لاندكروزر و باجيرو العربيتين دول بشوفهم كتير مرخصين اوتوبيس خاص ..
ازاي بقى الموضوع ده ؟ و سعر العربية هيكون كام كده ؟
لأن الجمرك على الاوتوبيس 10% تقريبا ,,, بس لو ملاكي 135% يعني احنا بنتكلم في فرق كبير جدا في الفلوس لنفس العربية .
عرض للطباعة
لاندكروزر و باجيرو العربيتين دول بشوفهم كتير مرخصين اوتوبيس خاص ..
ازاي بقى الموضوع ده ؟ و سعر العربية هيكون كام كده ؟
لأن الجمرك على الاوتوبيس 10% تقريبا ,,, بس لو ملاكي 135% يعني احنا بنتكلم في فرق كبير جدا في الفلوس لنفس العربية .
بانتظار معلومات مفيدة في الموضوع ده
بص يا باشا، عشان ترخص اتوبيس خاص، لازم يبقي عندك شركة ويكون العربية 10 كراسي او اكتر، وطبعا اللي يسوق العربية لازم يبقي صاحب الشركة او سواق في الشركة، ولازم يبقي ليها خط سير وافلام تانية
ظˆط²ط§ط±ط© ط§ظ„ط¯ط§ط®ظ„ظٹط© - ط£ط³ط¦ظ„ط© ظˆط£ط¬ظˆط¨ط©?
معلش قصدي 7 راكب، واللي سايق لازم يكون معاه رخصة مهنية
رخصة مهنية مش متأكد منها
شركة
ليها بعض الأماكن الممنوع دخلوها زى الزمالك على ما أذكر أو شوارع معينة فيه.
واحد صاحبى معاه هامر h3 فى الإمارات و بيبيعها تشترى :)
شركة
ماشي بسيطة
ويكون العربية 10 كراسي ( بس في القانون مش متحدد عدد ركاب معين )
زي لاندكروزر كده أو باترول او باجيرو ماشي
اللي يسوق العربية لازم يبقي صاحب الشركة او سواق في الشركة
ماشي السواق موجود
ولازم يبقي ليها خط سير
ازاي دي بقى ؟ أوتوبيس خاص مالوش خط سير ....
من موقع المرور :
"""
اتوبيس خاص بنقل العاملين
يكون الترخيص للأتوبيس الخاص لنقل العاملين من محل سكنهم أو مكان تجمعهم إلى مقر العمل وللعودة منه ويحدد فى الترخيص خط الدائرة التي يعمل الأتوبيس فى نطاقها
ويجوز التصريح بنقل العاملين وعائلاتهم فى الرحلات أو فى الأغراض الترفيهية الأخرى داخل هذه الدائرة
كما يجوز بتصريح خاص من قسم المرور مجاوزة هذه الدائرة بناء على طلب صاحب الشأن مدة صلاحية رخصة التسيير
ويجوز الترخيص لكل صاحب عمل لديه عدد من العمال يتناسب وعدد ركاب الأتوبيس بتسيير أتوبيس خاص لنقل عامليه ولا يسمح لنقل غيرهم ولو بغير أجر
كما يجوز الترخيص لأى متعهد نقل بموجب عقد موثق بينه وبين صاحب عمل لديه عدد من العاملين يتناسب وعدد ركاب الأتوبيس بتسيير أتوبيس خاص لنقل هؤلاء العاملين ويكون الترخيص فى هذه الحالة لمدة العقد فقط ويلغى الترخيص فى حالة فسخ العقد قبل انتهاء مدته
""
على فكره لازم كمان يبقى زي الاتوبيسات الاجره مكتوب رقم العربيه على جوانبها وفي الخلف زي الاجره كدا
ايوة لازم تصريح خاص ولمده محدده للخروج بره خط السير ولازم سواق درجه ثالثه وشغلانه ملهاش معنى
جربت الموضوع ده فى عربيه كيا كرنفال فى الاول كنت باخد تصريح عموم الجمهوريه لمده 3 شهور ويجدد وبعديهاحصل القلق ايه فبقى التصريح لمده اسبوع على الاكثر علاوه على قرف المرور فى الترخيص لانك بتعامل معمله النقل والاتوبيس معامله غير اداميه اطلاقا وقد كان اول تجديد دفعنا الفرق وقلبنها ملاكى ويحنا نفسنا
هيا فكرة كويسة على سبيل التهرب من النصب على الشعب بتاع الجمارك و الضرايب و الحاجات دى
بس برضة القوانين دى إلى حاطيتها مش غبى برضة و أكيد قرفها أكتر من مميزاتها
موضوع جامد بس هسل كتير دا حتي نمر سياحه مش كده
بعد إذنك يا مستر/ احمد عبد المقصود ممكن اعرف بيانات اكتر عن. الهمر اللي مع صاحبك علشان لو موديل عالي وحاله كويسه
ممكن تنفعني هنا في الشرم ممكن رقم تليفونك وانا اكلم حضرتك؟