ليه أشتريت سبرانزا ؟؟؟

**محمد المرسي** · 10-06-2007 04:37 PM

سؤال خطر ببالى بعد كل ما أقرأ أى مشاركة ضد العربية ..
طيب بعد كل ما سمعت كل الكلام اللى أتقال وأروح أجيبها برده وبسعر أغلى من عند الوكيل كمان .. طيب ليه ..
اسمحوا لى أن أعرض رأى ..
فى الأول لما سمعت عن العربية كنت هتجنن علشان أعرف عنها أى حاجة .. ليس فى الشكل فقط لكن أيضاً بالنسبة للأداء وكل ما يتعلق بالسيارة .. ومكنتش أعرف حد جاب العربية علشان أسأله .. وعن نفسي أنا شكاك جداً يعنى معرفش أخد رأى واحد فقط لابد وأن أخد أكتر من رأى .. وفضلت أدور على النت علشان أعرف أى حاجة عنها لغاية مالقيت موقع كونتاكت ومكانش المنتدى ده لسه متعملش .. وأول مادخلت على الموقع زادت حيرتى كلام بيقول أنها سيارة وحشة جداً وفيها عيوب الدنيا (اللى أنا فهمته) وكلام تانى بيقول أنها سيارة جيدة جداً .. ولما أتبنى المنتدى ده كنت من أول الناس اللى دخلت على المنتدى عل وعسى .. وفعلاً بعد الأستمرار فى التواجد بالمنتدى والسماع لكل الأراء وكل المشاكل والإيجابيات الخاصة بالعربية .. وبعد ما بدأت العربية فى الأنتشار بدأت فى سؤال أصحابها (خارج المنتدى) ..
وتلخص الأمر بالنسبة لى عن الأتى :
1- السعر .. طيعاً ده موضوع فى منتهى الأهمية لأن مش كل الناس معاها يشتروا سيارة بكل الأوبشن ده وبالسعر ده .. ولما تكون عايز تشترى عربية متكونش هاتش باك ومتكونش ضيقة من جوه ..
2- الشكل .. فى ناس لا تفرق معهم شكل العربية وأنا منهم .. لكن العربية أول ما شفتها شدتنى جداً لشكلها .. وعلى العموم ده موضوع أزواق ..
3- المكونات الأساسية .. أنا أكتر حاجة بكرها الحاجات المهجنة سواء كانت فى الشكل أو المضمون .. لكن العربية شكلها منفرد لذاته لا يشبه أى سيارة آخرى .. المكونات بانسبة للموتور فمعروف أنه موتور صينى ولم يقولوا أنه موتور بتاع نوع تانى .. وفى شخصيات محترمة هنا شرحت الموتور بكل تفاصيله .. العفشة معروفة وتستخدم فى سيارات كثيرة وخاصة إنها المانى ..
4- المكونات الأضافية .. مش هاتكلم عليها من كترها ..

نيجى لأهم موضوع وهو موضوع العيوب :
إذا نظرنا نظرة سريعة على العيوب الشائعة سنجد أن الوكيل قد أعترف بهذه العيوب ويتم تصليح هذه العيوب .. الموضوع ساعات بيطول لكن فى الأخر بيتعمل .. وأنا فى وجهة نظرى أن معظم العيوب اللى موجودة غير مؤثرة بالمرة على اداء العربية .. ثم بشكل موضوعى السيارة لم تتم عامها الأول بعد .. يعنى الموضوع لسه جديد علينا وعلى التوكيل ذانه يعنى كل حكمنا على السيارة الأن غير تام ..

ياريت لو فيه حد ممن أشتروا السيارة يقول لنا هو أشتراها ليه ...

وآسف على الأطالة ..
وتقبلوا احترامى ..

**Abouelela** · 10-06-2007 05:10 PM

ثم بشكل موضوعى السيارة لم تتم عامها الأول بعد

هي دى المشكلة بدون تحيز .. مع الثقافة المنتشرة في أوساط المصريين ( ضد الصيني علي طول الخط .. )
نتاج التجارب السابقة مع المنتجات الصينية ..
والواحد بالتأكيد يتمني أنها تبقي كويسه .. وتثبت وجودها .. لا أكثر ولا أقل ...

بس أنت ماقلتش .. أنت أشتريت وألا .. لأ..

**Driver** · 10-06-2007 05:21 PM

صباح الفل....بص يا سيدي...اللي خلاني اعمل العملة دي مجموعة عوامل....
1.الحالة المادية (امر بضائقة و ربك يفرجها) تقدر تسميها حالة فقر جزئي
2.حالة الهلع اللي حصلت بالعربية دي في مصر...فكرت هل الناس دي كلها غلط و انا اللي صح؟؟
3.واحد صاحبي(الله يخرب بيته) زن عليا...وان كده كده مش خسران حاجة..
4.تقريبا كنت نايم..وسحلية عدت على رقبتي وانا نايم :mrgreen: وانا مش كده من زمان والله
5.حبيت انني اجيب حاجة زيرو...و دي ارخص زيرو بالامكانيات دي (بس اكتشفت انها تساوي من20الى30 ولا اكثر)
6.مين فينا معصوم عن الخطأ؟؟ كلنا بشر خطائين...

والحمد لله....ربنا كرمني و تداركت الموضوع قبل فوات الاوان وبعتها بعد 43 يوم سود

و دي اسبابي بمنتهى الامانة....و قدر و لطف 8)

**Abouelela** · 10-06-2007 05:27 PM

أنا قلت أنك مش حتسكت يازيزو .. وأستغربت أني ما لقتش لك مداخلة .. وما لحقتش..

**ahmed1981** · 10-06-2007 05:37 PM

فعلا الحكم النهائي على العربية ده هيكون كمان سنة تقريبا
بعد ما تكون مشيت حوالي 100000 على الأقل ممكن أكثر
في الحالة ده ممكن تظهر العربية على حقيقتها فعلا بدون مسكنات ومهدئات من التوكيل
والله أعلم
م/أحمد :D

**أبو عبدالله** · 10-06-2007 05:50 PM

سؤال للأستاذ محمد مرسي ؟؟؟؟

هو ايه فكرة حضرتك عن العربيات ؟
يعني بمعنى أصح أسأل الاول السؤال ده للناس
لأن واضح من كلام حضرتك ان العربيه كماليات وسعر والعربيات أعمق من ذلك

يا سيدي الواحد لما يقدم على شراء عربيه العربيه دي سعرها 60 الف جنيه طيب انا لو قلت لحضرتك تدخل معايا شريك في شركه بتعمل كذا وتدخل معايا بالفلوس دي هتوافق علشان شكل الشركه حلو وفيها تكييف وكراسي وشكل الأبواب جميل وكده وله هتركز كل تركيزك على الشغل الأساسي للشركه وهو الانتاج مثلا .....................

يعني في النهايه موضوع الشكل والكماليات دي حاجات بتحسم الخلاف بين سيارتين متساويتين في كل شئ وانا مش قادر أحسم بينهم ففي هذا الوقت هنزل للمرتبه التاليه واني أنظر للكماليات والرفاهيه داخل السياره ........... يبقى الكلام اللي حضرتك قلت عليه اللي هو ده .....

1- السعر .. طيعاً ده موضوع فى منتهى الأهمية لأن مش كل الناس معاها يشتروا سيارة بكل الأوبشن ده وبالسعر ده .. ولما تكون عايز تشترى عربية متكونش هاتش باك ومتكونش ضيقة من جوه ..
2- الشكل .. فى ناس لا تفرق معهم شكل العربية وأنا منهم .. لكن العربية أول ما شفتها شدتنى جداً لشكلها .. وعلى العموم ده موضوع أزواق ..
3- المكونات الأساسية .. أنا أكتر حاجة بكرها الحاجات المهجنة سواء كانت فى الشكل أو المضمون .. لكن العربية شكلها منفرد لذاته لا يشبه أى سيارة آخرى .. المكونات بانسبة للموتور فمعروف أنه موتور صينى ولم يقولوا أنه موتور بتاع نوع تانى .. وفى شخصيات محترمة هنا شرحت الموتور بكل تفاصيله .. العفشة معروفة وتستخدم فى سيارات كثيرة وخاصة إنها المانى ..
4- المكونات الأضافية .. مش هاتكلم عليها من كترها ..

مينفعشي أقيس عليه السياره وبما انها جديده في السوق وحواليها علامات استفهام كتير جدا ...........

وهناك قاعد بتقول ............... الغالي ثمنه فيه
وايضا ................. مفيش حاجه ببلاش

**ehabbadr** · 10-06-2007 07:42 PM

وهناك قاعد بتقول ............... الغالي ثمنه فيه

القاعده دى سليمه فى كل مكان الا فى مصر يعنىلما تلاقى فى الدول العربيه السيارات الامريكى و ال 4ْX4 بحوالى70000ريال سعودى يعنى ثمن تويوتا كرولاا عندنا سيبك من الجمارك التوكيلات هنا بيستغلوا الناس و يكسبوا أضعاف عن ثمن العربيه الاصلى فيه عضو فى كوناتاكت حسب لغبور سعر السوناتا بالجمارك طلع حالى 80000 بيبيعها هنا ب 160000 ليه
ثانيا معطيات الاسبيرانزا و مواصفاتها المعلنه تعتبر ممتازه ضمان 3 سنوات او 100000 كم و الحمد لله العربيه معايا ممتازه فعلا و ربنا يديمها نعمه

**محمدايهاب** · 10-06-2007 08:09 PM

أنا فعلا مستغرب مع كل العيوب إلي بسمع عنها تروح تشتريها يا راجل ده أنا كان عندي عنها فكرة حلوة و كنت بفكر فيها لإختي فعلا و كنت بقول سعر و كماليات و تشجيع الصناعة المصرية و كنت بتخانق مع ابن خالتي و هو في سني هو يقول وحشة و أنا أقول لأ و هكذا حتى اتفقنا إننا نسمع رأي تالت و كان الموقع ( بعيد عن المتحيزين عن كل ما هو صيني ) بحثنا حتى وجدنا أن الرأي الغالب هو ضد هذه السيارة و فاز ابن خالتي و أنا خسرت لأ طبعا كسبت إني ما اشترتش العربية ( ده مع إني متحمس جدا 113 و 213 الجديدتين ) و يا رب
و بعدين إحنا مش عاوزين عيوب و نصلحها لأ أحنا أصلا مش عاوزين عيوب ( مع أن أي عربية فيها عيوب بس كل واحد يشوف إلي يناسبه ) أما عربية فيها كل العيوب دي بإعتراف ( أو حسب كلام ) ملاكها و بإعتراف (أيوة بإعتراف ) التوكيل فهذا ما لا يمكن قبوله

**محمدايهاب** · 10-06-2007 08:12 PM

أنا لا آخذ آرائي من استاذ زيزو - مع احترامي ليه - بس من رأي أكثر من شخص آخر و هذا لأني أرى إن أستاذ زيزو و هو شريك البلد الواحدة _ الامارات _ متحيز ضد هذه العربية بشكل مبالغ فيه كما أن تحيوه زاد خاصة مع المشاحنات السابقة معه

**Driver** · 10-06-2007 08:51 PM

القاعده دى سليمه فى كل مكان الا فى مصر

و مصر دي في المريخ مثلا؟؟؟؟

فيه عضو فى كوناتاكت حسب لغبور سعر السوناتا بالجمارك طلع حالى 80000 بيبيعها هنا ب 160000 ليه

يبقى الاسبرانزا كبيرها فعلا

انها تساوي من20الى30 ولا اكثر

؟؟؟؟ :mrgreen: :mrgreen:

ياسلام عليك يا زيزو....جبت السعر الحقيقي فعلا :D :D

و بعدين إحنا مش عاوزين عيوب و نصلحها لأ أحنا أصلا مش عاوزين عيوب

اقل حاجة تسألوها...وللا انا شاري عربية عارف عيوبها مقدما و اروح ابات بيها جنب الصيانة؟؟
ده اللي مانعرفلوش عيوب....بيطلعلوا عيوب.....نروح بقى نجيب عربية معيوبة من الاول و نجري على تصليحها...

متحيز ضد هذه العربية بشكل مبالغ فيه

يالهو بالي؟؟؟ انت مش عايش معانا يا باشا ولا ايه؟؟؟
اقرا الحادثة....

http://www.nilemotors.net/Forum/viewtopic.php?t=2136

ولو سمحت سيب ردك في الصوان 8)

الموضوع: ليه أشتريت سبرانزا ؟؟؟

LinkBack

أدوات الموضوع

عرض

ليه أشتريت سبرانزا ؟؟؟ - انشر الموضوع فى :

-

-

-

-

-

المواضيع المتشابهه

سبرانزا a 113

أشتريت فيفوريت

باركوا لى أشتريت جين 2

أنا أشتريت جين 2 2009

سبرانزا

الكلمات الدلالية لهذا الموضوع

المفضلات

المفضلات

ضوابط المشاركة