العربية جواها عرسة

**m0hsen** · 25-09-2011 10:35 PM

انا امبارح فتحت العربية لقيت الدنيا متبهدلة خالص وريحة زى الزفت وتخنق ريحة كريهة جدا فعرفت ان العربية جواها عرسة روحت مشوار المهندسين من حدائق القبة وانا ماشى سمعت صوت سريخ قولت متهيألى سمعتها تانى وتالت واخواتى سمعوها معا
لما وصلت روحت عند سروجى فكلى الكرسى بتاع السواق وبص جوة العربية مالاقاش حاجة خالص ووديت العربية بنزينه وغسلتها بره وجوه وكله تمام التمام وهاروح
وانا راجع شنطة العربية فيها جردل فيه ازايز سمعت صوت تخبيط فى الازايز قولت يمكن من الطريق بس لاقيت وانا ماشى على طريق متسفلت وكويس نفس الصوت فقلت يبقى العرسة
النهاردة الصبح بفتح العربية لاقيتها عاملة على الدواسات ومغرقة الدنيا والمفاجأه لقيت ورا على الكنبة عرف بتاع فرخة شيلته بالمنديل لقيته سخن الظاهر كانت لسه مموته الفرخة تقريبا وريحه استغفر الله العظيم طبعا قمت مغطى العربية ومارضتش امشى بيها بالريحة دى
لما جيت من الشغل النهاردة الساعة 11 الظهر لقيت بردو العرسة مبهدلة الدنيا (الظاهر كانت واكلة وشاربة كويس) مغرقة الدنيا روث بتاعها
جيت فكيت الفبر اللى عند الولاعة واللى ورها اللى عند الهاند مالاقيتش فى مكان تدخل منه والله قعدت ادور فى العربية اكتر من 3 ساعات وبفتح الشنطة وشيلت الاستبن لقيت فى فتحه فى العربية بس مافهاش الطبة بتاعتها قمت ساددها كويس جدا بورق مع العلم ان الشنطة ماكانش فيها اى اثار تدل على ان فى عرسة فى الشنطة
السؤال انا لحد دلوقتى ماعرفش هى بتدخل وتخرج منين السؤال بقى هل هى ممكن تخش من الفتحة دى بالرغم من ان كاوتش الاستبن فوقيها علطول ولو افترضنا جدلا ودخلت هل تقدر من الشنطة تخش العربية
اسف للاطالة بس والله مش عارف اعمل ايه الموضوع ده مابيخلنيش انام

تم تغيير العنوان ليتماشى مع المحتوى
يرجى مراجعة قواعد المنتدى

مشرف القسم

**Hany A Fattah** · 25-09-2011 10:39 PM

بتدخل من هواية الشنطه راجع عليهم هاتلاقي واحدة منهم مكسوره

**popahly** · 26-09-2011 12:18 AM

هتلاقيها فى جنبين الشنطة عملين زى الشيش كدا بس على صغير طبعاً عبارة عن فبر، وبص برضوا فى الطبب اللى جوة الشنطة وتحت اللإستبن

**blazer** · 26-09-2011 12:44 AM

بجد كان الله فى عونك
حاجه قذره وبشعه
انا لو مكانك هفك العربيه حته حته واسد كل خرم إبره فيها مهما كان صغير لان العرس دى بتقدر تشكل جسمها وتدخل فى اى مكان
واحط اى حاجه ريحتها نفاذه عشان تطردها وطبعا لاازم تغسل العربيه غسله محترمه بمطهر عشان الامراض اللى بتتنقل منها بتكون خطيره
هل ممكن تدخل من تحت الدركسيون او من هوايه تكييف؟

**sala7** · 26-09-2011 01:31 AM

المشاركة الأصلية كتبت بواسطة razini89

بتدخل من هواية الشنطه راجع عليهم هاتلاقي واحدة منهم مكسوره

+11111111111
حصل معايا نفس القصة دي بس كانت قطه دخلت ولدت قطه صغيرة و خرجت كانت فبرة التهوية مكسورة من الاول فا كان ده المدخل و المخرج

مكان الهواية هتفك الفبرات اللي مبطنة الشنطة في الجزء الخاص بالفانوس يعني الفبرة اللي فيها الغطا اللي مداري لمبات الفانوس بتتشال بكامل و تشوف بقا وراها هتلاقي عى الجمب اليمين واحده و الناحية الشمال نفسها .

**m0hsen** · 26-09-2011 08:34 AM

انتوا تقصدوا الرفرفين اللى فى العربية من ورا بس من جوا يعنى فى الشنطة ؟

**m0hsen** · 26-09-2011 08:34 AM

المشاركة الأصلية كتبت بواسطة blazer

بجد كان الله فى عونك
حاجه قذره وبشعه
انا لو مكانك هفك العربيه حته حته واسد كل خرم إبره فيها مهما كان صغير لان العرس دى بتقدر تشكل جسمها وتدخل فى اى مكان
واحط اى حاجه ريحتها نفاذه عشان تطردها وطبعا لاازم تغسل العربيه غسله محترمه بمطهر عشان الامراض اللى بتتنقل منها بتكون خطيره
هل ممكن تدخل من تحت الدركسيون او من هوايه تكييف؟

والله مش عارف ياريت حد يقدر يفيدنا

**m0hsen** · 26-09-2011 08:37 AM

المشاركة الأصلية كتبت بواسطة sala7

+11111111111
حصل معايا نفس القصة دي بس كانت قطه دخلت ولدت قطه صغيرة و خرجت كانت فبرة التهوية مكسورة من الاول فا كان ده المدخل و المخرج

مكان الهواية هتفك الفبرات اللي مبطنة الشنطة في الجزء الخاص بالفانوس يعني الفبرة اللي فيها الغطا اللي مداري لمبات الفانوس بتتشال بكامل و تشوف بقا وراها هتلاقي عى الجمب اليمين واحده و الناحية الشمال نفسها .

ماشى انا فهمت حضرتك بس هو ايه اللى خلاها تخش هنا وتخش هنا منين ؟

**m0hsen** · 26-09-2011 09:18 AM

سؤال كمان متاسف
العرسة لو جوا الشنطة تخش العربية ازاى (على الكنبة وكرسى السواق والكرسى اللى جنب السواق وكدا
افيدونى

الموضوع: العربية جواها عرسة

LinkBack

أدوات الموضوع

عرض

-

-

-

المواضيع المتشابهه

احلى موقع لاحلى ناس حتشوف نيسان صنى الجديده بشكل ثلاثى الابعاد وكأنك جواها

المراية الجانبية المانيوال في حاجة جواها اتكسرت :(

اتفرج على الهوندات وكانك قاعد جواها

من ساعة ما الفردة اتخرمت وضعط الهوا جواها عالى على طول

خد جولة داخل الجين 2 و كأنك جواها و اتفرج عليها براحتك

الكلمات الدلالية لهذا الموضوع

المفضلات

المفضلات

ضوابط المشاركة