انا عربيتى نوبيرا مانويل وانا ماشى بالعربيه لما يوصل عدادالrbm عند2.5 بيظهر صوت غريب زى حديد بيحك فى بعضه بيكون جاى من ناحية الموتور وبيكون على كل الغيارات وبيبطل لما عداد الrbm يوصل 3
عرض للطباعة
انا عربيتى نوبيرا مانويل وانا ماشى بالعربيه لما يوصل عدادالrbm عند2.5 بيظهر صوت غريب زى حديد بيحك فى بعضه بيكون جاى من ناحية الموتور وبيكون على كل الغيارات وبيبطل لما عداد الrbm يوصل 3
إكشف على سير الكاتينه
وغير الزيت وفلتر الزيت
وإتأكد الصوت جاي منين بالظبط ممكن يكون في العجل
بليه أو العجل بيحك في الصاجه بتاعت الطمبوره في العجل الأمامي
الصوت بيظهر والعربيه ماشيه بس لما يوصل عدادrbm2.5الى 3 غيرت الزيت مافيش فايده
بص وصول العداد لرقم معين ملهوش علاقه بالصوت
طيب سؤال
لما تدوس بنزين والعربيه واقفه
هل بتسمع الصوت ؟
اعتقد دا عيب كستبانات جرب تنضفهم ب اويل فلش وغير الزيت بزيت تخليقي لو انتا بتستخدم زيت معدني لو الصوت مرحش يبقي حتحتاج تغير التالف منهم
الصوت مش بيظهر والعربيه واقفه
خلاص ياباشا يبقى كده الصوت ده جاي من العجلتين إللي قدام والماتور سليم
ممكن تكون البطاحه والكوز دايبين ودول بيسندو المساعدين قدام
أو ممكن تكون الطنبوره بتحكك في الصاجه ورا الجنط
روح لحد كويس بتاع عفشه وخليه يجرب العربيه واركب معاه وسمعه الصوت واسمع رأيه