نصيحه لوجه الله للوجانيه فى القاهره والاسكندريه

موضوع البنزين والتموين مهم جدا لعربيتنا خصوصا انه بيفرق جدا مع السحب والاستهلاك والمحافظه على طلمبه البنزين اللى متركب فيها الفلتر .......
للى عنده استعداد طبعا وبيدور على افضل شىء للسياره فى السحب والاستهلاك وعدم التصفيق
فعلا عن تجربه سنه ونص بنزينه الاماراتيه لا يعلى عليها فى كل العناصر دى وبعد السؤال عرفت السبب...
اولا البنزين كله بيجى من مصدر واحد هو خليط من مستودعات مصر للبترول او توتال او غيره من الشركات او واحد فيهم بس فالفكره مش فكره المصدر الفكره فى محطه البنزين يتوفر فيها الاتى...
اولا تنظيف الخزان بصفه دوريه من الشوائب
ثانيا عدم الغش او الخلط بانواع بنزين اقل فى الاوكتين
ثالثا واللى بتتميز بيها امارات مصر عن اى محطه هو تركيب فلاتر اضافيه فى المضخات تنقى البنزين قبل التموين .....
اماكنها للاسف على الطرق السريعه بس الدائرى الغربى بجوار كارفور الدائرى الشرقى عند المرج واول طريق مصر الاسكندريه الصحراوى ونصه وفى الاسكندريه جمب موقف السوبر جيت ومش عارف فى مكان تانى مش فاكره

شكرا علي المساعده الهايله و دا يخليني اطلب من كل الناس انهم يقولوا علي البنزينان الكويسه و يحذرو ا من البنزينات الوحشه وبكدا يكون عندنا زي دليل للبنزينان

يالا كلنا نشارك

اول طريق اسكندريه القاهره بعد ما تعدي الكوبري الدولي ( اليمنيه ) تبع كفر الدوار و كان فيه محطه في المكس بجوار شركه اسكندريه للبترول ادمرت ايام الثوره و مش عارف اشتغلت و الا لأ .

ما المشكلة ان فى اسكندرية عمرى ما شفت البنزينة دى
ومؤخرا بتعامل مع توتال اللى فى ابوقير ناحية قسم الرمل او موبل سموحة وبس

اقتباس:

---

المشاركة الأصلية كتبت بواسطة hobby10

ما المشكلة ان فى اسكندرية عمرى ما شفت البنزينة دى
ومؤخرا بتعامل مع توتال اللى فى ابوقير ناحية قسم الرمل او موبل سموحة وبس

---

هي اسمها امارات مصر . و حتلاقيها بعد الموقف الجديد و انت رايحه المدينه الصناعيه عند اليكس موتورز اللي انت ناويه تسمكري سيارتك عندهم .

اقتباس:

---

المشاركة الأصلية كتبت بواسطة frhateg

هي اسمها امارات مصر . و حتلاقيها بعد الموقف الجديد و انت رايحه المدينه الصناعيه عند اليكس موتورز اللي انت ناويه تسمكري سيارتك عندهم .

---

ايوه شوفتها بس مفيش غيرها واكيد مش حروح هناك كل ما احب انى احط بنزين وده اللى كنت اقصده عمرى ما شفتها جوه البلد

اوفقك بشده وبالفعل موجوده عندنا هنا فلاالتجمع وبمونها منها علطول ومعامله اخر ادب واحترام

هي فعلا انظف بنزينه لاني جربت كذا بنزينه بس انظفهم فعلا هي

امارات مصر بعد كده وطنيه

غير كدا كله مغشوش لاني في الغالب بفول ورست العداد وسافر وفي كل مره بشوف معدل الستهلاك وكمان بحس بسحب العربيه

بنزيمه وطنيه ليه عشان ديه جيش وعمره ما يغش فيه ولاني عرفت منهم ان فيه ناس منهم بتكشف عليه وتشوفه مطابق ولا

جزاكم الله خيرا على المعلومة وعلى فكرة محطة موبيل بعد كوبرى الابراهيمية محترمة جدا وانا من سنين بامون من عندهم وعمرى ماقابلت مشكلة والبنزين ممتاز والعمال معاملتهم فوق الممتاز وسريعة جدا لان صاحب المحطة على طول موجود وسط العمال