برجاء المساعده ديسك واسطوانه ميتسوبيشي space star

[gdwl] [/gdwl][gdwl][/gdwl][gdwl][/gdwl][gdwl][/gdwl]
[gdwl]

بسم الله الرحمن الرحيم

ف بدايه الموضوع اشتريت عربيه ميتسوبيشى اسمها space star العربيه زى الفل و تمام اوى بجد هى موديل 2000 و دى صور للموديل

http://www.auto-types.com/images/mit...Star_1_c74.jpg

http://www.auto-types.com/images/mit...Star_2_8a6.jpg

http://www.auto-types.com/images/mit...Star_3_75b.jpg
http://www.auto-types.com/images/mit...Star_4_f15.jpg

العربيه 1300cc المكنه دى سحبها ممتاز بجيب بيها 190 ع الطريق و الار بى ام على 5 وموفره جدا ف البنزين و عفشتها ماسكه نفسها استيبل ما شاء الله بقالها معيا سنتين مغيرتش الا البوجيهات بس الحمد لله بس حصل مشكله ان الديسك و الاسطوانه بتاعا بدا يعطل يعنى ابقى جايب التانى و دايس بنزين الاقى الار بى ام بيعلى و العربيه مش ماشيه و بعدين تلقط بعديها رحت اغير الديسك و الاسطوانه ملقتش زيهم لفيت الدنيا مش لاقى حتى توكيل ميتوبيشى ميعرفش عنها اى حاجه ممكن حد يساعدنى من جبراء المنتدى لو سمحتوا

[/gdwl]

تم تعديل العنوان بواسطتي مشرف القسم

السلام عليكم
انا معنديش خبرة كبيرة فى الموضوع ده , بس كان الميكانيكى قالى اروح لواحد يستبدل الحشو و يوفقلى ديسك و اسطوانة زى الى معايا ... بس انا الكلام معجبنيش و قلت اجيب الجديد احسن

اقتباس:

---

المشاركة الأصلية كتبت بواسطة ahmed_eng2001

السلام عليكم
انا معنديش خبرة كبيرة فى الموضوع ده , بس كان الميكانيكى قالى اروح لواحد يستبدل الحشو و يوفقلى ديسك و اسطوانة زى الى معايا ... بس انا الكلام معجبنيش و قلت اجيب الجديد احسن

---

الف الف شكر لمرورك بس المشكله انى مش لاقلا جديد خالص ولا حتى مستعمل و العربيه احتمال تقطع خالص وانا مقدرش استغنى عنها يا ريت حد يساعدنى

السلام عليكم

حضرتك سألت في الحرفيين؟؟؟
حضرتك سألت في بورسعيد؟؟؟
ممكن ان شاء الله تلاقيهم في مكان من دول
و ربنا يوفقك

اقتباس:

---

المشاركة الأصلية كتبت بواسطة basemsaeed

السلام عليكم

حضرتك سألت في الحرفيين؟؟؟
حضرتك سألت في بورسعيد؟؟؟
ممكن ان شاء الله تلاقيهم في مكان من دول
و ربنا يوفقك

---

انا من بورسعيد و قلبت الدنيا على العربيه مش لاقى شبها اصلا ولا لاقى ف الحرفين اى حاجه:majd(4)::majd(4):

طب حضرتك,,,حاولت تفك الديسك و الاسطوانة و تشوف
ممكن لانسر موديل 2000 او 2001 ,,تكون نفس الحاجة ؟؟!!!

اقتباس:

---

المشاركة الأصلية كتبت بواسطة basemsaeed

طب حضرتك,,,حاولت تفك الديسك و الاسطوانة و تشوف
ممكن لانسر موديل 2000 او 2001 ,,تكون نفس الحاجة ؟؟!!!

---

انا فعلا فكيته و لفيت بيه بس قلولى ان اللانسر مفيش منه مكن 1300 و ان الديسك و الاسطوانه دول صغيرين هبقى افكهم تانى و اصورهم عشان لو حد يعرف المقاس دى يقولى و متشكر لاهتمامك يا بيسوو:_Alshmokh22[1]:

انسب حل مؤقت علشان العربيه ماتعطلش فك الاسطوانه واملاها هاتفرق عن وضعها الحالى بس مش زى الاول طبعا لغايه لما تلاقى حاجاتها

اكتب لي رقم الشاسيه بالكامل زي ما هو محفور على بودي العربية مش الجزء المختصر في رخصة العربية (غالبا 17 حرف ورقم) وهاشوف على كتالوج قطع الغيار رقم الصنف للديسك والاسطوانة وابلغك بيهم ومحتمل يكونوا موجودين عندنا في شركة مصرية

اقتباس:

---

المشاركة الأصلية كتبت بواسطة مصراوي جدا

اكتب لي رقم الشاسيه بالكامل زي ما هو محفور على بودي العربية مش الجزء المختصر في رخصة العربية (غالبا 17 حرف ورقم) وهاشوف على كتالوج قطع الغيار رقم الصنف للديسك والاسطوانة وابلغك بيهم ومحتمل يكونوا موجودين عندنا في شركة مصرية

---

ماشى يا هندسه انا هجيبلك الرقم وياريت بجد الاقيه عندكم و تبقى مشكور افضالك بجد

اقتباس:

---

المشاركة الأصلية كتبت بواسطة momo_egy

انا فعلا فكيته و لفيت بيه بس قلولى ان اللانسر مفيش منه مكن 1300 و ان الديسك و الاسطوانه دول صغيرين هبقى افكهم تانى و اصورهم عشان لو حد يعرف المقاس دى يقولى و متشكر لاهتمامك يا بيسوو:_alshmokh22[1]:

---

الشكر لله
انا مستغرب!!
اللانسر مفيش منه مكن 1300 سي سي؟؟؟!!!!!!
اومال المكواه كام و الكريستالة كام؟؟!!!!

ان شاء الله هتلاقيه راكب على كذا عربيه ميتسوبيشى بس حضرتك مدورتش كويس
ياريت صوره للطقم اللى راكب عندك

يا جماااعه انا كمان عندي نفس المشكله وانا من بورسعيد بس انا مشكلتي كمان ان البليه بتاع الديسك خلاص جابت اخرها والعربيه واقفه وفكتهم برضو ومشلاقيهم خالص بجد انا موديل 99 ومكنة 1300 برضو ياريت فعلا حد يفدني انا كمان ويقولي اجيبهم منين ولو في القاهره لو حد يعرف اي محل هناك يدلني عليه ياريت لو الاخ اللي بيسأل عليهم وجابهم يقولي منين

اقتباس:

---

المشاركة الأصلية كتبت بواسطة lighting82

يا جماااعه انا كمان عندي نفس المشكله وانا من بورسعيد بس انا مشكلتي كمان ان البليه بتاع الديسك خلاص جابت اخرها والعربيه واقفه وفكتهم برضو ومشلاقيهم خالص بجد انا موديل 99 ومكنة 1300 برضو ياريت فعلا حد يفدني انا كمان ويقولي اجيبهم منين ولو في القاهره لو حد يعرف اي محل هناك يدلني عليه ياريت لو الاخ اللي بيسأل عليهم وجابهم يقولي منين

---

استاذي الفاضل..اكتب لي رقم الشاسيه بالكامل علشان احدد لك رقم الصنف من واقع كتالوج قطع غيار ميتسوبيشي علشان لما تدور عليه يبقى بتدور على الصنف الصح مش حاجه شبهه ولو مش موجود في مصر ولك حد مسافر في الخليج ممكن يدور هناك برقم الصنف

متشكر جدا اخي على ردك الكريم بس الحمد الله لاقيتو طلع صندوق التروس كلو بتاع رينو ميجان 2000 وطبعا الديسك والاطوانه والبليه بتوع رينو والكبالن كمان انا قولت برضو اعرفكو للعلم وشكرا جداا للاهتمام