السلام عليكم ورحمه الله وبركاته
اخوكم معاه بيجو 305 موديل 81 لسه جيبها
كنت عايز اعرف سعر المساعدين الى وره كام واجبهم من فين
عرض للطباعة
السلام عليكم ورحمه الله وبركاته
اخوكم معاه بيجو 305 موديل 81 لسه جيبها
كنت عايز اعرف سعر المساعدين الى وره كام واجبهم من فين
الف مبروك و ربنا يديك خيرها و يكفيك شرها و العربية دي بجد ممتازة و سيبك من كل اللي الناس بتقوله عنها. و المساعدين حتلاقيها عند خالد كولومبو في شارع أحمد عصمت في عين شمس و طبعا موجودة في شارع مجلس الأمة بس مش عارف السعر؟ معلش كنت عايز اسألك اشتريت العربية بكام و حالتها عاملة ايه؟
الله يبارك فيك
انا فعلن رحت لخالد كولومبو ولقيتهم هناك عملين 485 فرنساوى وبفضل الجديد لان الاستيراد بيكون طالع عينه تجيبه يشتغل شويه ويبوظ ومش كل يوم هتغير
العربيه الحمد الله الحوض سليم ومرشش والقوايم الشنطه الى فيها شغل بسيط بس ميهمش ورقم الماتور والشاسيه نمره وحده
فيها زجاج كهرباء وتكييف وسنتر حاله الماتور مش هقول نمره واحد بس جيد
الصالون نظيف بنسبه 70
اهلا وسهلا بيك فى قسم البيجو وخصوصا 305 اللى الناس بتوعنا معرفش راحوا فين بص بقى عايزك تنزل تشوفهم فى مجلس الامة اظن كانوا اقل من كده ومتجبش اى قطع غيار تركى اللى بيقولوا عليه اتحاد اوربى وعلى فكرة احيانا الاستيراد بيكون كويس قوى واحسن من الجديد وده عن تجربة الف مبروك ونصيحه كده خلى معاك سير 1225 اللى هو بتاع مروحة الريداتير احتياطى وهات الالمانى هو حوالى 18 جنيه والكورى كمان مش وحش ب10 جنيه لان السير ده لو اتقطع بيبقى حوسه لانه بيدور المروحة وطرمبه الميه
السلام عليكم ورحمة الف مبروك يا باشا على العربيه والله عربيه تحفة معايا من الوالد وبعدين انا اخدتها وبعدين اخويا خدها بس احنا ايدينا فيها على طول علشان تريح نفسك من موضوع المساعدين دول وعن تجربه بجد هتروح حضرتك للعفشجى وتفك المساعدين هو هيملاهم زيت وينضفهم والله هيرجعو احسن من الاول المهم لو هما مش مجهزين يتملو زى الامامى هو هيعملهم عند الخراط بحيث يعرف يفكهم بعد كده على طول والمصنعيه والزيت والاولسيهات مش هتزيد عن 100 او 120 جم باقصى تقدير ولو حابب تسال عن حاجة فيها انا تحت امرك حفيظها والله
مبروك يا باشا عربيتك الجديدة الـ 305 عربية ممتازه و متينة
بخصوص السعر أنا مش متأكد بس أحسن واحد اتعاملت معاه محل قطع غيار كبير و مستورد إسمه رضا عشماوي في مصر الجديدة (شارع دمشق).
و ربنا يوفقك