطبق عليهم عبارتي السابقة

بالنسبة للأخ القائل يحق للمهندس و يحق للدكتور , الدكتور مضرب هو كمان عشان مرتبه 300 جنيه
و المهندس مضرب عشان تترفع الحراسة على نقابته طبقا للحكم القضائي

اقتباس:

---

بالنسبة للأخ القائل يحق للمهندس و يحق للدكتور , الدكتور مضرب هو كمان عشان مرتبه 300 جنيه
و المهندس مضرب عشان تترفع الحراسة على نقابته طبقا للحكم القضائي

---

ايوة يا فندم لكن المدرس كدا كدا بيدى دروس وبيعوض مرتبه دا واشك انه حد منهم هيبطل يدى دروس لو مرتبه اترفع
فى حين انه باقى الفئات ما طالبتش بزيادة مرتباتهم على الأقل فى الوقت الحالى لكن زى ما حضرتك قولت المهندسين طالبو برفع الحراسة على النقابة
والدكاترة طالبو بتحسين الخدمة للمرضى والأمن وتوفير العلاج

لكن لو على المطالب برفع المرتبات يبقا فى فئات تانية كتير احق بدا

اقتباس:

---

المشاركة الأصلية كتبت بواسطة airforces

ايوة يا فندم لكن المدرس كدا كدا بيدى دروس وبيعوض مرتبه دا واشك انه حد منهم هيبطل يدى دروس لو مرتبه اترفع
فى حين انه باقى الفئات ما طالبتش بزيادة مرتباتهم على الأقل فى الوقت الحالى لكن زى ما حضرتك قولت المهندسين طالبو برفع الحراسة على النقابة
والدكاترة طالبو بتحسين الخدمة للمرضى والأمن وتوفير العلاج

لكن لو على المطالب برفع المرتبات يبقا فى فئات تانية كتير احق بدا

---

مش من حق حد يقول دول بيدوا دروس و بيكملوا , مش ذنب المدرس انه يفضل يلف على البيوت باقي يومه و بعدين يقضي يوم ولا يومين اجازته لف على البيوت برده
ولا ذنب العامل في اي مكان انه بعد الضهر يغسل عربيات ولا يمسح شقق عشان يقدر يأكل عياله (حقيقة)

اللي شغال في وظيفة من حقه انها على الاقل تعفيه من انه يحتاج يشتغل بعدها
لأسباب كتير
اولا حق انساني للعامل
ثانيا حفاظا على اداء المنظومة ايا كانت بقى صحة ولا تعليم , طبعا طبعا اي عامل او موظف ما بيستريحش هايبقى اداؤه في الأرض و طبعا طبعا اي منظومة ذات اجور لا تكفي لمستلزمات الحياة لن تستقدم الا اضعف العناصر , و في الحالتين ده تدمير كامل للمنظومة دي

بالتالي , سلب حقوق الموظف او العامل هو ظلم للمواطن و تدمير للمنظومة اللي هو شغال فيها و بالتالي ظلم للوطن

و تصحيحا للمعلومة , الدكاترة كمان طالبوا برفع مرتباتهم وده حقهم , اما المهندسين فاغلبهم شغال قطاع خاص

يا فندم يدوا دروس براحتهم لكن ما يطالبوش بزيادة مرتبات والتلاميذ ما بتتعلمش حاجة اصلا ولو التلاميذ كانوا بيتعملوا مهم مكانوش ياخدوا دروس من اصله فإزاى دلوقتى انت بتطالب بحقك من البلد وانت ما بتأديش واجبك ليها لأ وكمان بتطالب بطلبات غير منطقية ويا تتنفذ يا إما توقف الدنيا ( مش كل المطالب طبعا)

اقتباس:

---

ثانيا حفاظا على اداء المنظومة ايا كانت بقى صحة ولا تعليم , طبعا طبعا اي عامل او موظف ما بيستريحش هايبقى اداؤه في الأرض و طبعا طبعا اي منظومة ذات اجور لا تكفي لمستلزمات الحياة لن تستقدم الا اضعف العناصر , و في الحالتين ده تدمير كامل للمنظومة دي

---

متفق معاك تماما فى النقطة دى لكن هل دا الوقت المناسب بعد ما المدارس بدأت طب ما طالبتش بدا ليه فى الأجازة بدل التلاميذ اللى ملهمش ذنب .. والفكرة هل تقدم مصلحة البلد على مصلحة الأفراد ولا العكس

همه المدرسين مش مكفيهم فلوس الدروس , كمان عايزين قلوس الحكومة ايه مبيشبعوش فلوس

اقتباس:

---

المشاركة الأصلية كتبت بواسطة aminibrahim

هو في ايه

هي الناس معدش عندهم ضمير ليه؟

حتي المدرسين امال الجهله يعملوا ايه


وعمل يهددو ليه؟


هي الناي يتموت في البلد ليه؟

طب مش عايز احلف انا من ضمن الناس اللي شغالين في السياحه وانتو عارفين ان مافيش سياحه

ومافيش سياح ولا فلوس وبنحاول نمشي الحال مستنيين الامن وانتوعارفين يعني ايه الامن

ولو نزلنا وعملنا زي المدرسين هانقفل البلد انا يجي 6 مليون

واحنا مش بنخد من البلد حاجه بل بالعكس بندي

لكن هي الناس اتهبلت ليه حسبي الله ونعم الوكيل:::: ربنا بنتقم من كل منتقم

بيقطعوا في البلد

ومين اللي علي الجزيره مباشر دول؟ وايه الخيابه دي

---

اقتباس:

---

المشاركة الأصلية كتبت بواسطة mahamedaraby

على فكره 90% من المدرسين اللى عاملين اضراب هما مدرسين ابتدائى اللى بيدوا المجموعه ب 20 جينه وحاجات من كده وشويه من اللى مبيدوش دروس خصوصيه
وقال يقولك عايزن نجرم الدروس الخصوصيه لما تمنوعها الاول نبقى نشوف موضوع الزياده ده
وعمر ما مصلحه التعليم انك تعطله انت لو فعلا عايز تصلح التعليم كنت عملت الاضراب ده فى الاجازه وعرضت طالباتك
للعلم بس اقل مدرس فى ثانويه العامه دخله الشهرى لا يقل عن 10 الاف جينه
انا راى اللى مش عاجبه يشتغل يمشى ويسيب الفرصه للشباب اللى هيطورا التعليم صح

---

خلاص بلاش مدرس الابتدائي يدي دروس
ويطلع بعد المدرسة يشتغل فرد امن او يبيع في سوبر ماركت او سكرتير في عيادة عشان سيادتك تبقى مرتاح على فكرة انا اعرف النماذج دي فعلا
والمفروض بعد ده كله يروح تاني يوم المدرسة عشان يلم اولد سيدتك ايه السخرة دي
وعلى فكرة الناس عندها استعداد تكع دم قلبها وتتاهفت على الدروس
ولما المدرس يطق ويقول خلاص يا ناس ادونا اللي يكفينا حد الكفاف وجرمو الدروس تقولو ايه الطمع ده مش عارف كمية التناقض والازدواجية اللي عند الناس دي
وبعدين المدرسو لو مش بتعلم ومعتمدين على الدروس طيب مزعلكو الاضراب في ايه ما انتو بتدو دروس ومش خصرانين حاجة
وبعدين في مدرسين مش بيدو ب 10 الاف بس في الشهر لا اكتر من كدة بكتير ودول اول ناس كانو بيهاجمو الاضراب هما دول اللي عاجبنكو ووطنين وعايزنهم قدوة
وفكرة اللي مش عاجبو يمشي وتجيب شباب جديد على اساس اننا شغالين في عزبة خاصة
لا والشباب دول هييجو يصرفو على التعليم من جيبهم
وبعدين انا شايف لسه فيه ناس لحد الان بتاخد معلوماته من القناه الاولى وبتنبي عليها كل هجومها
روحو شوفو الناس كانت بتطالب بايه وبعدين اتكلمو

سيدى الفاضل هناك بعض الحقائق التى لم تسترع انتباهك فى موضوع المدرسين
كيف سيؤدى المعلم دوره فى فصل على الاقل يسع 52 طفل وده اقل رقم فعليا
بالطبع وضع الطفل العلمى لن يرضى الاباء وبالتالى هم من يبحثون عن المدرس لاعطاء درس خصوصى
الدعم المفرط للتعليم يضيع ميزانية الوزارة فى الكم وليس فى الكيف ويؤدى لاهدار الاموال الخاصة فى شكل دروس خصوصية ... اى نوع من فرض الضرائب بصورة مستترة لان كل ولى امر ببساطة يدفع اضعاف الاموال التى كان ممن الممكن اعطائها للوزارة فى حالة الرفع المنظم لمجانية التعليم .... وكأن المال مالوش تمن طالما طلع من جيب المواطن العادى
بالنسبة لمن تحدث عن خريجى كلية التربية كونهم متخصصين فصدقنى نسبة تخصصهم وطريفة اعدادهم فى كلية التربية - والتى انا خريجة منها من قسم اللغة الانجليزية - تساوى معلم لا يصلح لتعليم او تربية خمس طلاب فقط
عزيزى كلية التربية ليس بها اختبارات لنقل كشف هيئة حقيقية واحيانا يتخرج من كلية التربية من تعوقه حالته الجسدية عن تادية وظيفة المعلم بشكل قاطع وحاسم
هل تعلم ان كثيرين من المدرسين يعملون بنظام الحصة وهل تعلم ثمن الحصة كام ؟
2 جنيه للحصة الواحدة يعنى فى الشهر مش هايقفل 300 جنيه ... ايه رايك . مدرس المفروض انه محترم ورب اسرة او يساعد اسرته وهذا راتبه
المنظومة كلها فاشلة ومستمرة فى الفشل لاننا لم نجد الطريق الصحيح بعد
على فكرة انا حاليا ربة منزل ولا انتمى لوزارة التربية والتعليم
تقبل مرورى

اقتباس:

---

المشاركة الأصلية كتبت بواسطة mahmoudysf

خلاص بلاش مدرس الابتدائي يدي دروس
ويطلع بعد المدرسة يشتغل فرد امن او يبيع في سوبر ماركت او سكرتير في عيادة عشان سيادتك تبقى مرتاح على فكرة انا اعرف النماذج دي فعلا
والمفروض بعد ده كله يروح تاني يوم المدرسة عشان يلم اولد سيدتك ايه السخرة دي
وعلى فكرة الناس عندها استعداد تكع دم قلبها وتتاهفت على الدروس
ولما المدرس يطق ويقول خلاص يا ناس ادونا اللي يكفينا حد الكفاف وجرمو الدروس تقولو ايه الطمع ده مش عارف كمية التناقض والازدواجية اللي عند الناس دي
وبعدين المدرسو لو مش بتعلم ومعتمدين على الدروس طيب مزعلكو الاضراب في ايه ما انتو بتدو دروس ومش خصرانين حاجة
وبعدين في مدرسين مش بيدو ب 10 الاف بس في الشهر لا اكتر من كدة بكتير ودول اول ناس كانو بيهاجمو الاضراب هما دول اللي عاجبنكو ووطنين وعايزنهم قدوة
وفكرة اللي مش عاجبو يمشي وتجيب شباب جديد على اساس اننا شغالين في عزبة خاصة
لا والشباب دول هييجو يصرفو على التعليم من جيبهم
وبعدين انا شايف لسه فيه ناس لحد الان بتاخد معلوماته من القناه الاولى وبتنبي عليها كل هجومها
روحو شوفو الناس كانت بتطالب بايه وبعدين اتكلمو

---

فاكر حضرتك موضوعي اللي كنت عامله عن اضراب الاطباء

وردودك عليا كانت ازاي

واتهام الاطباء انهم ضد مصلحة البلد ولازم نهدأ شويه

وان عليه العوض في الجيل اللي طالع من الاطباء

مع كامل دعمي للمعلمين طبعا في مطالبهم

انا بس معترض علي اختلاف موقف سيادتك عندما لم تكن طرف والان وانت طرف

وشكرا جزيلا

اقتباس:

---

المشاركة الأصلية كتبت بواسطة dr.amr

فاكر حضرتك موضوعي اللي كنت عامله عن اضراب الاطباء

وردودك عليا كانت ازاي

واتهام الاطباء انهم ضد مصلحة البلد ولازم نهدأ شويه

وان عليه العوض في الجيل اللي طالع من الاطباء

مع كامل دعمي للمعلمين طبعا في مطالبهم

انا بس معترض علي اختلاف موقف سيادتك عندما لم تكن طرف والان وانت طرف

وشكرا جزيلا

---

هي ديه المشكله فعلا ...
:majd(4)::majd(4):

اقتباس:

---

المشاركة الأصلية كتبت بواسطة dolly13

سيدى الفاضل هناك بعض الحقائق التى لم تسترع انتباهك فى موضوع المدرسين
كيف سيؤدى المعلم دوره فى فصل على الاقل يسع 52 طفل وده اقل رقم فعليا
بالطبع وضع الطفل العلمى لن يرضى الاباء وبالتالى هم من يبحثون عن المدرس لاعطاء درس خصوصى
الدعم المفرط للتعليم يضيع ميزانية الوزارة فى الكم وليس فى الكيف ويؤدى لاهدار الاموال الخاصة فى شكل دروس خصوصية ... اى نوع من فرض الضرائب بصورة مستترة لان كل ولى امر ببساطة يدفع اضعاف الاموال التى كان ممن الممكن اعطائها للوزارة فى حالة الرفع المنظم لمجانية التعليم .... وكأن المال مالوش تمن طالما طلع من جيب المواطن العادى
بالنسبة لمن تحدث عن خريجى كلية التربية كونهم متخصصين فصدقنى نسبة تخصصهم وطريفة اعدادهم فى كلية التربية - والتى انا خريجة منها من قسم اللغة الانجليزية - تساوى معلم لا يصلح لتعليم او تربية خمس طلاب فقط
عزيزى كلية التربية ليس بها اختبارات لنقل كشف هيئة حقيقية واحيانا يتخرج من كلية التربية من تعوقه حالته الجسدية عن تادية وظيفة المعلم بشكل قاطع وحاسم
هل تعلم ان كثيرين من المدرسين يعملون بنظام الحصة وهل تعلم ثمن الحصة كام ؟
2 جنيه للحصة الواحدة يعنى فى الشهر مش هايقفل 300 جنيه ... ايه رايك . مدرس المفروض انه محترم ورب اسرة او يساعد اسرته وهذا راتبه
المنظومة كلها فاشلة ومستمرة فى الفشل لاننا لم نجد الطريق الصحيح بعد
على فكرة انا حاليا ربة منزل ولا انتمى لوزارة التربية والتعليم
تقبل مرورى

---

متفق في معظم كلامك
لانو بيناقش بموضوعية

اقتباس:

---

المشاركة الأصلية كتبت بواسطة dr.amr

فاكر حضرتك موضوعي اللي كنت عامله عن اضراب الاطباء

وردودك عليا كانت ازاي

واتهام الاطباء انهم ضد مصلحة البلد ولازم نهدأ شويه

وان عليه العوض في الجيل اللي طالع من الاطباء

مع كامل دعمي للمعلمين طبعا في مطالبهم

انا بس معترض علي اختلاف موقف سيادتك عندما لم تكن طرف والان وانت طرف

وشكرا جزيلا

---

فاكر طبعا
وااكد لسيادتك واقسم بالله العظيم ان رايي ده مش مجرد اني اصبحت طرف الان
لاني ببساطة كنت طرف من وقتها لان وقتها كان عندنا بعض الزملالاء بينادوا بالاضراب بالتزامن مع موضوع حضرتك وساعتها حسيت بغضب وانقباض شديد
وكان ردي عليهم زي ردي على حضرتك وقتها حضرتك بالظبط وكنت بعمل مجهود جبار لافشال اي تظاهر فؤوي على الاقل في مدرستي
وكانت وجهت نظري سليمة 100 في 100 ساعتها
ان ده مش وقته ولازم ندي فرصة للحكومة الانتقالية لالتقاط الانفاس وترتيب البيت
طيب ايه اللي غير من موقفي
اكيد سيادتك عارف اكتر مني
لما يعدي عشر شهور ونلاقي مفيش حد اقصى للاجور
لما نلاقي زيادات رهيبه في مرتبات الشرطة وهما مضربين بالفعل عن العمل لاكن بطريقة مستترة
لما نلاقي 90 مليار في الميزانية الجديدة لدعم الصناعة ودي بتروح لكبار رجال الاعمال والمسثمرين والاخر بناخد السلع بسعر اعلى من السعر العالمي
لما نلاقي الموازنة فيها 20 مليار مرتبات مسشارين الوزراء والشركات القبضة والهيءات الحكومية
لما اعرف من زميل مراته شغالة موظفة عادية في وزارة المالية انها خدت مكفاة 11 شهر حوالي 15 الف جنية بمناسبة الميزانية الجديدة
ولما ابص لمرتبي وانا بقالي 15 سنة في مهنة حرقة الدم والضغط والسكر
بعد كل اللي ذكرتة ده معداش 900 جنية
اغير موقفي والا لا

اقتباس:

---

المشاركة الأصلية كتبت بواسطة casperinoo

هي ديه المشكله فعلا ...
:majd(4)::majd(4):

---

يا ريت تكتب مشاركة مفيدة وموضوعية حسن

اقتباس:

---

المشاركة الأصلية كتبت بواسطة mahmoudysf

يا ريت تكتب مشاركة مفيدة وموضوعية حسن

---

ما ديه مشاركه مفيده .
..ان نغمة مصلحة البلد بتقف قدام المصلحه الشخصيه ...
15 سنه وبتاخد 900 جنيه ..رئيس القسم عندنا بياخد 850 جنيه

يا جماعة بعد اذنكم بلاش تعميم الكلام على المدريسن كلهم كدا لو سمحتم .. و على فكرة المدرس اللي بيدي دروس خصوصية زية زي اي موظف بيشتغل اي شغلانة بعد الضهر
حكاية اللي مش عاجبة يسيب مكانة للشباب اللي مش لاقية شغل .. هات اي شاب و بردو هيدي دروس خصوصية
لو سمحتم بلاش التعميم كدا دا انتم لما بتتكلموا على ضباط الشرطة لازم تقولوا ان فيهم ناس كويسين و محترمين

اقتباس:

---

المشاركة الأصلية كتبت بواسطة casperinoo

ما ديه مشاركه مفيده .
..ان نغمة مصلحة البلد بتقف قدام المصلحه الشخصيه ...
15 سنه وبتاخد 900 جنيه ..رئيس القسم عندنا بياخد 850 جنيه

---

يا ريت تفهمنا فين مصلحة البلد وفين المصلحة الشخصية

اقتباس:

---

المشاركة الأصلية كتبت بواسطة osama.m

يا جماعة بعد اذنكم بلاش تعميم الكلام على المدريسن كلهم كدا لو سمحتم .. و على فكرة المدرس اللي بيدي دروس خصوصية زية زي اي موظف بيشتغل اي شغلانة بعد الضهر
حكاية اللي مش عاجبة يسيب مكانة للشباب اللي مش لاقية شغل .. هات اي شاب و بردو هيدي دروس خصوصية
لو سمحتم بلاش التعميم كدا دا انتم لما بتتكلموا على ضباط الشرطة لازم تقولوا ان فيهم ناس كويسين و محترمين

---

وكمان والله في كتير عايز يبطل الدروس الخصوصية وياخد بس اللي يكفية ويعيش مع عيالة زي اي حد
في فرق بين واحد بيدي دروس للتربح
وواحد بيدي دروس عشان يعيش
عمرك ما هتلاقي النوع الاولاني ده نزل في مظاهرة ولا اعتراض على سياسة التعليم
ودول للاسف اللي الناس فرحانة بيهم وبتقول عليهم وطنيين ومنزلوش المظاهرات وععطلو التعليم