المساعدين

**topgun12** · 25-09-2011 04:38 PM

جبت جوز مساعدين امامى مونرو 1200 جنية ممتازين فرق السما من العما طبعا عن اللى كانوا فيها والحمد للة

**lonedoctor** · 25-09-2011 07:30 PM

المشاركة الأصلية كتبت بواسطة topgun12

جبت جوز مساعدين امامى مونرو 1200 جنية ممتازين فرق السما من العما طبعا عن اللى كانوا فيها والحمد لله

اخى الفاضل حياك الله
انا ملاحظ انه سعادتك من اول ظهور ليك فى المنتدى وسعادتك بتستخدم اسلوب عنيف شوية واحيانا غير لائق وانا موش قادر اعرف انت هتفضل زعلان لغياية امتى ؟
لو العربية دى مزعلاك اوى كدة ومنغصة عليك حياتك ممكن تبيعها وتشترى نوع تانى يكون احسن والوكيل بتاعه محترم وقطع غيارها ممتازة ورخيصة ومعمرة
وكما قال النبى صلى الله عليه وسلم ان الرفق ما كان فى شئ الا زانه وما نزع من شئ الا شانه
انا شايف انك ماشاء الله توصلت لبعض الاشياء المهمة والتى لا يعرفها الاخرين زى موضوع المساعدين ده وموضوع تيل الكامرى الخلفى واشياء من هذا القبيل
فياريت تعرض لنا هذه المعلومات بشكل شيك وجميل علشان نستفيد من خبرة سعادتك وايضا نجد لدينا الرغبة فى ان نتبادل معاك المعلومات والخبرة التى نعرفها فتستفيد انت ايضا وهذا هو الهدف من المنتدى
ارجو ان لا اكون اثقلت عليك
تقبل تحياتى

**topgun12** · 25-09-2011 08:09 PM

اخونا وحبيبنا وابن منطقتنا الاستاذ دكتور واللة انا مش زعلان ولكن زى ما حضراتكم بتفضفضوا معايا بشكل ممكن يضايقنى انا بفضفض برضة باسلوبى ولا مش من حقى افضفض زى الزملاء ما بفضفضوا بطريقتهم معايا

**salem2004** · 25-09-2011 10:39 PM

المشاركة الأصلية كتبت بواسطة topgun12

اخونا وحبيبنا وابن منطقتنا الاستاذ دكتور والله انا مش زعلان ولكن زى ما حضراتكم بتفضفضوا معايا بشكل ممكن يضايقنى انا بفضفض برضة باسلوبى ولا مش من حقى افضفض زى الزملاء ما بفضفضوا بطريقتهم معايا

يا جماعة فضفضوا براحتكم - طالما الفضفضة في حدود المعقول - و طالما الناس هتستفيد

**ehabpopo** · 25-09-2011 11:04 PM

استكمالا لكلام الدكتور ... يا ريت تقولنا جبت قطع الغيار منين ... وبتركبها فين ... والميكانيكى اللى بتتعامل معاة كويس ولا اية ... وامكانياتة اية ... يعنى عندة اجهزة متطورة .. ولا ميكانيكى بيعتمد على خبرتة ... والعفشجى بردة لو بتتعامل مع حد كويس ... لان موضوع العفشة فى العربية دى مكلف جدا ... وخاصتا لو ها تغير لقطع غيار يابانى
فية ناس كتير عايزة تعرف ميكانيكى برة مركز الصيانة ... وانا واحد منهم ... ممكن ما روحلهوش دلوقتى ... انما بشيل تلفوناتهم معايا ... لانى عارف انى ها حتاجهم اكيييييييد .... يا ريت تقولنا علشان نستفيد كلنا بجد من موضوعات حضرتك ....
وربنا ما يجيب زعل ... مافيش حاجة مستاهلة ...احنا هنا علشان ندردش مع بعض ... وبنتعرف على بعض ... وبنفيد بعض .. وبنتسلة مع بعض ... وكلكم ناس محترمين والله ...

**lonedoctor** · 26-09-2011 12:39 AM

المشاركة الأصلية كتبت بواسطة topgun12

اخونا وحبيبنا وابن منطقتنا الاستاذ دكتور والله انا مش زعلان ولكن زى ما حضراتكم بتفضفضوا معايا بشكل ممكن يضايقنى انا بفضفض برضة باسلوبى ولا مش من حقى افضفض زى الزملاء ما بفضفضوا بطريقتهم معايا

المشاركة الأصلية كتبت بواسطة ehabpopo

استكمالا لكلام الدكتور ... يا ريت تقولنا جبت قطع الغيار منين ... وبتركبها فين ... والميكانيكى اللى بتتعامل معاة كويس ولا اية ... وامكانياتة اية ... يعنى عندة اجهزة متطورة .. ولا ميكانيكى بيعتمد على خبرتة ... والعفشجى بردة لو بتتعامل مع حد كويس ... لان موضوع العفشة فى العربية دى مكلف جدا ... وخاصتا لو ها تغير لقطع غيار يابانى
فية ناس كتير عايزة تعرف ميكانيكى برة مركز الصيانة ... وانا واحد منهم ... ممكن ما روحلهوش دلوقتى ... انما بشيل تلفوناتهم معايا ... لانى عارف انى ها حتاجهم اكيييييييد .... يا ريت تقولنا علشان نستفيد كلنا بجد من موضوعات حضرتك ....
وربنا ما يجيب زعل ... مافيش حاجة مستاهلة ...احنا هنا علشان ندردش مع بعض ... وبنتعرف على بعض ... وبنفيد بعض .. وبنتسلة مع بعض ... وكلكم ناس محترمين والله ...

اتفق معاك فيما قلته فيما عدا انه انا استاذ دكتور فانا لست كذلك
ياريت نتبادل المعلومات والخبرة كما قال الاستاذ ايهاب بارك الله فيه فنريد من حضرتك تعرفنا تفاصيل ما توصلت اليه والاسماء والعنوان ......الخ
بالمناسبة انا ركبت خلاص الدى فى دى وحساسات الركن ووحدة الرفع وان شاء الله اجهز ليهم موضوع منفصل ان شاء الله

**ehabpopo** · 26-09-2011 08:53 AM

المشاركة الأصلية كتبت بواسطة lonedoctor

اتفق معاك فيما قلته فيما عدا انه انا استاذ دكتور فانا لست كذلك
ياريت نتبادل المعلومات والخبرة كما قال الاستاذ ايهاب بارك الله فيه فنريد من حضرتك تعرفنا تفاصيل ما توصلت اليه والاسماء والعنوان ......الخ
بالمناسبة انا ركبت خلاص الدى فى دى وحساسات الركن ووحدة الرفع وان شاء الله اجهز ليهم موضوع منفصل ان شاء الله

فى انتظار الموضوع يا دكتور .... بالصور ... وبالتفاصيل المميتة ... وبالاسعار .... والف الف مبروك التركيب .. ويا رب تكون راضى على الحاجات الجديدة والجميلة اللى انت ركبتها فى العربية ....

**topgun12** · 26-09-2011 01:43 PM

يا جماعة الموضوع انى لما ركبت التيل ركبتة فى شارع دمشق فى مصر الجديدة الشارع دة الميكانيكية مرميين فية بالهبل امام محلات قطع غيار السيارات بالعدد الخاصة بهم يعنى بيعملوا مصلحة حلوة من وجودهم امام محلات قطع الغيار لدرجة انك ممكن تفك موتور عندهم امام المحل اللى اشترت منة قطعة الغيار وعلى فكرة هما عندهم ورشهم الخاصة فى الحرفيين بس زيادة الخير خيريين وعلى فكرة شطار جدا وبيشتغلو حتى فى العربيات الحديثة مثل المرسيدس وانا شوفت اكتر من مرسيدس متوقفة بتغير حاجات المهم انا غيرت التيل عندهم امام المحل اللى اشتريت منة فى ربع ساعة اما المساعدين فغيرتهم عند اميل اللى كان شغال فى التوكيل فى الشرابية فى شارع اسمة الشركات فى الشرابية ونمرتة اتصل بية من عند قسم الشرابية وهو حيجى ياخذك انمرة 0119099309 واى خدمة يا جماعة

**kokyjoon** · 26-09-2011 10:03 PM

أنا أعرف إن المساعدين فى موديل من التيوتا كرولا بيركب عندنا لأن زميل لى ركبهم فى الحرفيين فى مصر
وللعلم زميلى أبلغنى إنه مالقاش فرق كبير بينهم وبين اللى كانو فى العربية