النهاردة وأنا رايح الشغل ( المسافة تقريباً من البيت للشغل 5 كم عشان أنا فى أنتداب فى مكان قريب من البيت ) لقيت لجنتين فى شوارع مدينة نصر خلال هذه المسافة
واحدة عند تقاطع مصطفى النحاس مع حسن المأمون والتانية على أول أحمد فخرى من الأتوستراد
بيوقفوا على حزام, تليفون أو نمر مش واضحة بالأضافة طبعاً للناس اللى شكلهم مش عاجبهم
هو في أيه اليومين دول فى البلد ؟؟؟
انت فاكرها سايبة؟؟:policeman:
MMamdouh
أهلا و سهلا :) أنا نزلت النهارده و نسيت المحفظة فى البيت :)
طبعا المحفظة = رخص + بطاقة + فلوس + ATM + VISA
الحمد لله معايا العربية و فيها بنزين و الموبايل و فيه رصيد :) و لو وقفنتنى لجنه هاقوله إخبط راسك فى الحيط نسيت محفظتى ههههههه
بس الحمد لله أنا نزلت بدرى قبل اللجنه دى لأنى فى أحمد فخرى :)
فعلا مدينة نصر النهاردة مليانة عساكر و لجان مش عارف ليه ؟
الحمد لله أنا فى الهرم دلوقتى :)
في واحدة في صلاح سالم عند الكلية الحربية دول بقى قمة الغتاتة
و فيه لجان بالليل في عباس العقاد و مكرم عبيد عالفيميه و الزينون
اهي العملة دي بعد القانون الجديد = حبس يا معلماقتباس:
المشاركة الأصلية كتبت بواسطة memo_hefnawy
امن على رخصك :troll:
يارب يفضلوا على كده على طول
البلد فعلا فيها حاجة غريبة جدا من إمبارح الصبح.والموضوع زاد جدااااااااااااااااااا بليل لدرجة إن قسم مدينة نصر اللي في النصر كان مليان وزحمة جدااااااااااااااااا بالناس والعربيات والمحاميين وصحاب الناس اللي إتمسكت.والله العظيم شفت بعيني إمبارح وهما بيقفشوا في الشباب في الشارع بدون أي سبب وحتى لو معاك بطاقة ملهومش دعوة.
مدينة نصر مولعة يا جماعة
كنت امبارح في السفارات في 3 كماين هناك و وقفوني علي الرخص و البطايق
سمعت ان في واحدة اغتصبوها ( بعد الشر علي بناتنا و نسائنا جميعا ) في اسانسير في السفارات و الموضوع جه في العاشرة مساءا
مش عارف الموضووع ده بجد و لا لأ
اول امبارح رحت ادفع اشتراك النت من غير عربية
راجع بتاكسي من مصر الجديدة السواق نزلني عند الساعة في اول النزهة و قالي اخري هنا و مش عايز اجرة مش داخل مدينة نصر انا خايف علي الرخص
و كملتها انا مشي )):
هو فيه صحيح
بس كان في ملاحظة لطيفة العساكر بتشاور للميكروباص يقف جنب الرصيف يحمل و يمشي و ما يقفش في نص الشارع - الكلام ده عشره و نص الصبح قبل الزحمة
مش عادة يعني - الطبيعي يشاوره له يقف بعيد و يختفي من قصاده
ايه البلد العجيبة دي
مش فاهم :confused4: يعني ما ترسوا علي حال انضباط ولا بلطجة
هو ايه الخلطة بتاعة البلد دي .....
( انت بتهرش علي كام يا دوسري )
علي فكره احنا عندنا في بورسعيد كده بردو
الدنيا مقلوبه اخر حاجه بجد
لجان في كل حته
وفي اوقات غربيه
ربنا يسترها جميعااااا علي رخصنا ... امين
يارب اعميهم عننا يارب ... امين
يارب خدهم كلهم ... امين
اه اول امبارح بليل كان فى لجنه قدام المنهل الصف الثانى فى مصطفى النحاس قبل حسن مأمون...
فعلا اول امبارح حتى العباسية وشارع رمسيس كانو مليانين عساكر وامناء
انا حتى عملت انتظار وهديت على جنب عشان أعدل المرايا جت عربية بوليس ورايا وقعد يزمرلي ومامشيش غير لما مشيت
هتلاقي فلوسهم خلصانه ... وعايزين يملو الرصيد تاني .....
بس فعلا في انظباط اليومين دول ... حتى في الدقي و المهندسين عندنا ....
وعلى فكرة مش عشان تسهيل حركة المرور ....لان المرور بيبقى ملعبك وهما واقفين
احنا بقه فى منطقة الهرم....يعنى الامن واالآمان ههههههههههه
اكاد اجزم ياجماعه ان فى تاريخ شارع الهرم كللو من ساعة ما اخترعوه..لحد دلوقتى ..ماتعملش فيه 5 كماين على بعض
!!!!!!!!
بيظبتوا البلد قبل مؤتمر دافوس الأقتصادي
لو زي مانتوا بتقولوا ..يبقى فعلا هناك شيء ما ...في طنطا في دوريات لغاية الفجر و موتوسيكلات بأمناء رايحين جايين ..و ديه مش عوايدهم خااالص هيه لجنة واحدة و الناس كلها عارفة مكانها و ماحدش بيهوب ناحيتها ..!
الحكومة بتلم فلوس العلاوة الجديدة:hang::hang::hang::hang: