الموضوع: لمن يشعر بمرارة ظلم فى حلقه - عل وعسى يستريح و لو بقدر قليل

لما حصل ضجة كده شوية عن موضوع الزلزال الي هييجي يوم 26 ده و المذنب الي هيقف بين الارض و الشمس و انها كارثة و نهاية العالم و كده , اول حاجه جات في بالي هي سؤال مهم :
هو انا جاهز اني اقابل ربنا ؟؟ و جه في بالي كل حاجه وحشه عملتها و اي حاجه حتى مشكوك فيها , طيب انا زعلت مين انا ضريت مين ,, و طبعا جه في عقلي الناس الي ظلموني و لأول مره في حياتي حسيت اني مش متدايق من ظلمهم لأ يمكن حسيت اني سعيد شوية علشان هاخد حقي منهم حسنات و لو معندهمش هديهم من سيئاتي يعني ظلمهم هيسعفني و طبعا انتو عارفين هيعمل فيهم ايه , طبعا مفيش نهاية ارض يوم 26 و الله سبحانه و تعالى اعلم باليوم ده بس الحقيقة الثابتة فعلا ان كلنا هنموت و هنقابل ربنا و ابقى خلى الظلم ينفعهم و دايما نحط قدام عنينا كده ( وما ربك بظلام للعبيد )
طبعا تقبل الظلم صعب لكن ربنا موجود

أفضل شئ أن تدعو لمن ظلمك بالهداية ومعرفته خطأه وأن يحكم الله بيك وبينه ويظهر الحق على لسان أيكما وأن يعترف هو بذلك ويعتذر منك

لأنك لو دعون له ارتاحت نفسك وهدأت روعتها وعفى الله عنك في الدنيا والآخرة

وإذا انتظرت الإنتقام منك أو من الله ظللت حينا من الدهر مقهور النفس ضيق الصدر حاملا للهم كارها للعيش

بسم الله الرحمن الرحيم " وَإِنْ عَاقَبْتُمْ فَعَاقِبُواْ بِمِثْلِ مَا عُوقِبْتُم بِهِ وَلَئِن صَبَرْتُمْ لَهُوَ خَيْرٌ لِّلصَّابِرِينَ وَاصْبِرْ وَمَا صَبْرُكَ إِلاَّ بِاللَّهِ وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ إِنَّ اللَّهَ مَعَ الَّذِينَ اتَّقَواْ وَّالَّذِينَ هُم مُّحْسِنُونَ " صدق الله العظيم