لو سمحتوا لكل مالكي هوندا سيفك 2007 و2008 ارجو الدخول

**rai_uno1** · 15-05-2008 02:56 AM

السلام عليكم جميعا

يا جماعة انا اشتريت هوندا سيفك موديل 2007 استلام شهر 12

ماشية 17 الف كيلو العربية ماتور وعفشه وكل الحمدلله تعتبر زيرو الاستبن لسه مش لمس الارض بس هي كانت بتاعت واحد عنده بزار في العردقة فكان مقضيها سفريات علشان كده ممكن يكون العداد عالي بس هي الحمدلله زيرو

انا بقي عاوز اعرف من حضراتكم التالي

انا مش سوقت الاوتوماتيك كتيير انا لمي بمشي واروح مسرع مرة واحدة العداد بتاع rmp بيروع عالي مرة واحدة وبعد كده بينزل علي طول بمجرد ما العربية تاخد سرعتها وفي اوقات بحس انها بتتسارع يسرعة علشان تحقق السرعة اللي انا عاوزه هل ده طبيعي

هل العربية فيها كمبيوتر رحلات يعني بعرف عاوزه صيانه وقتيه لما حاجة تكون تالفه في العربية بينبهني في العداد ولا ايه طب ايه هي الحاجات اللي هو بينبهني عنها

وهل الكومبيوتر ده ممكن يحسب فيه كاام لتر بنزين ويقولي العربية تمشيني كام ولا لمبة بتنور وخلاص لما البنزين يقرب يخلص

يعني يا جماعة ياريت واكون بجد مشكور لحضراتكم تقولوا ليه اتعامل معها ازاي وعاوز اعرف كل حاجة عنها والزرار اللي هو جمب تعليت النور وتوطيتها بيعمل ايه
وانا بجد محتاج ليكم علشان انا بعشق هوندا سيفيك عاوز يكون استخدامي بناء عن تجارب حضراتكم وشكرا لكم يا اغلي منتدي واغلي اعضاء

**rai_uno1** · 15-05-2008 03:25 AM

وبرضه يا جماعة لو سمحتوا عاوز اعرف اعمل ايه ووقتيه ادخل علي 1 ووقتيه ادخل علي 2 وققتيه ادخل علي d3 لاني سمعت كلام كتيير هنا في المنتدي بخصوص الموضوع ده وانا اللي بعمله لما بكون طالع الصبح هي بتكون علي p بروح جايبها علي n علي ما تسخن شويه وبعد كده اسوق علي d ومش بعمل حاجة غير كده

علي ده صح ولا ايه انا عاوز اتمتع بالعربية وفي نفس الوقت مش اتعبها

ياريت يا جماعة تفيدوني ومشطور للجميع تحياتي

**Ahmed Hassan** · 15-05-2008 01:34 PM

بالنسبه لموضوع التسارع.... الموتور بيعلى لأنك بتدوس بنزين جامد.. فالعربيه بتعمل Kick دو Down يعني بتشد... و ده شيء مقصود في حاله انك مثلا بتتجاوز العربيه اللي قدامك في طريق سفر مثلا. لكن لو عايز تزيد السرعه من غير استعجال دوس بنزين بالتدريج.. هتلاقي العربيه بتتسارع بس من غير ما الموتور يعلى فجأه.

ممكن تدور و تسخن العربيه علىn او P مش مشكله. المهمتكون دايس فراملو انت بتحرك الفتيس و العربيه واقفه.

انت مش محتاج غير نقله لـ D علشان تسوق العربيه.

بالنسبه لكمبيوتر الرحلات معرفش بصراحه العربيه فيها واحد ولا لأ... ان شاء الله احد الملاك يجاوبك.

**Hassan** · 17-05-2008 12:27 AM

لا يوجد كومبيوتر رحلات و لكن يوجد قياسان للمسافات

**qwertyqwerty** · 17-05-2008 12:46 AM

ربنا يبارك لك فيها.
عادى ان الاوتوماتيك يستجيب لضغط الدواسة ولا يوجد مشكلة من واقع خيرتى فى الاوتوماتيك.
ولكن لو تسمح ما هو تقييمك للسيارة هل هى واطية فعلا فى المطبات.
وهل كسر الزويرو بتاعها والمستعمل بتخسر فيه مبلغ كبير فى حالة الشراء جديدة.
نرجو الافادة لان السيارة عجبانى ومحتار بينها وبين الكورولا
مع الشكر

**tksy1260** · 17-05-2008 11:22 PM

بعد أن امتلكت السيفيك منذ حوالي الشهر جبيت أجرب مجموعة مطبات معينة كنت قد اختبرتها في السيينا
فوجدت أن السيفيك لا تحك في هذه المطبات مثب السيينا والسيارة بصفة عامة أكثر من رائعة وفي رأيي أفضل من الكورولا
وشكرا

**tksy1260** · 18-05-2008 09:17 PM

سأجاوبك عن الـ D3 فقيل لي في الفطيم بالإسكندرية أن استخدامه يكون وانت طالع مطلع من حالة السكون كما في الخروج من الجراج مثلا خاصة وإذا كنت بتجر مقطورة وهذا مكتوب أيضا في كتالوج السيارة أما السير العادي فتحرك عصا السرعة علي الـ D فقط مع الضغط علي الفرامل وتتركها واستمتع بقيادتها بدون استخدامها - عصا السرعة - مرة أخري.