السلام عليكم و رحمة الله و بركاته
عايز اركب فرش جلد للفيرنا بس مش عارف منين اجيب نوع كويس و سعر كويس و جودة كويسة
هى العربية لون اسود يا ترى ايه احسن لون فرش جلد شبابى يليق عليها ؟
و يا ريت اعرف الاماكن و متوسط الاسعار
و الله الموفق
السلام عليكم و رحمة الله و بركاته
عايز اركب فرش جلد للفيرنا بس مش عارف منين اجيب نوع كويس و سعر كويس و جودة كويسة
هى العربية لون اسود يا ترى ايه احسن لون فرش جلد شبابى يليق عليها ؟
و يا ريت اعرف الاماكن و متوسط الاسعار
و الله الموفق
يا ريت كمان يا شباب سعر الفرش الجلد للكراسى للاتوس برايم ، بكام و منين ؟
أنت عاوز تركب فرش ولا تعمل فرش عشان فى فرق بين الأتنين
عادة الفرش الجاهز بيبقى تركيبه مش قد كده ( يعنى ممكن تلاقى حتت متنية وحاجات زى كده ) و برضه بيعتمد على الفنى اللى بيركب و كمان اذا كان الفرش معمول لفيرنا ولا كذا موديل عربيات مختلفين
الجاهز بيكون فى حدود 400 أو 500
العمولة من مميزاته أنه بيتفصل على أد الكراسي بالظبط وبيطلع كأنه نازل فى العربية وممكن تنقى الخامات اللى أنت عاوزها بالظبط و ممكن كمان يكون 2 لون مش لون واحد
وهو اغلى من الجاهز بس فى رأيي أن خاماته أحسن كتير وبيكون فى حدود ال 700 أو 800
حدد انت عاوز أيه وأنا أقولك مين بيبيعها
فى نوعين يا أما كسوة
ويا أما تفصيل
لازم تحدد علاشان تفرق
فى سيبير كار وعندة جاهز ب 300 جنية وكويس قووووى
لو عايز جلد طبيعى يبقى دوس فى الحرفين ب 1200 جنية
دوس فى مصر الجديدة مش فلى الرحفين
الحرفين حربى
[quote]
فى سيبير كار وعندة جاهز ب 300 جنية وكويس قووووى
[/quote
معلش انا اصلى مستجد ، 300 ج للكراسى و الكنبة كلهم و للا للكرسى الواحد ؟
الفرش كلة الكرسين والكنبة
بص يا باشا انا ليسه مركب فرش جلد للفيرنا هو مش طبيعى بس مستورد وطالع تحفه لانى عملته رصاصى فاتح فى راصى غامىء وبجد طالع جامد علشان كمان العربيه لونها فضى والفنش بتاعه جامد وعملت فرش للارضيه والشنطهبس حاجه شياكه المهم ان انا عملته عند واحد فى بلد اسمها ميت غمر بس ايده تتلف فى حرير وانا عرفته بالصدفه لو حد حب يروح قولولى انا عايز ارفع صور الفرش بس مش عارف
التكلفه 500 بس وكمان نسيت اقول انو غسل العربيه كلها من جوه رجعها زيرو تانى
اسف للاطاله
شكرا اخوانى للافادة
انا عايز اشترى جاهز علشان التفصيل غالى قوى
هو سبير كار اللى فى مدينة نصر فين بالضبط و ايه اخبار الفرش اللى 300 اللى عنده
و لو حد عنده صور للفرش اللى ركبه يار يت يرفعها
و الله الموفق
انا ركبت فرش جلد من عند سبيركار نفس لون تابلوه الفيرنا ، شكله زى ما يكون بتاع العربيه اصلا و كان ب250 جنيه
انا مركب عند سبير كار و الفرش بقاله سنتين مفهوش قطع
عايز عنوان سبير كار اللى فى مدينة نصر
فين بالضبط
تفضل الويب سايت
www.sparecar.net
شكرا يا جماعة على مساعدتكم
الحمد الله ركبت الفرش عند سبير كار و طالع تحفه على العربية ما شاء الله
انا جبته جلد رمادى و قطيفة فى النص علشان الحر و الصيف و ما شاء الله التقفيل هايل و التركيب ممتاز و خلصته على 290 جم بالتركيب .
و ان شاء الله هحاول ارفع الصور قريب
شكرا للمساعدة .
مبروك على الفرش انت شجعتنى انى اروح ان شاء الله واركب كسوة ان شاء الله
السلا م عليكم
عايز فرش شيك لغر بية يارس حمرا لو سمحتو