رينو ميجان هاتش باك موديل 2007 مواصفات خليجية
السلام عليكم
عندي سيارة رينو ميجان هاتش باك موديل 2007 أتوماتيك بدون رنجات او فتحة سقف
السيارة نزلت بيها مصر بنظام التربتكت أو الإفراج المؤقت
أنا مستخسر أرجع بيها تاني الإمارات وسبتها في مصر لكن لازم خلال نهاية شهر عشرة أو بالكتير نهاية شهر يناير الجاي ( في حالة لو جددت ثلاثة شهور أخرى ) لازم إما أطلعها بره مصر أو إني أنقل ملكيتها لأحد المعاقين
السيارة مش مرشوشة لا بره ولا جوه
بأمانة فيه شوية خدوش بالرفارف بسيطة حصلت في مصر وكلكم عارفين الناس في مصر بتسوق إزاي
لكن هي مش راشة لا بره ولا جوه ولا حتى نضافة
الموتور ممتاااااااااااز
المكيف الشاسيه الفتيس العفشة والفرشة بحالة ممناااااااازة
الفانوس الخلفي الشمال به حته مكسورة لكن شغال ومش عارف ينفع تغير الوش بتاعه أو تكسيه باستيكر ولا يحتاج تبديل بالكامل
المفتاح الكتروني لفتح الباب وتشغيل الكونتاكت وفيه مفتاح واحد فقط والتاني ضايع وطبعا داخل المفتاح الالكتروني فيه مفتاح حديد صغير يفتح الباب لكن ما يشغلش السيارة
ماشية 200 ألف كيلو وده الطبيعي هنا في الإمارات
لو فيه حد عنده معاق وعاوز يشتريها أنا مش هأقف معاه في السعر نهااااائي وهتكون لقطه بالنسبة له
السيارة أنا مشيت بيها شوية على بنزين تمانين أثناء الأزمة ولقيت موتورها وسحبها وصوتها ممتازين من غير أي مشاكل ولما سألت واحد قاللي إحتمال يكون فيها جهاز مصحح للأوكتان بيظبط كهربة الماكينة على قوة البنزين لوحده
مغيرلها أربع إطارات قبل ما أنزل نوعية ياباني أصلي يوكوهاما مواصفات خليجية
مش هأطول عليكم لكن لو حد عنده نية يراسلني هنا
وتقبلوا تحياتي