التقرير الفقير .. لأوتوماك الصغير
اعضاء نايل موتورز الكرام
اسمحولي اقدملكم تقرير المتواضع عن زيارتي الخاطفة لمعرض أوتوماك الصغير اول يوم
هو صغير لأنه يغيب عنه صانعين كثر ( الا اذا كانو مستخبيين !)
لا يوجد مرسيدس - فولكس - رينو - اودي - فيات - دايهاتسو - بروتون - نيسان ... و ده اللي فاكره
أجمل مافي المعرض من الأخر
سيتروين
روعة .. تحفة .. لا أدري ماذا أقول ....
ماهذا الجمال الداخلي أكثر من الخارجي؟
ماهذه الدقة؟
ماهذا الأداء؟
ال c4 و الـ ds الجديدة كانو سيصيبوني بالاغماء و بأسعار تبدأ من 165 الف ( بكل شيء طبعا مش زي ناس بأير باج واحدة أو اتنين أو نص واحدة ..!!! )
بي ام دبليو
المميز بالنسبة لي كانت الفئة الأولي .. بالمواتير التربو 136 و التوين تربو 170 ( 1600 سي سي ) بالاضافة لأنك تحس ان فيها فكر جديد
باقي الفئات تحس بأنها لم تقدم أي جديد
و مازال هناك اعجاب خاص بالـ x3
و كان فيه فئة 650 حواليها سور عشان يجيلك شلل نصفي بس مش رباعي !
بيجو
واوووو .. المعرض ده يا جماعة بصدارة فرنسية بجميع المقاييس
جمال و برستيج و أهم من كده .. سعر معقول جدا
يا جماعة 408 تبدأ من 129 الف مانيوال و 139 الف اوتوماتيك !!!
طبعا الأخت الجديدة mg
تكرار لقصة بريليانسية شفناها قبل كده .. افضل مافي الصيني مع اهتمام عالي بالجودة صحيح
لكن الناس مش متقبلة صيني 1500 سي سي بـ 115 - 125 الف جنيه .. ربنا يوفقهم
أه ... نسيت كيـــا
بصراحة .. السبورتاج 1.6 كانت خاطفة معرض كيا .. هي و الريو الجديدة
السبورتاج جميلة و قوية من بره بس عادية من جوة ( ماقدرش اقول وحشة ) و تبدأ من 173-210 كله اوتوماتيك
الريو بقي جميلة من بره و جوة و الموتور ال 1400 . 109 حصان ( مش عارف نصبة لسه ولا لأ )
غبـــــــور
تحسيهم زي المجانين كده مش عارف ليه .. كانو بيجروا عالعملاء اللي عاجباهم عربيات تانية يحاولو يطفشوهم او يقولولهم ده الالانترا جميلة ..
المعرض عموما خفيـــــــــف و تخلصه في ساعتين بالكتير قوي
نسيت اضيف شركة تأمين ( ضمان ) و انت خارج .. بتأمن علي عربيتك في ظروفنا الغبرة دي ب 2.7-2.9 % و دي نسبة ممتازة دلوقتي
اتمني تقريري الفقير يعجبكم