السلام عليكم
بعد اذنكم ممكن اعرف رايكم مين الافضل السبارك ولا الاسبرانزا بمقارنه في المميزات و العيوب؟؟
شكراا
عرض للطباعة
السلام عليكم
بعد اذنكم ممكن اعرف رايكم مين الافضل السبارك ولا الاسبرانزا بمقارنه في المميزات و العيوب؟؟
شكراا
وهل فعلا السبارك مفهوش باور،وعجلة القياده تقيله في الركن؟؟
مفيش حد ممكن يفدني اختار بينهم ؟؟ :(
أنهي اسبرانزا حضرتك، ما الاسبرانزا كتير
اسبرانزا هاتش باك الي هيا a113
ابعد عنها علشان معى ابن خالي وسيئة جدا جدا جدا
جزاكم الله خيرا للافاده بس سيئه من ناحية ايه؟؟
زي، فيها مشاكل في الحساسات وخاصة حساس الشكمان أو الفرن قرفنا جدا مش فاكر بالضبط بس هي كانت فيها كذا حساس منور، ثانيا العفشة بتخبط وترزع مع العلم إن العربية كانت 2010 وعاملة 12 ألف كيلو فقط، نصيحة ابعد عنها، وربنا يوفقك للخير
شكرا جزيلا
انا لى رائى تانى الاسبرانزا بالنسبه لسعرها و الاوبشن اللى فيها كويسه جدا و مطلوبه جامد دلوقتى و الزيرو بتاعها كمان غلى الفين جنيه عيبها الوحيد العفشه ناشفه شويه غير كده العربيه كويسه جدا...
انا معايا اسبيرانزا 516 وبصراحه زى الفل وموتورها عزمه قوى لما بسافر بيها بجيب 170 على الطريق ثابته جدا وعامل بيها 40 الف كيلو وماشيه زى الفل بالنسبه للعفشه العفشه ناشفه شويه بس مش قوى بس مش بتخبط زى ما الاخ بيقولوالاوبشن بتاعها جامد وواخده 3 نجوم فى اختبار التصادم
جزاكم الله خيرا
انا معايا اسبرانزا a113 موديل 2010 وكنت شاريها زيرو ومعايا بقالها سنه وبصراحه عربيه كويسه جدا جدا بالنسبه لسعرها وممكن اقولك على بعض المميزات اللي انا شايفها فيها من وجهة نظري
تكييف تلاجه في عز الحر يكفي تشغله على 2 بس - عاليه عن الارض لا يمكن تحك في اي مطب لو حتى شايله 5 اشخاص - تجميع سريع وثبات كويس جدا - تابلوه كويس جدا - كاسيت ممتاز - فيها كل الاوبشن اللي انت عايزه ( زجاج كهرباء بالكامل + وحدات رفع بتقفل الزجاج مع غلق السنتر - تعديل ارتفاع النور الامامي - فوجات اماميه وخلفيه كمان - مساحه خلفيه وبظاظ ميه - سنتر كامل باريموت وانذار - عداد يعرفك استهلاك البنزين للسرعه اللي انت ماشي عليها
من جوه اوسع من الفيرنا بكتير
توكيل ممتاز جدا جدا
العربيه بتجيب 180 مرتاحه جدا وممكن 200 كمان بس انا خفت اكمل
بس في شوية مشاكل حصلت معايا والتوكيل حلها لانها لسه في الضمان :
زي وير الدبرياج كان تقيل جدا وبيعمل صوت والتوكيل غيره وبقه تماااااااام
الشكمان صوته علي ورحت التوكيل وغيره علبه الشكمان
المساعد اللي ورا طفح زيت وبلغت التوكيل ومستني تليفونهم عشان اروح اغيره
اسوء عيوبها العفشه الناشفه = وسئلت التوكيل قالو لان العفشه رياضيه