ملاهى وندر لاند

**sherif222** · 24-09-2011 09:20 PM

عايز اعرف لو سمحتوا ازاى اروح ملاهى وندر لاند اللى فى مدينة نصر بالعربية من المعادى ... شكرا مقدما

**aif** · 24-09-2011 09:34 PM

باختصار
ح تمشي في الاوتوستراد طوالي لغاية اول عباس العقاد ( اول شارع رئيسي يمين بعد ميدان رابعة العدوية )
تاخا يمين في شارع عباس العقاد وتمشي طوالي في عباس العقاد ( فيه تقاطع مصطفي النحاس في آ خر الشارع لازم تاخد يمين اجباري وتعمل يو تيرن شمال وبعدين يمين تاني عشان تكمل في امتداد العقاد )
في امتداد العقاد ح تلاقي على يمينك الحديقة الدولية و بعدها وندر لاند
ده ابسط طريق لكن ممكن عباس العقاد يبقى زحمة شوية ....
ممكن طرق تانية اقل زحام لكن ح تكون مش سهلة في الوصف زي ده
الحمد لله على السلامة

**aif** · 25-09-2011 02:56 PM

المشاركة الأصلية كتبت بواسطة sherif222

جزاكم الله خيرا على سرعة ردك واهتمامك ولكن أخوك فى الله ما يعرفش غير انه يمشى فى الاتوستراد طوالى لغاية ما أوصل الى المنصة تكون على شمالى وجامعة الازهر على يمينى ... مش عارف اعمل ايه بعد كده !!!!!

بعد المنصة اول تقاطع هو يوسف عباس وفيه اشارة وعلى شمالك بنزينة موبيل .... مالكش دعوة ... انت طوالي
بعده بحوالي 300 متر تقاطع الطيران اللي فيه مسجد رابعة على اليمين .... ملكش دعوة برضه انت طوالي
بعد كدة ح تمشي شوية حوالي 2 او 3 كيلو ح تلاقي على يمينك طيبة مول وسينما طيبة وبعدين شارع عباس العقاد ... وعلى فكرة هو مش تقاطع كامل ... يعني يمينك عباس العقاد ومفيش دخلة شمال وعلى ناصية عباس العقاد ح تلاقي بنزينة مصر للبترول
هو ده عباس العقاد .... وكمل بقى الوصفة زي ما مكتوب ف الاول
بالسلامة ان شاء الله