محتار و مش عارف اخد قرار .. برجاء الافادة

**ashraffadel** · 26-09-2011 05:38 PM

انا في حيرة شديدة و مش عارف اقرر اشتري FRV-Cross ولا renault Sandero العربيتين قريبين في السعر ...
وامكانياتهم كويسة جدا ..

بس عاوز اشوف تجارب العربيات ايه سواء دي او دي مع حضراتكم

وشكرا مقدما ...

**sharl** · 26-09-2011 09:39 PM

نفس حيرتى بالظبط يا معلم انت خدت الكلام من على لسانى بس متهيألى البريليانس من ناحية الثبات و الامان تكسب صدقنى مشعارف انا محتار زيك ياريت حد يرد علينا عشان انا شوفت السانديرو حلوة و عالية و صالون واسع و برده frv cross كده + ايرباج + abs نسيب للاعضاء الرد و يريحونا من الحيرة دى

**ashraffadel** · 27-09-2011 12:00 AM

المشاركة الأصلية كتبت بواسطة sharl

نفس حيرتى بالظبط يا معلم انت خدت الكلام من على لسانى بس متهيألى البريليانس من ناحية الثبات و الامان تكسب صدقنى مشعارف انا محتار زيك ياريت حد يرد علينا عشان انا شوفت السانديرو حلوة و عالية و صالون واسع و برده frv cross كده + ايرباج + abs نسيب للاعضاء الرد و يريحونا من الحيرة دى

بص انا كنت ف معرض عربيات النهاردة .. ونصحني بالسانديرو عشان امكانياتها و توافر قطع الغيار و رخص ثمنها (نفس اللوجان عدا الفوانيس ) ... بالاضافة الي انه اخبرني ان الbrilliance عامة تعاني احيانا من مشاكل في الفرامل بالسيارة ..

**shiko_sla** · 27-09-2011 09:42 AM

السلام عليكم
على فكرة انا اشتريت بريليانس fsv من شهر 8 /2010 من شركة عربيات و كنت عايز اجيب فيرنا او لوجان و نصحنى ساعتها بالبريليانس ولما شوفتها و سالت عليها عجبتنى جدا انا ماليش خبرة فى قطع غيار اللوجان بس انا اقدر اقولك انى غيرت المرايا الشمال علشان اتكسرت فى التوكيل ب 650 جنية مرايا كهرباء باشارة ...... اخر حاجة انا كنت من اسبوعين بجدد الرخصة و الراجل اللى فى المرور قاللى انت ثالث واحد يجدد رخصة البريليانس النهاردة و الاتنين شكروا فيها كويس اما موضوع الفرامل ممتازة جداااااا و يكفى انا كنت على 200 على طريق مصر اسكندرية و لحقت نفسى من مقطورة الله يخرب ..... و لا بلاش

**ahmed_oth** · 27-09-2011 11:56 AM

يا شباب بالنسبه لمشاكل الفرامل
هى مش مع كل الناس ولو ظهرت بتظهر فى 50 او 40 الف كيلو وكل اللى بتعمله بتغير تيل الفرامل والطنابير وبتجيب مكانهم بتوع جولف4 او اسكودا a4 وتركبهم وتنساهم وكبيرهم بعملو 700ج
انا كنت محتار جدا زيكم بين سانديرو والكروس لحد اسبوعين فاتو وقررت فى الاخر على FSV سيدان
وده لعد اسباب منها انا ليا زمايل فى شغلى معاهم من فتره اللى عامله 40 الف واللى عامله 80 الف وبيشكرو فيها جدا جدا سواء fsv او frv
من حيث استقرار على السرعات العاليه بعد 140 ممتازه
غرز على السرعات العالى استحاله تعوم منك
ملفات على الضيق فى سرعات عاليه فوق 140 تحفه
تنوع وسائل الامان زى 2 اير باج وفرامل abs , ebd مهم جدا لو لقدر الله وقفت قدام عربيه فجأه تلحق تلم نفسك بسرعه بفضل الله ثم وسائل الامان الموجوده فى العربيه
موتور ميتسوبيشى صريح متركب عليها بس ده فى الهاى لاين FSV , الكروس
صيانه فى توكيل BMW تحت ايد فنيين ومهندسين بتوع bmw
قطع غيار انتشرت مش زى الاول كانت محتكره فى التوكيل فقط وفى باب باسماء محلات قطع الغيار بره التوكيل وفى برده مركز معتمد من البافاريا ارخص منه لعمل الصيانه لسه فاتح من كام شهر فى جسر السويس وبرده مهندسين وفنيين كفأه زى بتوع البفاريا
كلها سنه ومصنع برليانس هيفتح فى العين السخنه هينتج كل موديلات برليانس لتصديرها لافريقيا وده هيعمل وفره فى قطع الغيار وانتشارها وترخيص سعرها
انا امبارح رحت المعرض وحجزت FSV مع ان عينى كانت على الكروس بس انا عشان عندى اسره واولاد فلقيت السيدان افضل للعائلات اما بصراحه لو كنت عازب كنت اخترت الكروس وش
والاستلام خلال ديسمبر اول شحنه هتيجى مصر ان شاء الله

**akramesg** · 28-09-2011 11:02 AM

تستلم على خير يا أ احمد
الفرامل احلى حاجة فى العربية وعوامل الامان هايلة لولاهم بعد ارادة الله مكنتش ابقى لسه حى كذا مرة !!!!
والفتيس الاوتو زى الفل مفيهوش مشاكل ولا عضعضة ولا نتشات والكيك داون ممتاز يسعفك من اجدعها مقطورة
ولو غاوى هى ستيبترونيك العب براحتك بس انا مكبر وماشى بالاوتو

**heroo911** · 28-09-2011 11:15 AM

نصيحة وعن تجربة البريليانس كل الى انت عايزة فيها وهترتاح جدا لمشيها وقطع غيرها متوفرة فى كل مكان دلوقتى وبأسعار رخصية واكثر حاجة الالمانى بتركب عليها

وبالنسبة للفرامل انا مشفتش فيها مشكلة مجرد عند ال 40 الف غيرت التيل ودة عادى جدا جدا

ومتنساش انت هتبقى مع البافريا يعنى الشغل النظيف والاحترام وهتحس انك مميز بالفعل

تحياتى

**ahmed_oth** · 28-09-2011 12:19 PM

فعلا بدون اى مبالغه fsv افضل عربيه فى السبعينات بمقارنتها مع (افيو , لانوس, فيرنا,اسبيرانزا 515, byd , لوجان ) مع احترامى لكل ملاكهم
قريبا اعصار قادم من fsv

**amm70** · 01-10-2011 09:17 PM

هو سعر fsv هاي لاين اوتو كام وسعر الكروس frv اوتو كام....وهل الموتور متسوبيشي ستبترونيك في الاثنين ؟ وهل متوفرين في التوكيل الان ام لا ..وشكرا

**hugan** · 01-10-2011 09:26 PM

الحمد لله ان مفيش حد طلع فجاءه وقال
ياعم انت بتقارن ايه بايه
اللوجان طبعا اصلها عربيه اوروبي
جايه من اروبا يعني

الموضوع: محتار و مش عارف اخد قرار .. برجاء الافادة

LinkBack

أدوات الموضوع

عرض

-

-

-

-

المواضيع المتشابهه

حيران ومش عارف اخد قرار

محتار....ومش عارف اخد قرار

برجاء الأفاده فى الأختيار ياشباب محتار بقالى أكتر من شهر ومش عارف استقر

برجاء المساعدة في قرار الشراء

محتار فى قرار

الكلمات الدلالية لهذا الموضوع

المفضلات

المفضلات

ضوابط المشاركة