سوال في اكسارا-1

**MrMustang** · 25-09-2011 12:39 PM

السلام عليكم ورحمه الله وبركاته

عندي سوال ياجماعه في الساسه الديجيتال بتاعه هداد الكليومتر اللي في تابلوه الاكسارا-1

الشاشه دي عندي فاصله...بس جايبه شُرط.....ولما بدوس علي الزرار اللي في التابلوه بجس ان الشرط دي بتتغير

المهم واحد كهربائي بعد ما فك العدادات قالي العيب في حتع البلاستيك اللي واصله بين الشاشه والبورده لانها بتتحرك من مكانها شويه...بس قالي انو مش هيعرف يعملها
روحت لوحد بتاع تساجيل قالي ان دي معموله في المصنع وملزوقه بلزق مخصوص وانو مش هيعرف يعملها بردو

ياريت تقولوي اعمل ايه ..انا حاسس انها حاجه بسيطه بس مش عارف ليه محدش عارف يتصرف معاها

يعني هل حته البلاستيك دي بتتباع ..؟؟...ومين ممكن يركبها؟؟؟
الف شكر

**MrMustang** · 25-09-2011 12:42 PM

دي صوره لحته البلاستيك اللي انا قصدي عليها اللي واصله بين الشاشه والبورده

ياريت تساعدوني بسرعه في الموضوع ده ياجماعه

**MrMustang** · 28-09-2011 11:15 AM

منتظر ردكم بفارغ الصبر

**MrMustang** · 01-10-2011 02:04 PM

ماشي مفيش مشاكل...هرجع تاني هقول اني لسه منتظر......هوا انا سؤالي صعب اوي كده !!!

**MrMustang** · 31-10-2011 10:41 AM

طيب مدام مفيش حد عايز يرد...هسال سوال تاني.....انا عايز اغير العدادات كلها

قالولي في المصري والاوربي بس الاوربي هيحتاج انه يتقسم كهربا من اول وجديد

انا شاكك ان العدادات اللي عندي اصلا اوربي مش مصري لاني شفت اكسارا كتير العدادت بتاعتها بيبقي فيها زرار واحد ما انا عندي في اتنين...ياريت حد يعرفنا افرق ازاي ما بين العدادات المصري والاوربي ....وبالمره ياريت تعرفونا الفرق بين الاكسارا الاوربي والمصري وازاي افرق بينهم

موشوع العدادات عاجل جدا ياجماعه...مستني ردكم...بس يارب المره دي حد يرد

**amrmaismail** · 13-11-2011 01:55 PM

مستغرب اوي ان ماحدش رد عليك الصراحة
بص انا مافهمتش مشكلتك اوي بس اللي فهمته ان عندك عداد الكيلو متر الدجيتال مش شغال
وده مش بيتغير لوحده
ده لازم تغير العدادات كلها ودي متهيألي استعمال ب ٤٠٠ او ٥٠٠ جنيه مش متأكد
حتت مصري واوروبي دي اللي انا مش فاهمها الحقيقة
العربيه آه متجمعة في مصر بس حاجتها كلها من بره مافيش حاجة اتعملت هنا يعني
وانا عربيتي تجميع عز العرب هنا والعدادات بزرارين واحد بيعلي ويوطي الاضائة وواحد بيضبط كيلو متر الرحلات

طيب علشان مانتوهش انت اشتري عدادات استعمال ( من بور سعيد علشان تبقي بنص التمن )
وركبها وروح لواحد عنده كمبيوتر العربيه يصفرلك العداد او يضيفلك آخر قرائة علي العربيه

وتحت امرك في اي استفسار

**MrMustang** · 13-11-2011 04:57 PM

الف شكر ياعمرو....بجد انت طلعت اجدع كتير من ناس تانيه كنت مستني انهم يردوا عليا (محدش يزعل انا كده صريح)

المهم ياباشا انا مشكلتي اني عايز اغير العدادات روحت وسالت قلولي ان في المصري وفي الاوربي وبمان العربيه متجمعه في مصر فالاوربي مش هيركب عندك الا لو روحت لكهربائي نضيف وعمل تقسيم جديد للعدادات..(يعني من الاخر هتقطع الفيشه القديمه وتلحم السلوك في الفيشه الجديده)
المهم سالت امجد ستروين قالي اوعي تعمل كده وعليك وعلي العدادات المصري....دي المشكله

الحاجه التانيه بقي ...كان في احد الاعضاء المحترمين (بس في منتدي اخر للاسف) قالي انني ممكن اغير قطعه البلاستيك اللي موجوده في الصوره فوق (ودي اللي بتوصل الشاشه بالبورده وهي دي المشكله عندي) فلو تعرف حد ممكن يبعها ويركبها يبقي جزاك الله خير

سوال اخير بقي بما انك معاك اكسارا ....العربيه بتاكل بنزين قد ايه معاك تقريبا؟

الف شكر علي الاطاله وجزاك الله خيرا

**amrmaismail** · 14-11-2011 12:30 PM

والله انا مش فاهم اوي موضوع المصري والاوروبي ده خالص
قصد حضرتك ان الفيشه مختلفه يعني ؟؟؟؟
اصلي انا بصيتلك علي كذا موقع من بتوع قطع الغيار لاقيت الفيشه واحده ( علي ما اظن ) فيشتين واحدة صفرا وواحدة زرقاء
ولا قصدهم ان الاوروبي بتعد بالميل مش بالكيلو يعني ؟؟
وبعدين انا شخصيا اعتقد انهم واحد بدليل ان في اوبشنز كتير بتنزل في الاوروبي ومش موجوده في المصري لكن اللمبات بتاعتها موجوده في العدادات ومش بتنور
المهم علشان ما افتيش واطلع غلطان كلام الاستاذ محمود من القدس تماااام اوي وان كنت انا افضل انك تغير العدادت كلها وعموما انا مره واحد بتاع قطع غيار من القاهره قاللي ان في ناس بتحب تغير رقم عداد الكيلو متر للعربيه فساعتها بتغير الساعه اللي بايظه عندك والكهربائي ( المحترف ) بيدخل القراءه اللي انت عايزها
يعني الموضوع ممكن بس محتاج واحد شاطر ...
للاسف انا اسكندراني ومش مجرب الناس بتوع القاهره علشان اقولك تعملها عند مين

استهلاك البنزين ممتاز اوي في الهاي واي يعني ٨ لتر في ال١٠٠ كم
ووحش اوي في الزحمه يعني حوالي الضعف او اكتر كمان

وانا تحت امرك في اي استفسار