دخان اسود من الشكمان

**matrix012** · 25-09-2011 12:09 PM

السلام عليكم ورحمة الله وبركاته
انا معايا ابيزا 94 ماتور 1300 وبتطلع دخان اسود وانا بسخن العربيه كتير وبعد ما بتسخن وبمشى بيها مشوار كبير بلاقيها بردو بتطلع دخان اسود
هوا الدخان بيطلع بكثافه وانا بسخن الصراحه بس وانا ماشى بردو فى دخان روحت عند سيد عبدو وغيرت كربراتير الدخان قل شويه بس لسه موجود واستهلاك البنزين عندى مش مظبوط يعنى بتعمل حوالى 180 كيلو فى الصفيحه واصحابى الى معاهم ابيزا بيقولو ان استهلاكهم ااقل من كده يعنى بيعدى ال 200 كيلو فى الصفيحه
ممكن تدلونى اعمل ايه ؟؟؟؟
انا عارف ان فى ناس فاتحه مراكز لتخفيف نسبة العادم وتنظيف الكربراتير بس للاسف معرفش حد منهم
هل العيب ده ممكن يكون من الكربراتير ؟ مع انى بنظفه كل فتره بالاسبراى ؟
وهل فى حد معروف وامين قريب من جراج جسر السويس بينظف الكربراتير اروحلو ؟
افيدونى افادكم الله
وشكرا وربنا يستر طريقى وطريقكم

**sayedbahria** · 25-09-2011 03:05 PM

انا كان عندى نفس الموضوع روحت لبتاع كرباتير كان عندى الباب التانى فيه مشكة غيرته وغيرت البكات وبقت تمام

**SYD** · 25-09-2011 03:48 PM

هي فعلا مشكلتك في الكربراتير وطقم الكهرباء

الكربراتير بالوصف دة لازم يتفك ويتنظف كويس ولو في بكات عايزة تغيير هيغيرها

وبعد لما تخلص خالص هتغير طقم الكهرباء

والله المستعان
،
،

**matrix012** · 26-09-2011 08:38 AM

شكرا على الردود الوافيه
بس انا عربيتى فيها كنترول يونيت هل لو وصلتو بالكمبيوتر ممكن يطلع العيب بتاع الكربراتير ولا ملوش علاقه
والحاجه التانيه فى حد معروف قريب من جراج جسر السويس بينظف الكربراتير امين فى شغله علشان اروحلو اخلص الموضوع ده ؟ وانا عن نفسى معرفش ان فى حساس فى الشكمان وطبعا مش عارف ايه هوا الاير ماس
وشكرا

**ashoub** · 26-09-2011 08:07 PM

ريح نفسك وروح لرشاد فى الحرفيين هيجبلك من الاخر هو فى بلوك 8 وبيجى الساعه 12 بليل ده الوحيد الى تثق فيه

**matrix012** · 27-09-2011 12:55 PM

المشاركة الأصلية كتبت بواسطة ashoub

ريح نفسك وروح لرشاد فى الحرفيين هيجبلك من الاخر هو فى بلوك 8 وبيجى الساعه 12 بليل ده الوحيد الى تثق فيه

طب هوا رشاد ده بيبقى زحمه ؟ اصل موضوع الساعه 12 بليل ده بيبقى رخم قوى يعنى مش لذيذ يعنى متهيئلى لو احتاج حاجه مش هلاقى حد فاتح
وهل مصنعيته كويسه ؟
وشكرا

**ashoub** · 27-09-2011 09:16 PM

المشاركة الأصلية كتبت بواسطة matrix012

طب هوا رشاد ده بيبقى زحمه ؟ اصل موضوع الساعه 12 بليل ده بيبقى رخم قوى يعنى مش لذيذ يعنى متهيئلى لو احتاج حاجه مش هلاقى حد فاتح
وهل مصنعيته كويسه ؟
وشكرا

والله انتا وحظك بس الميزه فيه هو الى بيشتغل فى العربيه بنفسه يعنى لو روحت 12 اخرك الساعه 1.5 لو الدنيا زحمه بس لما تروحله قوله انك من طرف مهندس احمد عشوب بس فى الغالب ممكن يكون ضبط كربراتير وهو شاطر قوى فى الموضوع ده والمصنعيه بتاعته كلام فاضى هو مش من النوع الى بيدبح الزبون هو انسان محترم جدا وفاهم قوى فى العربيات ده حتى لو واحد معهوش فلوس بيقولو عديها عليا فى اى وقت روح عنده وعلى ضمنتى بس قوله انك من طرفى

**SYD** · 28-09-2011 12:13 PM

العربية ال 1300 كربراتير وبالتالي لا فيها حساس شكمان ولا فيها اير ماس
لأن الأتنين دورهم انهم يوصلوا اشارات للكمبيوتر عشان يحسب كمية الهوا وعلي اساسه يحدد كمية البنزين في الأنجيكشن

والله المستعان
،
،