مشكلة كبيرة ومحتاج أرائكم فيها

**ashouhdy** · 26-09-2011 07:46 PM

السلام عليكم ورحمة الله

كنت عامل سقف عربيتى القديمة اسود بيلمع

استيكر يعنى

وبعتها بية و على كدة وكل حاجة جميلة و اخدت فلوسى والمشترى مبسوط جدا

بعد شهر من البيع

المشترى كلمنى شال الاستيكر من السقف طبقة من الورنيش الميتالك طلعت

يعنى اللون عادى جدا بس بهتاااااااااااااان مش ميتالك

كلمنى وقاللى اعمل اية

نزلت شفتها ...

شفت فعلا ان السقف بهتان مش بيلمع ... أخدتها معاة ورحنا البنزينة نغسلها منفعش

جبت بنزين منفعش

اشتريت كمباوند و بولش على حسابى وعملت العربية برضوا مش بيلمع

رحنا لبوهيجى قال لازم تترش عشان يرجع يلمع تانى

المشترى رفض و عايز يرجع العربية

قاللى كدة بقت صيدة لو حبيت ابيعها

رشة سقف

و برضوا مش حاخدها وهى بهتانة وسقفها مش بيلمع ولو كنت شفتها كدة من الاول مكنتش حشتريها

وانا خدتها منك وانت اكدتلى ان لو شلت الاستيكر حتيقى فابريقة

دلوقتى المشترى صديق ليا بس مش بشوفة دايما ... يعنى كل كام شهر مرة

وفى وشى

وعمل بالعربية 500كيلو

اضطريت اقولة حاضر

وعملت اعلان فى الوسيط ب 125 جنية

وقاللى مش عايزها ... كدة مش دة اللى اتفقنا علية

قلتلة حعرضها للبيع

....... دلوقتى هو ذعلان وانا حفرقع وشايل هم

العربية رجعت تانى وملزم انا اركنها فى حتة امان وارجع ابيعها تانى واديلة فلوسة

للعلم العربية بعتهالوا واتسجلت فى الشهر العقارى

لكن بما انة صديق

فأنا مضطر

حرجع انزل بالناس وابيعها وهى مش بأسمى ... واشيل همها وهم ركنها وأمانها

رأيكم اية

**A.Saad** · 26-09-2011 10:07 PM

اكيد فيه حكم دينى عن البيع والسلعة معيبة
شوفه علشان متقعش فى حرمانية

**ashouhdy** · 26-09-2011 10:13 PM

انا مكنتش اعرف ان لما الستيكر يتشال حيحصل كدة

يعنى انا اصلا مكذبتش .... انا مضايق ان بعد شهر انزل انا الف بيها واركنها واشيل مسئوليتها تانى واعمل شهادة مخالفات تانى ... فى ناس بتقولى هو اللى يبعها وانت خلاص برة اللعبة

بس انا ضميرى مش مريحنى ما انا كمان ماشى على هواء

**ashouhdy** · 27-09-2011 01:04 AM

اخر مكالمة من نص ساعة ....... انت حتركنهالى قد اية ياشهدى شهر شهرين سنة سنتين

ياجماعة هو الورنيش دة بياخد قد اية وقت فى الرش .... وهل يعتبر العربية رشة سقف كدة

**أحمد كمال** · 27-09-2011 01:06 AM

عشان كده لا احب ابيع و لا اشتري من او الى اصدقاء او قرايب

**SYD** · 27-09-2011 03:01 AM

ياباشا رش الورنيش لا يعيب السيارة تماما

انا فعلا شوفت عربيتك الفيرنا لما كنتت عارضها للبيع وكنت عامل جنوط وفوجات وحركات وعربيتك كانت فبريكة ماشاء الله عليها

قوله كبر عقلك وماتقفش علي السقف

بص ياباشا
رشها ورنيش وانزل بيعها
العربيات اليومين دوول شادة حيلها حبتين
بيعها واديلوه فلوسه الي دفعها واخصم منها ايجار شهر 3000 جنيه
وصدقني ربنا هيعوضك خير

بس بصراحة هو معاه حق طالما انت قولتله هترجع فبريكة
بس ولا يهمك الورنيش مش يعيب العربية
ولو بيعتها علي حالها بردو مش مشكلة طالما فبريكة ومارشتش

والله المستعان
،
،