عايز أروح أسكندرية بكرة الفجر إن شاء الله
عايز أعرف هو الطريق آمن ولا أيه؟
جزاكم الله خيرا
عرض للطباعة
عايز أروح أسكندرية بكرة الفجر إن شاء الله
عايز أعرف هو الطريق آمن ولا أيه؟
جزاكم الله خيرا
حاول تمشى فى النور...وخصوصا فى النصف الثانى من بعد ماسترز
وكن حذر جدآ فى الربع الاخير (اخر 40 كم قبل بوابات اسكندريه) لان الجزه ده ضيق والحركه فيه بطيئه والمزارع جنبه على طول...
وربنا الستار
مفيش حاجة اليومين دول مضمونة خااااااااااالص ....
ساعات تلاقى الشرطة شدة حيلها على الأخر وتحس أن فية أمن و أنضباط ....
وساعات تحس أن الدنيا خربانة والظباط رايحين فى سابع نومة و للأسف دة اللى بيحصل غالبآ ....
هو أنت لازم تروح أسكندرية بالعربية ؟
لية مابتفكرش تروح بالقطر ؟
انا رايح بكره القاهره ان شاء الله صحرواي
حد يدلني علي اماكن الرادرات الله يكرمكم
الطريق تحفه اصلا وامان لدرجه اني مره سافرت عليه ايام الحظر
وكان اكتر من رائع
حاليا التحويلات متشاله علشان الصيف
فيه 3 رادارات ثابتين وانت جاي علي اسكندريه حتلاقيهم عند اكشاك الشرطه العسكريه وتحت الكباري اللي بيعملوها
وواحد متحرك في اخر 40 كيلوا قبل بوابه اسكندريه
ومن البوابه لكوبري العامريه السرعه 60 علشان جوه المدينه
واحيانا بيحطوا رادار فيها
وتوصل بالف سلامه
طيب وانت رايح القاهره بقي يانجم؟
والدي بيقولي ان عند كل نقطة شرطه؟ هي دي بتبقي عند الكباري يعني ولا ايه؟
انا شوفت رادارين وكنت سامع انهم 5 بس قللوهم
عموما خليك ورا بتوع الميكروباص
احيان كتير بيبقوا حافظينهم وبيدولك انتظار قبل الرادار
دايما مكانه جنب كشك الشرطه العسكريه زي ما قولت
علشان ميتسرقش وعلشان الكهربا بتاعته وفي كل الاحوال خليك ماشي 100 ياعم وتوصل بالسلامه
100 من 160 مبتفرقش كتير في وقت الوصول
انا سافرت السبت الساعة 6 المغرب و رجعت الاحد (امبارح) فى نفس الميعاد ، الطربق كويس جدا بس النقل كان كتير جدا و انا راجع بس عاملين ونس للطريق ، و الرادارت عند اكشاك المرور و فى رادار ضرب فلاش احمر و انا رايح على عربية تيريوس كان بيجرى و مش عارف اماكن الرادار
انا جيت من الاسكندريه للقاهره الصبح وطلعت من هناك الساعه 7 صباحا والطريق كله تقريبا واخده 140 وربنا يستر بس كوت بهدي عند كل الكباري ومشوفتش غير رادرا واحد قبل القاهره بشويه صغيرين كان عندي نقطة مرور فعلا بس قبل كده مكنش في اي اكشاك مرور ولا رادرات
الراراد اللي شوفته ده كان واضح قوي وبارز لبره يعني لو عربيه نقل قربت شويه ممكن تكسره
كل الناس كانت بتجري طول الطريق ماعدا عن المكان دي لقيت نقل بيدي نور الناحيه التانيه وبعدين الميكروباص اللي قدامي شغل انتظار فهديت لحد ماعيديته
مش عارف انا لبست اي راردرات تانيه ولا هو مفيش غير ده