بعت عربيتى الاسد العجوز بيجو 504 وهشترى نيسان صنى ex saloon manual with ABS عن اقتناع تام وشكرا لكل النيساوية لان ليهم الفضل الاكبر فالاختيار دا بس نصيحتكم اجيب اى لون
عرض للطباعة
بعت عربيتى الاسد العجوز بيجو 504 وهشترى نيسان صنى ex saloon manual with ABS عن اقتناع تام وشكرا لكل النيساوية لان ليهم الفضل الاكبر فالاختيار دا بس نصيحتكم اجيب اى لون
نصيحه لوجه الله هات اوتوماتيك
اريح ويحافظ على السياره اكتر وعيبه الوحيد زياده في استهلاك البنزين بمعدل
5 جنيه كل تفويله
ولو تقدر تجيب السوبرصالون او الهاي لاين فهي صفقه رابحه ان شاء الله
فعلا الصنى عربية محترمة عن جد وخاليك فى الاوتوماتيك هتريحك خالص خصوصا لو انت مشاويرك فى الزحمة وبتقف فى اشارات كتير وسيبك من كل شوية الغيارات الاول و التانى
بص ياباشا مادام انت عايز نصيحهد
بالنسبه للالوان اختار اللون الي ميبنشي فيه التراب لان الصني لما بتترب بتقي وحشه قوي
بالنسبه للعربيه ذات نفسها
بتستهلك بنزين علشان تبقي عارف يعني في اللتر وبكلام التوكيل مش كلامي انا شخصيا المفروض ان العربيه بتعمل من 7 ل 9 كيلو في اللتر
وده كلام التوكيل ومسؤل كبير في التوكيل ومهندسين كبار فيه مش كلامي يعني
الكراسي بتعتها متعبه شويه وبتحتاج انك تعمل بطانه كده او تحط حاجه وري ضهرك علشان رقبتك وظهرك ده لو ظهرك من النوع الي بيتعب من الكراسي النشفه والي ملهاش تقسيمه علي الظهر
بالنسبه للكنبه بقي ضيقه الي حد ما وده نتيجه لوسع الشنطه يعني لو حد طويل مش هينفع يقعد وري وهيبقي مضايق جدا لو قعد ولو قعدت تلاته جمب بعض هيقعدوا اه بس هيتعبوا جدا وهيتضيقوا قوووي ودي عن تجربه
بالنسبه لمرايه الاجناب صغيره نوعا ما عن عربيات تانيه كتيره وده مش عيب ومش ميزه بس يعني هو حسب شخصيتك وحسب ما تحب بالنسبالي انا مش بحب المرايه الصغيره
عربيه نوعا ما ناعمه وحلوه بس بردوا هي ناشفه وبتحس بالمطبات وكمان بتكسيرات الشوارع ولو في مشكله ولو بسيطه بتحط في حاجات بتخبط في ظهرك مع المطبات بقي وكده
بالنسبه لاوتو او مانيوال ده حسب شخصيتك وحسب ما تحب وحسب صحتك بردوا :d
ايضا واحب اقولهالك من استخدام سنتين للعربيه رجلك الشمال في الاوتو هتوجعك ليه بقي لو انت مش طويل بما يكفي علشان تطول الحته الي بتحط رجليك الشمال عليها رجليك هتوجعك هتوجعك وده مش بس نتيجه لخبرتي اكتر من حد ركب عربيتي وقالي ايه ده رجلي الشمال وجعتني ليه بقي انت محتاج يكون طولك بتاع 180 فما فوق علشان تطول الحته الي في ارضيه العربيه علشان تسند رجليك عليها يا كده يا رجليك هتوجعك وطبعا في نسبه وتناسب بين الطول والحجم من حيث مليان او رفيع ( اتمني تكون فاهمني !! بس جرب تسوق العربيه وشوف رجليك هتوجعك ولا لأ )
اه دراعك اليمين مش هتعرف تسنده علي المسند لانه واطي قوي ودراعك مش هيطوله وده بالنسبالي سببلي مشكله لاني بسوق بدراعي الشمال المهم بردوا حبيت اقولك الموضوع ده
الكرسي بيزيق بمعني انك لو حركته لوري او قدام فيه تكه هتحصل وفيه ناس بتقول دي مشكله بالنسبالي مكنشي مشكله انا اعتبرتها اوبشن علي العربيه ههههههههههه
شويه بقي نصائح لو اشتريتها
خد باعتبارك الي قولتهولك ده وياريت متقولشي كل ده مش مهم المهم انها عربيه قويه وبتاع ومش عارف ايه سيبك من كل ده لان كل الي قولته ده مهم جدا وهيفرق معاك مش بعد شهر ولا اتنين لا هيفرق بعد سنه ومعتقدشي في حد في مصر بيحب يغير عربيته بعد سنه او اتنين حتي
لو ربنا كرمك بالعربيه متهنهاش بالذات ما يخص الصيانه بمعني كل ما تحافظ عليها الصني هتديك لاني حسيت بكده بجد كل ما اتاخر كيلو بس عن صيانه العربيه بحس العربيه فيها حاجه غلط فخد بالك من جدول صيانتك ومواعيدها وايه الي بيحصل فيه
شوف تجارب الاعضاء واقراها كويس
استخير ربنا في اختيار العربيه دي
مممم ...... انت ابعد عن الاسود
انا شايف احلي لونين ومش منتشرين اوي
الفيراني الفاتح
والموف الغامق
وماشاءالله شكل العربية متميز فيهم اووي
وربنا ييسرلك الخير
والحمد لله انها انتشرت اليومين دوووووول بشكل كبيييييييير مع التوكيل المحترم
يبقي ملكش حجة
قطع غيار وامان و سهولة صيانة
وبالنسبة لنوع الغيار
فعلا لو جوه مدينه هات الاوتوماتيك
لو طرقك كلها سريعه يبقي مانيوال وعلي الطريق هايوجب معاك ان شاء الله
ومتنساش الاستخارة وربنا ييسرلك الحال
فعلا الفيراني الفاتح جميل وجديد ومش منتشر
ربنا يوفقك في الاختيار و الف مليون مبروك مقدما
الصني عربيه محترمه جدا و بتخدم من القلب
تحياتي
اظن بعد الكلام ده التوكتوك يقضى الغرض .ههههههههههه
انا من رايى ان حضرتك نازل من بيجو 504 وهتركب صنى يبقى هتنبسط منها وهتستريح للصنى.
اما بالنسبه للدكتور اظن انه ركب الصنى بعد عربيه اعلى اما المانى او يابانى وكانت اوسع واريح واستهلاكها للبنزين اقل من الصنى.
استخير ربنا وتوكل على الله الصنى صفقه رابحه.
انا كنت راكب شاهين يا بشمهندس هنا في مصر
لكن اه برا ركبت حاجات تانيه وعمر مكان تقيمي لعربيه علي حسب عربيات تانيه
لان في فرق بين الصني والتيوتا والبي ام
وانا ركبت التلاته الحمد لله
بس حبيت اوضحله النقاط الي ممكن تضايقه بعد فتره علشان يبقي علي نور ليس الا
أنا معايا الموف الغامق، لون جميل جدا
شكرا لكل اللى ردوا بجد فخور بيكوا اوى وبالمنتدى الجميل دا ان شاء اللة فيرانى فاتح
ايوه كدا يازين ماخترت مبروك عليك