الحمد لله جددت الرخصة والتفاصيل كالأتى
العربية 1600 موديل 95 اوبل فيكترا
1 - تجيب شهادة مخالفات والحمد لله القاضى شال مخالفة عكس الاتجاه فى المعارضة وما دفعتش حاجه
2 - تدفع تأمين دفعت 108 تأمين سنة
3 - تشترى نموزج 351 ب 6.5 جنيه وطابع شرطة ب 4جنيه
4 - تروح على الشباك ومعاك صورة البطاقة الفموظف يقدرلك الضريبة وتروح تدفع الضريبة عما ينزل الملف
5 - تدفع الضريبة انا دفعت 231 جنيه وجنيه وربع وصل تصريح عشان اخد تصريح امشى بيه للكمبيوتر عطلان
6 - ترجع على الشباك لو الملف نزل تستنى البيه الموظف عما يشتغل فيه هيخلصه ويقولك روح شباك التسليم ودى فيها وقت لأن الملف بيروح للمراجع وللظابط والختم وبعدين الشباك
دخلت المرور الساعة 10 طلعت الساعة 1
طبعا فيه ناس هيقولوا مافحصتش عشان ميعاد الفحص 2013
لو حد هيفحص بيزيد عن اللى انا عملته يشترى نموزج فحص ب2.5 ورسم طفاية ب3ج ويروح على الفحص ياخد البصمة والمهندس يمضى بعد القاء نظرة على السيارة وتختم وصل الطفاية والظابط يمضى وتروح المرور تعمل اللى انا عملته
لو واحد هيجدد 3 سنين يشترى3 نموزج 351 وطابع شرطة لكل واحد ويصور البطاقة3
وطبعا يدفع التأمين 3 سنين
مروووووووووووور طنطا