الموضوع: استفسار بسيط جدا ....؟؟؟؟؟؟؟؟؟؟؟

المشاركة الأصلية كتبت بواسطة fbiahmed

اطلع طريق مصر اسماعليه كانك رايح اسماعليه و متطلعش اول كوبري بتاع المطار خليك جمبه اقصى اليمين كانك رايح على الدائري و سور المطار يبقى علي شمالك كمل لحد ما تلاقي مودرن موترز على ايدك اليمين تقريبا في نص السكه دي قبل ما توصل الدائري

شكرا جزيلا لحضرتك المكان ده جنبي وهروح بكره ان شاء الله

المشاركة الأصلية كتبت بواسطة ahmddomar

عايز أقولك على حاجه ما دمت شاري عربيه جديده يبقى أهم ميزه فيها إنها في الضمان وإوعى حد يقولك إن العربيه الميكانيكا بتاعتها محفوظه وأي ميكانيكي ممكن يشتغل فيها ، الكلام ده مش صحيح ، لأني لسه شاري عربيه نيسان ورحت التوكيل وشفت الكشف على العربيه اللي في الصيانة الدورية بيبصوا على كل حاجه في العربيه ، حاجات مش هيبص عليها الميكانيكي إلا لما تحصل مشكله فيها أ أما التوكيل بيبص عليها وممكن يغيرها قبل حدوث المشكله وقبل ما تبوظ وتبوظ حاجات مرتبطه بها ، بمعنى إن سير الكاتينه مثلا يتم تغييره عند 60000كم مثلا وتيل الفرامل عند 20000أو 30000 أو قبل ذلك لأن سير الكاتينه لو قطع يبوظ الماكينه والتيل يبوظ الطنابير ......... إلخ ، فالتغيير هنا يتم بناء على العمر الإفتراضي لقطعة الغيار ويتم إحترازيا
أتمنى لك السلامه وتكون عربيتك في أحسن ما يكون

شكرا جزيلا لحضرتك علي المعلومات القيمه ديه وفعلا التوكيل بيفرق في الصيانه عن اي حد خارج التوكيل

بسم الله الرحمن الرحيم

انا روحت التوكيل ( مودرن موتورز الهايكيستب ) روحت الساعه 9 صباحا وقابلت مهندس الصيانه

قلي الصيانه مجانا فعلا ومفيش مصنعيه كل اللي هتدفعه 260 جنيه تمن تغيير الزيت والفلتر المهمه

خدو مني العربيه وحبيت ادخل معاهم جوا علشان اشوف قلي مينفعش تدخل جوا وقلي ادخل اقعد في

الاستراحه جوا لحد منخلص وهكلمك عموما خلصوا علي الساعه 3 الظهر والمهندس قلي تعالا معايا

استلم العربيه علشان تشوف لو فيها اي مشكله ممكن نحلها المفاجئه بقي بعد 6 ساعات انتظار

علشان اغير زيت وفلتر لو كنت عملتها في الحرفيين كنت خلصت بعد 10 دقائق لقيت العربيه

مخبوط في الشنطه اتخنقت معاهم طبعا وقلي المهندس ممكن نعدلها علي البارد ومش هتبان

المهم قلتوا المره ديه بقي هدخل اشوف العربيه بتتعمل ازاي المفاجئه لما دخلت جوا لقيت الدنيا

جوا كلها لخبطه والعيال الللي شغلين جوا عملين يتخنقوا وهوا سائيقين العربيات وبيحكوا العربيات

بتاعت الناس المهم الراجل عملهالي جوا علي البارد وخلصت ومشيت وحلفت اني مرايح المركز

ده تاني