الموضوع: سيدي الرجل .. بتعمل ايه لما بتركب المترو .....؟

المشاركة الأصلية كتبت بواسطة elhelwany188

اختى الكريمة
بالنسبة لمترو الانفاق مشروع ممتاز وحل مشكلة كبيرة فى المواصلات فعلا
بس المشكلة فى الستات من اللى بسمعه من الزملاء السيدات فى الشغل بزعل اوى
واحدة كانت حامل فى الشهور الاخيرة ركبت المترو فى السيدات طبعا علشان لوحدها مفيش حد كان عنده دم وقام وقاعدها غير ان فيه اثنين ستات كبار فى السن فى مقام والدتها كانوا ساندين عليها بتقلهم وقالتلهم وهما منفضين وبعديها تعبت وقعدت ثلات ايام فى البيت بعد الحادث ده والمشكلة ان معظم اللى قاعدين صغيرين وشباب والمفروض انهم هيبقى امهات المستقبل وقدوة لاولادهم
بعد كده كانت بتروح العربات العادية اول ما كانت بتخش من الباب كانت بتقعد حتى لو زحمة
بالنسبة ليا حصل موقف حلو جدا بصراحة كنت راكب من اول الخط الاول وبنزل فى جمال وكان المترو طبعا زحمة لقيت واحدة داخلة وعلى كتفها طفل قمت طبعا ومكنش فيه مكان الواحد اساسا يقف فيه وواقف ادامها لما جات المحطة بتاعتها لاقتيها بتنادى لبنت بتاع 20-25 سنة علشان تقعد مكانها
بصراحة من ساعت الموقف ده بقيت اخش المترو انام الا اذا كان فيه راجل مسن او سيدة مسنة ومعاه حد ابن او زوج مش لوحدها
وطبعا لكل قاعدة شواذ وكما تدين تدان بس الموقف بصراحة ماكنش حلو

نفس الموقف بالظبط اللى حصل معايا ، دول تقريباً بينسقوا مع بعض
طبعاً أنا ببقى هتجنن ، ولكن بفسر ده بأن الشخصية دى بتكون فى منتهى الغباوة فى كل حاجة حتى مع أهلها وأولادها وزملائها ... حاجة تغيظ جداً
وفعلاً زوجتى كانت بتركب عربية الستات حتى وأنا معاها وأنا أركب لوحدى عربية الرجالة ، حكت روايات عن اللى بيحصل فى عربية الستات وأنهم لو ماتت قداهم ماحدش بيرضى يقوم ، كانت بتعيط أنها تيجى تركب معايا فى عربية الرجالة وفى الآخر أقتنعت وبقيت أركبها معايا عربية الرجالة !!
فعلاً الرجالة أكثر رحمة من الستات !! طبعاً مش كلهم !! ههههههه

أعتقد إن أصح حل إن السيدات يركبوا عربية السيدات ده أكثر حفاظا عليهن
أما إن لم تتاح الفرصة (وأعتقد إن الحالة الوحيدة هي سيدة كبيرة في السن ومعها مرافق رجل يسندها وأكرر رجل وليس إمرأه لأن لو معاها إمرأه يبقى تركب في عربية السيدات) فلا مانع من أن يقوم لها أحد الجالسين
غير كده يبقى وقفت أو موقفتش دي حاجه ترجعلي ومافيش علي أي لوم

المشاركة الأصلية كتبت بواسطة sama_sama

أعتقد إن أصح حل إن السيدات يركبوا عربية السيدات ده أكثر حفاظا عليهن
أما إن لم تتاح الفرصة (وأعتقد إن الحالة الوحيدة هي سيدة كبيرة في السن ومعها مرافق رجل يسندها وأكرر رجل وليس إمرأه لأن لو معاها إمرأه يبقى تركب في عربية السيدات) فلا مانع من أن يقوم لها أحد الجالسين
غير كده يبقى وقفت أو موقفتش دي حاجه ترجعلي ومافيش علي أي لوم

+1

الكحكة في إيد اليتيم عجبة

بالمناسبة مش كل اللي ميقومش للكبار غلطان
أنا زمان كنت برجع من ماتش الكورة مش قادر اقف على رجلي وبركب المترو
فـلو لقيت مكان اقعد واللهِ ما أنا قايم

والله انا منساش موقف
انا كنت قاعدة وحامل في الشهور الاولى ومايعلم بحالي إلا ربنا
ودخل رجل مسن رجلاه مش شايلاه بمعنى الكلمة ومحدش عبره مع ان معظم الراكبين شباب وانا اللي قمت للراجل
وموقف تاني برده كنت حامل وواقفة والله العظيم وصلت لدرجة اني مش قادرة افرد طولي وانا واقفة وبدأت قوتي تنهار وركبي تتني وبنزل للارض
والله اللي قام لي ساعتها وقعدني مكانه كان نازل في المحطة
اتعقدت من المواصلات العامة وكرهتها وصممت اتعلم السواقة عشان اترحم
لكن قصاد الموقف ده في عشرات المواقف الايجابية