ذكرياتك مع الحوادث .. وربنـــا يحفظنـــا كلنــــا

**XGoGoX** · 25-09-2011 03:08 PM

كل واحد يقول إيه ذكراته مع الحوادث
إمته أخر مره خبطت العربيه
ومين كان غلطان
وكلفتك كام تصليح

كل واحد يحكي بخياله
وربنا يحفظنا كلنا ياااااااااارب

ولو لقيت تفاعل في الموضوع
هاقولكم على تجاربي العظيمه مع الحوادث

**tarek_2005** · 25-09-2011 03:16 PM

اللون الاحمر مخصص للادارة حازر قد تتعرض للايقاف

**tarek_2005** · 25-09-2011 03:30 PM

ربنا يكفيك الشر بس محبش افتكرهم وهما 3 حوادث من اكبر الحوادث وكانوا علي سرعات بطيئة لم اتعدي 60 كم / ساعة بس كانت اخطاء غيير وتلف اجزاء في السيارة
(( مثلاً )) كسر في عمود الاسكاترا بتاع سيارتي ال 127 علي منزل كوبري بولاق الدكرور الي بينزل لجامعة الدول ومش هقول الباقي ولا ايه الي حصل ممكن تخمنه
الثانية
تبقي ماشي في حالك وتلاقي عربية جيب رانجلر طايرة في الهواء وتسقط بسقفها علي كبوت سيارتك ال 127 بردوا
الثالثة
بالسيارة ال 127 بردوا ومحبش افتكرها

**XGoGoX** · 25-09-2011 03:40 PM

أخطر حاجه في السواقه
إنك تكون سايق من غير هدف ودماغك مشغوله بحاجه تانيه
هاتلبس يعني هاتلبس
^_^

**Ahmed Nasser** · 25-09-2011 04:04 PM

1- مرة كنت سرحان وانا سايق بس على سرعة هادية جدا ولبست فى نوبيرا 1
2- كنت سايق فى طريق مكسر ودوست شوية واحد بتاع موتسكل خد المراية الشمال فى وشة
3- دى بقى كنت ماشى تقريبا 90 وبعدين فى منحنى جامد جدا واقبل المنحنى مطلع عالى قوى وبعد المطلع نازل قوى
المهم طرت من فوق المطلع ده وصباح العومان العربية خدتنى ونزلت الزراعة وكنت هتقلب لما نخلة اللى سندتنى
ولبست كمان فى شجرة زيتون وشجرة فيقص
بس انا اللى غلطان لانى عاطى الطريق اكتر من حقة

**XGoGoX** · 25-09-2011 04:13 PM

المشاركة الأصلية كتبت بواسطة a333

1- مرة كنت سرحان وانا سايق بس على سرعة هادية جدا ولبست فى نوبيرا 1
2- كنت سايق فى طريق مكسر ودوست شوية واحد بتاع موتسكل خد المراية الشمال فى وشة
3- دى بقى كنت ماشى تقريبا 90 وبعدين فى منحنى جامد جدا واقبل المنحنى مطلع عالى قوى وبعد المطلع نازل قوى
المهم طرت من فوق المطلع ده وصباح العومان العربية خدتنى ونزلت الزراعة وكنت هتقلب لما نخلة اللى سندتنى
ولبست كمان فى شجرة زيتون وشجرة فيقص
بس انا اللى غلطان لانى عاطى الطريق اكتر من حقة

واضح إنك متسرع ومتهور
ربنا يحفظك ياباشا
وكويس إنك معانا دلوقت وبنتكلم
^_^

**Ahmed Nasser** · 25-09-2011 04:23 PM

اه فعلا انا متسرع وساعة اكون مضايق بكون متهور جدا

**SheNo0o** · 25-09-2011 05:14 PM

اكبر حادثه في حياتي غيرتلي حياتي
كنت نازل المنصورة مع صديق نجيب حاجات وكده وواحنا راجعين كان يوم حر وقرف قالي اسوق قلتله ماشي واول مرة اقوله ماشي واسيبه يسوق هو كان مطلع رخصه من قبلي ب 3 شهور بس انا بسوق من قبله بكتير
وطبعا طول الطريق وانا رايح ماشي 100 و 120 وطاير وحافظ الطريق وركبته كتيييير جدا وكمان عربيتي وانا ادرا بيها وفاهمها
هو بقا زي ماتقول وهو راجع (انا كنت نمت علي فكرة) هو بقا وهو راجع تقريبا اول ما مسك طريق المحله المنصورة طار عايز يقلدني العربيه عامت بينا معرفش يعمل اي حاجه صحيت وهي بتعوم مننا واغمي علياه وصحيت وهياه بتترمي برة الطريق ف الزراعي وبتدخل ف سن بتاع بيارة واغمي علياه وصحيت بعدها وانا مرمي علي الارض مطلعيني من العربيه حسيت بوجع فظيع ف دراعي وف رجلي التانيه المقابله للجه التانيه قمت مزعق فيهم كلهم قلتلهم ابعدوا محدش يلمس ايدي ولا دراعي دول
واتنهي الموضوع بمسمار في عضمه الحوض وشريحه ومسامير في دراعي الي قلت عليه من شويه 8 مسامير وعمري ما هرجع تاني زي الاول وحياتي كلها اتغيرت نصيحه متخليش حد يحط رجله ف عربيتك ونصيحه متامنش ل حد سايق عربيتك او غير عربيتك xD
ربنا يكفيني ويكفيكم الحوادث يارب وبالزات الحوادث القويه الي زي دي
(معلومه العربيه زي الافلام اتقلبت مرتين علي ظهرها ومرة بالجمب وكانت عربيه 128 وطبعا اتباعت زي ما هياه بالظبط مصلحتش فيها اي حاجه

-

-

الموضوع: ذكرياتك مع الحوادث .. وربنـــا يحفظنـــا كلنــــا

LinkBack

أدوات الموضوع

عرض

ذكرياتك مع الحوادث .. وربنـــا يحفظنـــا كلنــــا - انشر الموضوع فى :

-

-

-

-

-

المواضيع المتشابهه

عربيات الحوادث

ايه احلى ذكرياتك من ايام الطفوله؟

همر ضد الحوادث

أغرب الحوادث 4

صفحة ذكرياتك مع استخراج الرخصة

الكلمات الدلالية لهذا الموضوع

المفضلات

المفضلات

ضوابط المشاركة