بينما الأب ينظف سيارته الجديدة

**MOSHAKS** · 25-09-2011 07:23 AM

المشاركة الأصلية كتبت بواسطة aminibrahim

ليه بس كده قطعت قلبي الل يسامحك

بلاش الجات دي يا عم الله يخليك

انا مقصدش انى اتعب حضرتك بس الهدف من القصة تملك النفس ساعة الغضب وديه صعبة اوى
وخصوصا فى ايامنا ديه ودائما الغضب بيخسرك اعز ماتملك

المشاركة الأصلية كتبت بواسطة syd

قصة جميلة بس قاسيه جدا
شكرا علي النقل
الله المستعان
،
،

اشكرك يافندم

المشاركة الأصلية كتبت بواسطة khaled_sabry

انا كنت عارف القصه دى قبل كده
و حضرتك نقلت الصيغه المختصره ليها
لكن ليها صيغه تانيه اكثر تفصيلا فى صفحتين او ثلاثه (نفس الاحداث و لكن وصف اكثر للمشاعر) و فعلا خلتنى ارتجف عندما قرأتها

بس سؤال بارد .... هو ايه اللى جاب المطرقه فى ايد الاب و هو بيغسل العربيه ؟؟؟

الانسان لما بيغضب بيكون اعمى وممكن تاخد اى حاجة ادامه او جنبه من غير ميدرى

المشاركة الأصلية كتبت بواسطة ashraf_ibrahim

قرأتها قبل كدة وفي كل مرة استشعرها من جديد
لو حد يعرف يجبلنا القصة المطولة يبقا كتر ألف خيره يا شباب

ياريت لانى لقتها زى مهى كده لانى اول مرة اقرأها كان امس بنفس الصيغة

المشاركة الأصلية كتبت بواسطة ahmadmidop

مشكووووووووووووووووور

المشاركة الأصلية كتبت بواسطة nouranwar

بجد قصة اكثر من رائعة
بتأثر في الواحد بطريقة غريبة
شكرا علي القصة الرائعة :)

الشكر لينا يافندم

المشاركة الأصلية كتبت بواسطة waleedfesal

جزاك الله كل خير

جزانا واياكم بكل خير

**MOSHAKS** · 25-09-2011 07:32 AM

المشاركة الأصلية كتبت بواسطة mohamed.ramah

فعلا قصة مؤثرة ...

وانا ليا تعقيب بردة انا عيدت قراءة القصة فى نهايتها لما قرأت الجزا دة !! (يد ابنه من دون ان يشعر بأنه كان يضربها بمقبض مطرقة !!:(

ممكن يكون غلط من كتبها وهو بيقوم بتصليحها مش بغسلها ...

ممكن يكون عنده شنطة عدة فى العربية فيها مطرقة او كانت فى يد الطفل لان الطفل كان بيكتب بمسمار على السيارة وممكن يكون كان بيعمل حاجة تانية خالص خارج المنزل وجت فى دماغه غسيل السيارة وساب المطرقة والمسمار جانبه

المشاركة الأصلية كتبت بواسطة rouzy

هى بجد قصة صعبة اوى ومؤثرة خالص ...
بس بجد بجد عارفين ... انا كل يوم بكتشف انى الاب ده اكتر بنى ادم بيحبنا ف الكون , رغم انه ممكن يكون قاسى علينا اوقات وممكن يعمل حاجة زى اللى حصلت ف القصة دى بس فعلا مفيش حد بيحبنا قد والدنا .

ديه حقيقة فعلا الاب ممكن يكون شديد وحازم فى اوقات كتير بس ده ميمنعش انه طيب جدا ولو حد فينا حصله شئ بيتجنن ونفسه يبئا ولاده احسن ناس فى الدنيا . وكنت كل لما اتأخر بره وقوله يبابا متقلقش يقولى لما تبقا اب هتعرف احساسى ومش هيجيلك نوم طول محد فيكم مش موجود.
ويكفى ان الاب الوحيد اللى ممكن يسمح ان ابنه يكون احسن منه فى حياته. ربنا يهدينا جميعا ويطولنا فى عمر الوالدين ويدعولنا كمان وكمان

**MOSHAKS** · 25-09-2011 07:33 AM

وهو ده الهدف من القصة
=============================================
احيآناً نتسرع في افعالنا و انداك لن ينفعنا الندم و الماضي لن يمكنك اصلاحه فالتروي في تربية اولادنا والمعاملة بالتي هي احسن افضل طريقة لنشأة جيل الغد
=============================================

**ahmed2y** · 25-09-2011 12:21 PM

قصة موءثرة فعلا وحصل معايا حاجة شبة كدة مع نور بنتى

نور بنتى سنتين تشوفنى اشرب تقولى امبو مية اى حد يشرب تقولة امبو ومية عشان بتحب تلعب بالمية

مرة داخل من الشغل والجو نار غيرت هدومى وشرب يمكن ازازة مية بحالها وحطتها جنبى ونمت على الكنبة وشرقت وبقيت اكح وكنت هموت ودى لقيتها ماسكة ازاة المية وبتقولى امبو مية انا كنت فاكرها عاوزانى افتحلها الازازة عشان تلعب بالمية اترفزت عاليها وزعقت لقيت مراتى بتقولى انت بتزعقلها لية حرام عاليك قولتها انتى مش شايفة انا شرقان وهموت وهى عاوزة تلعب قالتلى هى بتديك المية عشان انت تشرب

انتبهت كدة شوية وفتحت الازازة لقتها بتدينى الازازة واقفة ساكتة بقولها بابا امبو لقيتها بتحرك راسها وبتقولى اة بابا امبو كنت هموت من زعلى ساعتها لما ظلمتها وصعبت عاليا قوى

فعلا العصبية ممكن تضيع منا حاجات كتير

**shaddadfalcon1** · 25-09-2011 02:20 PM

لما قريتها قبل كده تخيلت ابني ممكان الولد ده وقلت مستحيل حاجه زي دي تحصل

ده انا البارح كنت بصلح التكييف ورجعت وانا داخل علي البلد والدتي كانت عند بنت عمي وهو معاها ومخدتش بالي منه ومشيت حوالي 70 متر بالعربيه وببص في المرايا لقيته جي جري ورايا المسافه ده كلها وبينده عليا وانا كنت مشعل الكاست والتكييف وقافل القزاز
متتخيلوش كنت حاسس بايه ساعتها وكل ماافكر انه شافني جه جري عليا وانا مش واخد بالي وهو بيعيط ورايا في الشارع وبينده عليا بجد ساعتها خدته في حضني وفضلت اتاسف ليه وكان هايز عليا ارمي نفسي تحت العربيه لمجرد اني خليته يجري ورايا المسافه دي كلها

**khaled_sabry** · 25-09-2011 04:49 PM

المشاركة الأصلية كتبت بواسطة shaddadfalcon1

لما قريتها قبل كده تخيلت ابني ممكان الولد ده وقلت مستحيل حاجه زي دي تحصل

ده انا البارح كنت بصلح التكييف ورجعت وانا داخل علي البلد والدتي كانت عند بنت عمي وهو معاها ومخدتش بالي منه ومشيت حوالي 70 متر بالعربيه وببص في المرايا لقيته جي جري ورايا المسافه ده كلها وبينده عليا وانا كنت مشعل الكاست والتكييف وقافل القزاز
متتخيلوش كنت حاسس بايه ساعتها وكل ماافكر انه شافني جه جري عليا وانا مش واخد بالي وهو بيعيط ورايا في الشارع وبينده عليا بجد ساعتها خدته في حضني وفضلت اتاسف ليه وكان هايز عليا ارمي نفسي تحت العربيه لمجرد اني خليته يجري ورايا المسافه دي كلها

و الله ساعت الغضب الواحد بعمل حجات ممكن يندم عليها العمر كله
يعنى انا مثلا عندى مهاب سنتين و 10 اشهر ..... مثال للطفل الشقى المتشرد المصرى
و شذا سنه و 5 اشهر ..... مثال للبنت البسكوته دلوعه بابا
و انا بحب اولادى جداااااااا
وهما كمان بيحبونى اوى ......... و بالتالى لما بيلعبو بيحبو يلعبو معايا انا اكتر من امهم
فانا طبعى عصبى جدااا فاحيانا لما ببقى متعصب و يجى حد منهم يرمى نفسه عليا (علشان يلعبو ) احيانا ازعق ليهم او اضربهم كمان ...
و ما انتبهشى للى عملته الا من نظرتهم السفليه المنكسره ليا من وسط دموعهم و بعد ماكانت الدحكه ماليه وشهم من دقيقه اتحولت الى بكاء و العين اتملأت بالدموع - ساعتها بكرهه نفسى اوى و بحاول اعوضهم قدر المستطاع و اخليهم يدحكو
لكن مع مهاب بقيت احسن انه رغم انه بيدحك الا انه لسه شايل منى جواه

**fineart607** · 25-09-2011 04:56 PM

على الرغم انى قراتها قبل كده بس قراتها تانى جزاكم الله خير

**shaddadfalcon1** · 25-09-2011 05:51 PM

المشاركة الأصلية كتبت بواسطة khaled_sabry

لكن مع مهاب بقيت احسن انه رغم انه بيدحك الا انه لسه شايل منى جواه

اصعب احساس انك تحس ان ابنك اللي ميعرفش حاجه شايل منك وزعلان وكل نظره ليه تحس انه بيقولك ليه يابابا
بجد تبقي عايز تموت نفسك

**د.اشرف هنداوى** · 26-09-2011 02:46 AM

ربنا يجازيك خير علي النقل

**mazher_m** · 26-09-2011 03:11 AM

المشاركة الأصلية كتبت بواسطة khaled_sabry

انا كنت عارف القصه دى قبل كده
و حضرتك نقلت الصيغه المختصره ليها
لكن ليها صيغه تانيه اكثر تفصيلا فى صفحتين او ثلاثه (نفس الاحداث و لكن وصف اكثر للمشاعر) و فعلا خلتنى ارتجف عندما قرأتها

بس سؤال بارد .... هو ايه اللى جاب المطرقه فى ايد الاب و هو بيغسل العربيه ؟؟؟

ايوه فعلا ايه اللي جاب المطرقه

ولا اقولك خليها مطرقه احسن يغيرها بسكينه ولا مطوه ويمكن فرد خرطوش علشان الايام اللي ميعلم بيها الا ربنا دي

الموضوع: بينما الأب ينظف سيارته الجديدة

LinkBack

أدوات الموضوع

عرض

-

-

-

-

المواضيع المتشابهه

من هو الأب؟!

عـلـى أى اسـاس يقوم المواطن المصرى بشراء سيارته الجديدة ؟؟

حد جرب ينظف شاشة الكمبيوتر من الداخل

## تنبيه هام جدا لكل من سيستلم سيارته الجديدة ##

سؤال للى جرب ينظف فلتر التكييف بتاع اللانسر

الكلمات الدلالية لهذا الموضوع

المفضلات

المفضلات

ضوابط المشاركة