الموضوع: سيدي الرجل .. بتعمل ايه لما بتركب المترو .....؟

انهاردة ركبت المترو

قعدت اتأمل مع نفسي وسرحت

عادة لما باركبه باركب عربة السيدات واقول ستات في بعض

بس ساعات باضطر اركب العربة المشتركة
احاول ما ابصش على حد علشان لو في حد اعرفه ما احرجوش ويضطر يقعدني

لكن
باسرح في نوعيات البشر



رجل اول ما يلاقي بنت او سيدة سواء عادية او مسنة او حامل طلعت وهوا قاعد يكون تصرفه كالاتي


*يدور وشه الناحية التانية ويعمل نفسه مش شايفها

*يغمض عينه ويعمل نفسه نايم

*يتنح ولا كأنه شاف حاجة ويقول في سره هوا انتوا مش ليكوا عربية ايه اللي بيجيبكوا هنا تزاحمونا جتكوا القرف ما تقعدوا في بيوتكوا

*الموضوع مش في دماغه اصلا ومش بيفكر فيه وقاعد مع نفسه او في ايده حاجة بيقراها

*ممكن تكون بنت حلوة يقعد يجيبها من ساسها لراسها

*ممكن يفضل باصصلها لو بصتله يقول لها تعالي اقعدي لو ما بصتش خلاص

*واحد دمه حامي وما يستحملش اي بنت او ست واقفة وهوا قاعد

* راجل بيبقى واقف وهيموت ويقعد واول ما يلاقي كرسي فضي اخر المترو يجري يقعد واول ما يفضى مكان تلاقيه يجري عليه هوا وواحدة ست وطبعا هوا اللي بيقعد على اساس طبعا ان دة حقه وهما ليهم عربية مخصصة ليهم

اكيد في نوعيات تانية انا نسيت اعرضها

طبعا الغالبية بيركبوا عربيات
بس ما يمنعش انهم ممكن يركبوه

يا ترى انت انهي نوع فيهم

المشاركة الأصلية كتبت بواسطة elhelwany188

اختى الكريمة
بالنسبة لمترو الانفاق مشروع ممتاز وحل مشكلة كبيرة فى المواصلات فعلا
بس المشكلة فى الستات من اللى بسمعه من الزملاء السيدات فى الشغل بزعل اوى
واحدة كانت حامل فى الشهور الاخيرة ركبت المترو فى السيدات طبعا علشان لوحدها مفيش حد كان عنده دم وقام وقاعدها غير ان فيه اثنين ستات كبار فى السن فى مقام والدتها كانوا ساندين عليها بتقلهم وقالتلهم وهما منفضين وبعديها تعبت وقعدت ثلات ايام فى البيت بعد الحادث ده والمشكلة ان معظم اللى قاعدين صغيرين وشباب والمفروض انهم هيبقى امهات المستقبل وقدوة لاولادهم
بعد كده كانت بتروح العربات العادية اول ما كانت بتخش من الباب كانت بتقعد حتى لو زحمة
بالنسبة ليا حصل موقف حلو جدا بصراحة كنت راكب من اول الخط الاول وبنزل فى جمال وكان المترو طبعا زحمة لقيت واحدة داخلة وعلى كتفها طفل قمت طبعا ومكنش فيه مكان الواحد اساسا يقف فيه وواقف ادامها لما جات المحطة بتاعتها لاقتيها بتنادى لبنت بتاع 20-25 سنة علشان تقعد مكانها
بصراحة من ساعت الموقف ده بقيت اخش المترو انام الا اذا كان فيه راجل مسن او سيدة مسنة ومعاه حد ابن او زوج مش لوحدها
وطبعا لكل قاعدة شواذ وكما تدين تدان بس الموقف بصراحة ماكنش حلو

موقف رخم قوى