سيدي الرجل .. بتعمل ايه لما بتركب المترو .....؟

**alaasaid** · 26-09-2011 04:50 PM

أنا لو كنت محظوظ و لقيت مكان بقوم فورا لو كان راجل أو سيدة مسنة أو سيدة حامل و غالبا بشترى دماغى و أفضل واقف حتى لو فى مكان فاضى بدل ما كل شوية أقوم و أقعد

**م/مصطفى محمود** · 26-09-2011 05:56 PM

مبركبهوش للسبب ده ، لأن غالبا ببقى تعبان جدا وعايز أقعد ، وطبيعي المترو زحمة ومش هلاقي مكان ، وطبيعي لو لقيت مكان هقوم وأقعد حد مكاني (راجل كبير سيدة واحد تعبان لازم بقوم معرفش لية) ، بالإضافة إني مبحبش الكتمة (تلاقي الناس كلها قاعدة تبص على بعض ومتعرفشي تقلب الصفحة بتاعة الكتاب علشان اللى جمبك لسة مخلصهاش :d ، بجد بحس إني داخل مأتم )

علشان كده مبركبهوش غير فى الشديد القوي وفى وقت يكون فاضي ، غير كده ميكروباصات حتى لو هركب 5 مكروباصات أفضل من المترو

**shiko85** · 26-09-2011 06:40 PM

المشاركة الأصلية كتبت بواسطة م/مصطفى محمود

ومتعرفشي تقلب الصفحة بتاعة الكتاب علشان اللى جمبك لسة مخلصهاش :d

ههههههههه

**rouzy** · 26-09-2011 06:57 PM

انا ركبت المترو مرة واحدة فى حياتى كلهااااااااا
كنت انا وصاحبتى واخوها كان جاى معانا عشان مانبقاش لوحدنا المترو كان زحمة اوووووووى
هى طبعا كانت واقفة ماسكة ايد اخواها وساندة عليه وانا واقفة كدة ومش عارفة اتوازن خالص لان الموضوع بالنسبالى جديد كلياااااا وكنت هقع اكتر من اربع مرات والناس كلها كانت عمالة تخبط فيا وده خنقنى اوى وعيطت جاااااامد غصب عنى لقيتنى بعيط اوى ومش قادرة مااعيطش وكنت فرجة المترو كله ساعتها
ومن يومها حلفت ماانا راكبة مترو تانى ابدااااااااااااا ... مع انى كان نفسى اركبه

**r0xer** · 26-09-2011 07:01 PM

اصلا ليه الراجل يقوم للست يعني مش فاهم؟ ليه الست متقومش للراجل؟ مين اخترع الموضوع دا؟

لو ست كبيرة او راجل كبير فهما متساويين عندي زيهم زي بعض...انما اقف لست لو هركب مترو؟ ليه ان شاء الله وهي اتكسحت يعني؟ ما زيها زينا!

**م/مصطفى محمود** · 26-09-2011 07:57 PM

لو ست كبيرة او راجل كبير فهما متساويين عندي زيهم زي بعض...انما اقف لست لو هركب مترو؟ ليه ان شاء الله وهي اتكسحت يعني؟ ما زيها زينا!

يعني لو إنت مع أختك وركبت عربية الرجالة ومفيش غير كرسي واحد ، هتقعد أنت ولا هتقعدها هي ولا هتقعد أنت نص المسافة وهي النص التاني ؟؟؟؟؟

شوف هتعمل أية وقيس علية تصرفك مع أى أخت تانية تركب بس مش من نفس الأب والأم :d

**human** · 26-09-2011 08:05 PM

عذاب عشان ديما ببقى واقف و لما اقعد لازم اقعد حد مكانى

و بطلت اركبه و مش بحب اركب مواصلات و مش بحب الزحمه و يا ريت اجيب سواق

**yoko** · 26-09-2011 08:20 PM

أنا من قرفي من زحمة المترو ومن الناس الي تفضل تبص عليك وتحسسك إنك متراقب طول الوقت بطلت اركبه وبقضيها أي وسيله تانيه
أما انا بعمل إيه لو فيا صحة ولقيت واحده واقفه بقعدها مكاني خصوصا لو كبيره او معاها عيل
أوقات بعمل عبيط لما بكون تعبان ومش قادر أقف خصوصا إني كنت بركب 32 محطة ولما بقوم لحد باخدهم كلهم واقف وبعدهم ميني باص واقف برده غالبا والحكايه دي بتاخد ساعة ونص فيا أعمل أهبل يا أموت من الوجع

**r0xer** · 26-09-2011 08:34 PM

المشاركة الأصلية كتبت بواسطة م/مصطفى محمود

يعني لو إنت مع أختك وركبت عربية الرجالة ومفيش غير كرسي واحد ، هتقعد أنت ولا هتقعدها هي ولا هتقعد أنت نص المسافة وهي النص التاني ؟؟؟؟؟

شوف هتعمل أية وقيس علية تصرفك مع أى أخت تانية تركب بس مش من نفس الأب والأم :d

لما اركب اختي وسط الرجالة يبقى اكيد في حاجة غلط!! اكيد هركبها هي في عربية السيدات واحنا عارفين نازلين محطة ايه ونتقابل لما ننزل.

ولكن لو حصل وكان في اضطرار لذلك، فأختي اولى انها تقعد لانها "اختي" و من لحمي ودمي و مش هتهون عليا تقف في وسط الزحمة والقرف.

انما واحدة معرفهاش هساويها بأختي؟ تفتكر دا منطق ؟ :d اي واحدة متعرفهاش تتساوى بأخت حضرتك؟

مثال لا يصح في رأي....

وبعدين دستوريا المفروض انهم سواسية امام القانون زينا وبالتالي موضوع عربية مخصوص ليهم دا غير دستوري ومعرفش مين اللي بيألف وعمله؟ ياما يعملو عربيات رجالة فقط وعربات سيدات فقط ياما يبقى كله مشترك ومفيش حاجة اسمها عربية سيدات...

وبعدين الستات بتعتبر ان لازم الراجل يقفلها وكأنه حق مشروع..بأي حق يعني مش فاهم؟ لو الراجل الجنتلة قاتلاه وقاملها يبقى كتر خيره ولو مقاملهاش يبقى هو حر وحقه ونص وتلات أربع.

حتى الناس الكبيرة في السن و العجوزة والمريضة ليهم مكان في المترو اصلا، المفروض محدش يقعد فيه لو في واحد كبير واقف...يعني حتى دول حقهم محفوظ.

انما اللي بيحصل دا نوع من التمييز ضد الرجالة، كان نفسي اقول الكلمتين دول من زمان لكن مكنتش لاقي مناسبة..ميرسي للي فتحت الموضوع دا :)

-

الموضوع: سيدي الرجل .. بتعمل ايه لما بتركب المترو .....؟

LinkBack

أدوات الموضوع

عرض

-

-

-

-

-

-

المواضيع المتشابهه

تعالي قولنا بتعمل ايه قبل ماتركب المترو

حدث في المترو

كيف يسعد الرجل المرأة .. وتسعد المرأة الرجل ..!

الكلمات الدلالية لهذا الموضوع

المفضلات

المفضلات

ضوابط المشاركة