أهمية تغيير الزيت فى ميعاده

**mohsen** · 15-05-2008 11:00 AM

*أنا بغير زيت شل سوبر الجركن الاصفر أبو 79 جنيه حاليا وبمشى بيه 5000 كم وكل مرة بغير الفلتر
* من حوالى شهر بدأت اسمع صوت ونة بتحصل عند(rpm (2000-3000
*نتيجة انى لا استخدم العداد الصغير فى تغيير الزيت علشان بستخدمه فى التفويل حصل خطأ غير مقصود
*وفجأة اكتشفت ان الزيت بقاله 10000 كم متغيرش فذهبت فورا لتغيير الزيت والفلتر
*بعدها مباشرة الونة اختفت تماما وصوت الموتوراختفى والعربية بقت ناعمة والسحب ممتاز
*فهمت ان الونة دى كانت جاية من الموتور بسبب الزيت الوسخ
*بس يا ترى الونة دى كانت جاية من انهى جزء فى الموتور بالظبط وياترى اثرت عليه أد ايه
ولكم جزيل الشكر

**Islam_galal** · 15-05-2008 12:42 PM

أعتقد الونة جاية من أنخفاض كفاءة التزييت و زيادة الاحتكاك بين الأجزاء المتحركة لنقص الزيت أو لإنهيار مكوناته و انفصال اضافاته (المسئولة عن تحمل الزيت للأحمال)

إختفاء الونه نتيجة وجود الزيت الجديد و ارتفاع كفاءة الزييت

النتائج: أسوء النتائج : لم تحدث و هو ان الموتور يقفش
أبسط النتائج: خفض كفاءة الموتور و عمره علي المدي البعيد

لو حضرتك عندك عداد rpm و عارف قراءته عند سرعه معينه ممكن تجرب الان و تشوف الفرق

لو مفيش فرق يبقي كله تمام

لو الزيت الجديد اتغير لونه بسرعه ينصح بتغييره مع استخدام منظف للموتور و تغيير فلتر
ملحوظه: حالة الموتور الأصليه و موديله مهمين - معلومة مجهولة-

**IAbdou** · 15-05-2008 12:46 PM

شيل هيلكس سوبر بقى ب82
وتانى حاجة أخرة أنك تغيرة على 3000 كم ومرة زيت وفلتر ومرة زيت بس

**MMamdouh** · 15-05-2008 12:49 PM

المشاركة الأصلية كتبت بواسطة Islam_galal

لو حضرتك عندك عداد rpm و عارف قراءته عند سرعه معينه ممكن تجرب الان و تشوف الفرق

لو مفيش فرق يبقي كله تمام

دة اختبار اسطوانة دبرياج... لو الموتور مفويت و رايح فى داهية و الاسطوانة سليمة حتلاقى الRPM مضبوط مع السرعة

لو حصل عنك مشكلة بسبب الزيت حتبان على طول لان الزيت للموتور زى الدم للانسان... لو نقص عن حد معين حيموت

MMamdouh

**MMamdouh** · 15-05-2008 01:10 PM

انا حشرح حاجتين

اولا الزيت بيعش على قدر امكانياتة... يعنى لو جايب زيت معدنى تعبان حتغرة كل 10 كيلو... انا بستعمل BP Visco5000 و دة تخليقى و مصنع فى الامارات و اخر مرة غيرتة فى عربية والدى كان عامل 13 الف كيلو... انا غيرتة لان كان بقالة 9 شهور فى العربية مش عشان الموتور صوتة اتغير او العربية سخنت او كدة

ثانيا توافق لفات الموتور مع سرعة العربية يعكس حالة الاسطوانة اذا كانت بتفوت ولا لا... لو بتفوت حتلاقى الRPM بقى اعلى من العادى عن سرعة معينة... يعنى لو العادى انك بتجيب 90 على الخامس و انت ماشى على 2500 RPM حتلاقى الRPM بقى على 2750 مثلا لو الاسطوانة مفوتة... و دة ملوش دعوة بحالة الموتور على الاطلاق

MMamdouh

**mohsen** · 15-05-2008 01:18 PM

المشاركة الأصلية كتبت بواسطة Ibrahim Reda

شيل هيلكس سوبر بقى ب82
وتانى حاجة أخرة أنك تغيرة على 3000 كم ومرة زيت وفلتر ومرة زيت بس

حضرتك ال 79 دى تمن الجركن فقط بدون سعر التغيير والا يبقى معندوش ضمير
انا بحب اغير فلتر الزيت كل مرة لان معتقد ان الزيت الى جوة الفلتر عمره الافتراضى انتهى زى الزيت الى بتغيره
فمفيش داعى اخلط نص كيلو زيت وسخ جدا على 3 كيلو زيت نضاف جدا وامشى بالعربية على اساس انى مغير زيت

**IAbdou** · 15-05-2008 01:22 PM

لا غلى سعرة بقى 82 بدون التغير

**mohsen** · 15-05-2008 01:24 PM

المشاركة الأصلية كتبت بواسطة emadno1

يا مفترى حرام عليك حتفوت موتورك
نصيحه استعمل العداد الصغير للزيت مش للبنزين لان البنزين لو اعدت تتابعه حيحرق دمك و بس
اما الزيت اهم بكتيييييييييييييييييييييي يييييييييييييير و بلاش 5000 دى كتير قوى دا انا لو عملت 3100 ببقى زعلان قوى
حافظ على موتورك علشان متتعزبش عند الميكانيكيه و ربنا يبعدك عنهم

استاذ ممدوح ممكن تشرحلى الجزء دة
دة اختبار اسطوانة دبرياج... لو الموتور مفويت و رايح فى داهية و الاسطوانة سليمة حتلاقى الrpm مضبوط مع السرعة

اصل حضرتك مؤشر البنزين واللمبة الدقة بتاعتهم مش تمام
وع ذلك هبتدى استخدمه للزيت كده اضمن