كنت عاوز الزق استيكر الكربون فايبر على الكبوت والاكصدامين لان فيهم خرابيش والعربية فبريكة برة فمش عاوز ارشها
عاوز اعرف هو ممنوع حتى لو كان بنفس لون العربية
عرض للطباعة
كنت عاوز الزق استيكر الكربون فايبر على الكبوت والاكصدامين لان فيهم خرابيش والعربية فبريكة برة فمش عاوز ارشها
عاوز اعرف هو ممنوع حتى لو كان بنفس لون العربية
+111111111111111111111111111111111111111111
المفروض ان اي ملصقات على جسم السيارة خاجيا يعتبر مخالف
ولكن اليومين دول الدنيا هيصة وكلوا مفيم ومكربن :)
بردوا مخالف !!
و اليومين دول المرور شادد على فكرة !!! و لما بيمسك حد ،، بتبقى غلاسة أوي !! مش زي زمان حتى ممكن تدفع قرشين للعسكري الي واقف في الكمين و هوا يقسم بعد كده مع باقي الشلة كلها !!
لا !! الكلام ده أتنسى !!
و نصيحة ،، هوا مخالف فبلاش !! ،، ممكن تلزق أستيكر نفس لون العربية ،، على الأكصدام كله ،، و الي يكلمك ،، قوله ده لونه الأصلي ،، و أثبت أني ملزق استيكر !!
بس دي عايزة صنايعي حريف أوي يعمله
شكراً يا سمسم
على فكرة انا كمان لاحظت ان شرطة المرور شدت اليومين دول فعلاً وبشكل يطمن جداً على فكرة
يعنى لو انت فى السليم هتلاقيهم بيقولولك مع السلامة يا فندم
انما لو مخالف يبقى هيطبق القانون بحذافيره
دا حتى امبارح لقيت لجنة وقبليها واقف امين معاه لاسلكى وعمال يقول للناس "البس الحزام بسرعة" شوفت الطيبة :)
وعلى فكرة مفيش عساكر توقفك فى الكمين كل التعامل بيبقى مع ظابط ورتبة كبيرة كمان
اتمنى انهم يفضلوا على كدا على طول
ويارب يمسكوا كل العربيات المسروقة
معلش سؤال هوا استيكلر الكربون دا في منه الوان ولا بيبقى اسود بس ؟
في منه ألوان بس أشهرهم الفضي والأسود
أنا شوفت درجة احمر بتاعة اللانس القرش وهيا بتتعمل كلها وكان شكلها شيك اوي
قبل الثورة يا سيدي الفاضل ،، كان في
كنت تلاقي الظابط قاعد في الونش و بيشرب الشاي ،، و العساكر واقفين و لما يلاقو حاجة مخالفة ،، تلاقيهم بيقولواك "بص دي مخالفة ،،و يلمحولك كده انك ممكن متدفعش المخافة"
و العسكري يحسسك ان الظابط مش حياخد باله ، بس أنت باظي العسكري بأي حاجة !!
و بعد ميخلص اليوم ، الظابط بالعساكر الي كانو واقفين ،، بيقتسموا الغلة !!
و حتى لو مرضتش تدفع رشوة ،، مصلحة ليهم بردوا ،، بينزل الظابط بجلالة قدرة ياخدك مخالفة !! :b4_388:
بس الصراحة دلوقتي مشفتش ولا مرة حاجة زي كده ،، بالعكس الكماين كلها تعامل بأحترام !!