التكييف مش بيجيب هواء ساقع

**shaddadfalcon1** · 26-09-2011 01:47 PM

انا عملت التكييف يوم السبت بس كان في حاجه غريبه هي ان المروحه والكمبروسير مش بيلقط ولعب شويه في الفيوزات والدينا اتظبططت واشتغل فل

النهارده وانا ماشي علي الصحرواي كان معقول وانا مشغله علي التاني بس لما دخلت علي القاهره حسيت ان مفيش تكييف
مفيش هواء خالص طالع من الهوايات بتاعات التكييف بس شوية الهواء اللي طالعين ساقعين قوي وفي صوت عالي لصوت مروحه اللي هي تقريبا قدام الكرسي اللي جنب السواق وجبت سرعه المروحه علي الرابع ومفيش هواء خالص طالع

هل ممكن تكون المروحه فصلت ولا ايه النظام؟

ومكن اعملها بنفسي ولا لازم اروح لكهربائي؟

**tarek_2005** · 26-09-2011 02:09 PM

من كلامك كدا المروحة دخلها ورقة شجر او اي شيء اخر اعاق حركتها فك الثلاث مسامير بتوعها ونظف ريشة المروحة جيدا وجرب المروحة بدون تركيبها في مكانها مع الحزر واحكام امساك الموتور بتاعها

**shaddadfalcon1** · 26-09-2011 03:02 PM

متشكر جدا للرد
بس هل ممكن يكون العيب في الفيوزات مثلا؟ اصل مكنش في اي شجر ده انا جي صحراوي

بتاع التكييف لما كان التكييف مش بيلقط قالي تقريبا ممكن تكون الكتاوت بس بعدها اشتغل وانا كنت عايز اعدي عليا لكهربائي يبص عليها قالي مش لازم هي كده شكلها اتظبطت

**tarek_2005** · 26-09-2011 03:39 PM

صعب يكون فيوز المروحة لان الي انتا مش واخد بالك منه ان المروحة لها فيوزان واحد في علبة الفيوزات اتلي في الكبوت ودي مختصة بالسرعة الرابعة فقط وواحد في علبة الفيوزات الي في الكابينة ودا مختص بالثلاث سرعات الاولي وصعب ان الاثنين يتحرقوا في وقت واحد الا اذا (( حدث احتراق لموتور المروحة او وقفت الريشة بتاعة المروحة وجربت تشغل كل السرعات )) وانا اعتقد ان في شيئ وقف ريشة المروحة ومش هتخصر حاجة دول ثلاث مسامير اسفل التابلوه تحت رجل الجالس بجوارك هتفكهم المروحة هتنزل في ايدك وتطمن علي الريش بتاعتها
ممكن لاقدر الله تكون ريشة المروحة ذات نفسها اتكسر منها ريشة وهيا الي مزرجنة حركة المروحة بص بعينك الاول وهما ثلاث مسامير

**shaddadfalcon1** · 26-09-2011 04:23 PM

انا كنت فاكر حضرتك بتتكلم علي المروحه اللي قدام

المروحه اللي تحت رجل السائق غالبا شغاله لاني سامع صوتها ولما بجيب السرعه الرابعه صوتها بيعلي وده اللي بيعيظني اني سامع صوت هواء كتيير بس مفيش حاجه

ده غير ان فني التكييف اصلا حلها وركبها تاني لما كان بيشحن

هل لو بايظه هتطلع صوت كده؟

المروحه اللي في صدر العربيه مكنتش بتشتغل اصلا لما بتاع التكييف حاول في الأول وقام موصل بنزه شكلها غريب كده في الفيوزات قام المروحه شغاله والكمبيروسر لاقط وسمعت صوت التكه بتاعته

دلوقتي بيتهيالي اني مش بسمع الصوت ده علي الأقل وانا ماشي
ده اللي انا خايف منه

**tarek_2005** · 27-09-2011 12:45 PM

انتا قولت مفيش هوا طالع خالص وده معناه ان البلاور مش شغال وانتا بردوا قلت البلاور شغال يبقي مفتاح توجيه الهواء عندك موجه علي الزجاج الامامي وانتا قافل فتحات التهوية الامامية بالتابلوه راجع علي مفتاح توجيه الهواء وعلي الواير بتاعه ليكون مقطوع
المروحة الخارجية حتي لو لم تعمل والكباس شغال هيبقي في تبريد في المقصورة مع ارتفاع في درجة حرارة المحرك وضعف كفائة التبريد داخل المقصورة

**shaddadfalcon1** · 27-09-2011 02:11 PM

البارح لما دورت العربيه شغلت المروحه بس من غير زرار التكييف لقيتها جايبه هواء كتيير يعني شغاله حلو
شعلت التكييف لقيتها برده جايبه هوا قمت طافيهم الاتنين وقلت جايز بقي مشكلة الفيوزات فعلا