السلام عليكم
الموضوع باختصار انى محتاج عربيتى تكون 7 راكب بس للاسف مش عارف افضل سيارة فى فئة السبعة راكب فاتمنى من الاخوة الكرام يساعدونى لانى غيرت عربيات كتير وعايز العربية اللى جايه تستمر معايا فترة طويلة ... شكرا مقدما لحضراتكم
عرض للطباعة
السلام عليكم
الموضوع باختصار انى محتاج عربيتى تكون 7 راكب بس للاسف مش عارف افضل سيارة فى فئة السبعة راكب فاتمنى من الاخوة الكرام يساعدونى لانى غيرت عربيات كتير وعايز العربية اللى جايه تستمر معايا فترة طويلة ... شكرا مقدما لحضراتكم
في الفئات المتداوله
فيه الكارينز و الجراند تيريوس
و اغلب الناس شكرت في الكارينز
مش عارف ايه تاني موجود سبعه راكب
حسب الميزانية أد إيه ؟ وزيرو ولا مستعمل ؟
بترتيب الاسعار : عندك البيجو الشهيرة ٥٠٤ ستيشن ارخص حل ، بس ده لو لقيت عربية واحدة حالتها كويسة مش متبهدلة ٣٠ سنة فى أرياف وسفريات وشيل ، اعتقد سعرها مش هيعدى ٥٠ الف
الرينو لوجان mcv سبعة راكب ، فى حدود ١٠٠-١١٠ الف ، سبعة راكب بجد من غير اختراعات وتزويد كنبة وكدة ، بس شنطة تكاد تكون زيرو فى الموديل ده ، بس ممكن لو جبتها تركبلها بوكس على الروف راك وتشيل فيه حاجتك ، وشكلها حلو مش وحش وبدأت تنتشر
اللى اعلى درجة التويوتا الافانزا ، هى ماليزى او اندونيسى واعلى من اللوجان عن الارض ودفع خلفى يعنى كرونة مش كبالن
بعدهم الجراند تيريوس فى فئة ال ١٤٠ الف تقريبا وهى برضه مش يابانى كتصنيع انما افضلهم فى الحداثة والوسع والارتفاع
دى الحاجات المعروفة والمناسبة
بعد كدة فيه حاجات عالية بقا زى الكابتيفا ، الكراسى اللى ورا بتطبق حسب عايز شنطة ولا كنبة ، بس دى ب ٢٨٠ الف
وبعد كدة الكيا كارنفال ، سبعة راكب ، موتورين ٤ و ٦ سلندر ، باب سلايدنج وعالية ، بس ب ٤٠٠ الف شوية
وبعد كدة الكرايسلر تاون اند كانترى سبع ركاب مرتاحين وباب جرار ، بس لازم تكون من اصحاب الارانب عشان تفكر فيها :)
.وبلاش بعد كدة بقا عشان خرجنا خارج حدود الجاذبية الارضية
بس فيه افكار غير تقليدية ممكن برضه تفكر فيها ، فيه الهيونداى h1 اللى هو بيشتغل عربية سياحة ، ده طبعا كعدد وتحميل اعلى من اللى انت محتاجه كمان ، وشكله جميل ومقاساته مش صعبة فى السواقة والركنة ، وديزل ٢٥٠٠ ، حل ممتاز فى رأيى الشخصى للأسر الكبيرة بس للأسف الثقافة دى مش منتشرة فى مصر ومش هتخلص من الناس ومن بتوع المرور لو راكب حاجة زى كدة ، ده غير ان هيتقالك يا اسطى ، سعره اعتقد فى حدود ال ٢٠٠ يعنى مش رخيص برضه
رينو لوجان MCV 7 راكب اكتر واحدة فيهم اعتمادية
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
الكارينز ليست 7 مقاعد
انا انصحك تشوف الجارند تيريوس أفضلهم وعلى فكرة التويوتا افانزا كويسه بس شكلها بس فيه ازواق لو مش يهمك يعني
بس لو جبتها هتجنطها بس كاوتش عريض وعيش حياتك وممكن تلاقي منها مستعمل كويس وبسعر كويس اما من حيث الماتور والعافشة واي حاجه تانيه فمفيهاش مشاكل
بقلك أية أنا بتكلم جد ما بهزرش ما تخليك عملى ومتواضع وتوفر فلوسك كمان وتشترى زيرو بردة سوزوكى فان تقريبا بحوالى 60000 جنية وعيش حياتك طالما أنت محتاج 7 راكب ما دخلش نفسك فى الآسعار العالية دية .هى أة شكلا ممكن متعجبش لكن من الناحية العملية موفرة وأقتصادية وعملية وكل حاجة ومساحتها من برة صغيرة لكن من جوة واسعة وكبيرة من الداخل وممتاذة جدا جدا
لو مش عاجباك السوزوكى فان عليك وعلى اللوجان 7 راكب
والله الموفق والمستعان