-
إلى خبراء ال 128
ارجو من اخوانى خبراء ال128 المساعده
واحده قريبتى عندها 128 وعندها المساعدين اللى قدام جابوا زيت و محتاجين يتغيروا وفى نفس الوقت فيه شرخ فى علبة الشاسيه فى الجنب الشمال تحت البطاريه. هى سألتنى عاوزه النصيحه بما انى عندى 128 انا كمان وطبعا انا خبرتى ضعيفه ولسه باتعلم ميكانيكا ال128 فقلت لها تجيب مساعدين المانى او مونرو زى ما عرفت من الأخوه الأعزاء فى مشاركات سابقه لو عاوزه نعومه يبقى الألمانى ولو عاوزه ثبات يبقى المونرو والسعر حوالى 400 جنيه للجوز. يا ترى اللى قولته ده فيه حاجه غلط ولا صح؟.
اللى ماعرفتش اجاوب عليه منين تجيب مساعدين موثوق فيها مش مضروبه؟. ويا ترى حد يعرف سمكرى نضيف يلحم لها شرخ علبه الشاسيه ؟ وتعمل ايه عشان ما يتشرخش تانى؟ ( أعتقد كما ذكر الباشمهندس سبعاوى بانها تحافظ على المساعدين اللى قدام) السمكرى ده ياريت يكون فى مدينة نصر او مصر الجديده وكمان حيحتاج يفك الماتور او الفتيس؟ كمان اقصى سعر للحام ده ممكن يكون اد ايه او بمعنى اصح ممكن تتكلف لغاية كام لحام علبة الشاسيه؟؟.
ولكم الشكر مقدما على نصائحكم
جمال عبد اللطيف
-
بص يا سيدي:)
المونرو جميل جدا و حتلاقيه عند لهيطه في التوفيقيه و في حدود 400 او 450 فعلا.
بالنسبه للحام ففي لحامات بتحتاج فك الموتور و فيه لحامات مش بتحتاج
حسب ما يقولك السمكري.
بالنسبه للاسعار و الاماكن ف انا معنديش فكره الصراحه:)
-
شكرا جزيلا
شكرا يا باشمهندس حازم على المعلومات القيمه دى وكمان على اهتمامك
Content Relevant URLs by
vBSEO 3.6.0 PL2